深圳水上電單車｜放假想去深圳玩樂又或者係鍾意玩水上電單車嘅，就記得唔好錯過喇～就算係新手或者小朋友都可以輕鬆上手，體驗超刺激嘅水上奔馳快感～即刻入內文睇詳情喇！
圖片來源：官方圖片 | 撰文：Hedy
深圳前海首個水上新能源娛樂競技項目——「EWAVE水上方程式」，等大家都可以玩到水上電單車，仲要超適合親子玩，打造滿滿嘅家庭回憶！只要年齡符合8歲以上、60以下，身高1.3米以上以及身體狀況正常嘅朋友就可以獨立體驗。而1.3米以下嘅小朋友就可以同1位成年人共乘，總體重不得超過110公斤。由於大家全程都會著上救生衣，就算唔識游水都玩到！再加上艇身防側翻不倒翁設計，好低機會翻船，而且全程都有安全救援人員隨時待命，咁大家玩嘅時候就夠晒放心喇～
深圳水上電單車｜體驗飄移轉彎快感！
賽道長度約1公里，大家可以踩油門自行控制速度，一般五至八分鐘就可以開到一圈，新手1分鐘就輕鬆上手。喺海上面體驗飄移轉彎以及海上漂車嘅刺激感，齊齊同屋企人感受飄移、加速以及尖叫不斷嘅瞬間，再加上隨手影相都超靚～
【INFO】 《EWAVE一苇水上方程式》 營業時間：10:00至18:00 價錢（或有更新以店鋪最新為準）： 單人2圈 週末節假日人民幣236元；非週末節假日206元 單人1圈 週末節假日人民幣136元；非週末節假日106元 一大一小2圈 週末節假日人民幣256元；非週末節假日226元 一大一小1圈 週末節假日人民幣156元；非週末節假日126元 地址：EWAVE一苇水上方程式(深圳湾游艇会)
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
