迪士尼櫻花系列 | 1月開始就已經可以喺日本睇櫻花，就連去到5月都仲有得睇！睇櫻花絕對就一定要打卡，每年日本迪士尼都會推出新一季嘅櫻花產品，今年繼續都係有小熊維尼同一班好朋友嘅產品，仲新增咗粉紅色史迪仔同Marie富貴貓等角色，攞住櫻花公仔去打卡就一流喇！
圖片來源：shopdisney Japan | 撰文：Hedy
日本迪士尼每年都會推出新嘅櫻花產品，今年就以「Sakura Party」主題推出一系列嘅櫻花公仔、吊飾、環保袋、筆、貼紙以及手巾等。當中更有多個角色新加入，包括小熊維尼、Marie富貴貓、史迪仔、咿唷、小荳、小豬、勞蘇、熊貓美美登場，一眾朋友一齊開Party，聚埋欣賞壯觀美麗嘅櫻花，真係好歡樂呀！
東京限定櫻花公仔
-
小熊維尼與小豬櫻花公仔
櫻花粉色嘅小熊維尼，溫柔地攬住小豬一齊瞓覺，享受春天訓晏覺嘅時光，睇到都令人忍唔住想休息埋一份！除咗有公仔之外，你更可以入手埋掛飾，咁就可以掛喺手袋，隨時都有得睇住！
【INFO】 商品名稱：小熊維尼與小豬櫻花毛絨公仔、小熊維尼與小豬櫻花掛飾 售價：5600 yen(約295港元)、3500 yen(約185港元) 購買網址：公仔請按此、掛飾請按此 發售日期：1月23日
-
史迪仔與小甘櫻花公仔
除咗小熊維尼之外，更有今年新加入櫻花系列嘅史迪仔同小甘，本來藍色嘅史迪仔，成身都染上咗櫻花色，無論喺手上面定係背後都有櫻花，呢隻眼訓嘅史迪仔緊緊咁將小甘抱住，場面好溫馨呀！同樣都有大公仔同掛飾選擇，不過由於呢兩款公仔同掛飾為日本「shop disney」嘅獨家商品，只會喺東京迪士尼旗艦店、東京迪士尼度假區店以及網站上購買，有興趣嘅粉絲就一定要入手啦，相信必定超多人搶購！
【INFO】 商品名稱：史迪仔與小甘櫻花毛絨公仔、史迪仔與小甘櫻花掛飾 售價：5600 yen(約295港元)、3500 yen(約185港元) 購買網址：公仔請按此、掛飾請按此 發售日期：1月23日
「Sakura Party」櫻花公仔
除咗繼續有小熊維尼、小豬同咿唷公仔之外，今年更加入咗Marie富貴貓、史迪仔、勞蘇同熊貓美美！每個角色都以櫻花粉配上白色，盡顯溫柔同優雅，隨時都可以喺佢地身上發現飄落嘅櫻花花瓣，有機會喺頭上、背後、胸前或手腳等位置，超可愛！
【INFO】 Sakura Party富貴貓、小熊維尼、咿唷、勞蘇、熊貓美美、史迪仔櫻花公仔 售價：4200 yen(約222港元) Sakura Party小豬、小熊維尼(S) 售價：3300yen(約175港元)、3600 yen(約190港元) 購買網址：請按此 發售日期：1月23日
「Sakura Party」櫻花公仔掛飾
如果覺得屋企太多公仔嘅話，就可以入手櫻花公仔掛飾，無論喺攞住出去睇櫻花打卡定係掛喺袋都超級好睇！今次仲有多達8款掛飾選擇，當中包括小熊維尼、小豬、咿唷、小荳、史迪仔、勞蘇、熊貓美美同埋Marie富貴貓！對比起公仔，掛飾身上面嘅櫻花較為突出，顏色亦較淺色，所以兩款都係有分別㗎！
【INFO】
「Sakura Party」櫻花公仔掛飾
售價：2200yen(約117港元）
購買網址：請按此
發售日期：1月23日
櫻花公仔
除咗有櫻花大公仔之外，相信呢款可以細公仔都會好搶手！每個角色頭上有櫻花花瓣之外，更會伸開雙手，攞住櫻花等緊大家抱走佢哋，快啲帶佢地返去啦！
【INFO】
櫻花公仔
售價：1400yen(約74港元）
購買網址：請按此
發售日期：1月23日
櫻花小熊維尼產品
櫻花系列嘅主角小熊維尼亦有推出其他商品，例如係環保袋、筆袋、化妝袋同紙巾盒等等，相當實用之餘又夠特別！可愛嘅小熊維尼趴住係度成為你嘅筆袋同紙巾盒，超級可愛！環保袋同化妝袋就印有小熊維尼同小豬擁抱，同時背景亦有櫻花散落，配搭粉白色配色，相當浪漫！
【INFO】 櫻花小熊維尼環保袋、筆袋、化妝袋、紙巾盒 售價：1400yen(約74港元)、3000yen(約159港元)、3400yen(約180港元)、4400yen(約233港元) 購買網址：請按此 發售日期：1月23日
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
