聖誕好去處｜西沙GO PARK《HAPPY GO RIDE冬日歷險村》！必玩人力過山車！

聖誕好去處｜絕對係今年必去嘅香港聖誕好去處！有全港獨有嘅「人力過山車」，大家都可以搭木系聖誕過山車。另外亦有三大木系節日場景、聖誕工作坊、冬日營以及節日表演等！即刻入內文睇詳情！

圖片來源：官方圖片 | 撰文：Hedy

西沙GO PARK呈獻《HAPPY GO RIDE冬日歷險村》，有齊全港罕見嘅「人力過山車」玩樂設施、三大木系戶外節日場景打卡位、聖誕人寵市集以及節日表演，啱晒一家大細帶埋毛孩過聖誕！

「人力過山車」

喺地面中央廣場設有「人力過山車」，將運動同玩樂結合，一個人喺軌道旁踩動單車，以環保嘅腳踏動力帶動車卡前進；第二個人就可以乘坐木系聖誕過山車，享受沿軌道飛馳嘅樂趣。主人仲可以帶埋毛孩一齊打卡！（毛孩影相嘅時候，人力過山車不能啟動）。

三大木系戶外節日場景

以GO PARK「森林奇遇車站」為起點，同一眾小動物展開親子聖誕奇遇！地面中央廣場設有小木屋與4.5米高木製聖誕樹，隔離更有趣味遊戲攤位。而2樓公園旁嘅「毛孩暖森小屋」，以小木屋為背景，邀請主人同毛孩一齊投入冬日節慶氣氛。另外，嚟到GO PARK 2，以小木屋、木製動物造型及5米高聖誕樹，打造充滿童話色彩嘅木系田園小景。

聖誕人寵市集

匯聚25個本地品牌嘅聖誕人寵市集，包括特色餐飲、生活精品、創意設計同寵物用品。市集將會喺2026年12月18至20日以及24至27日舉行，當中包括餐飲品牌懷舊沙嗲專門店及快餐小食店浩銘記及人氣咖啡店homeiisnotlimited，以及The Bottle Yard by Rat’s Cave、日本戶外品牌Post General、本地木藝創作START FROM ZERO、人氣寵物品牌Boop Boop等。

聖誕歌舞表演與聖誕老人見面會

聖誕歌舞表演將於2026年12月19日及24日下午2時舉行，而12月26至27日下午4時至6時更設聖誕老人見面會。

【INFO】
西沙GO PARK《HAPPY GO RIDE冬日歷險村》
日期：2026年11月27日至2027年1月3日
時間：10:00至22:00
地點：地面中央廣場

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk