最近IG爆紅嘅粉紅花海，大家去咗打卡未？元朗信芯園嘅「粉紅芒草海」正值盛開期，配合微風吹過真係治癒感滿分！
圖片來源：IG@shunsumyuen｜撰文：Sharon
秋天想搵個地方出走影吓相？唔使飛外國，元朗信芯園又有最新亮點！成片「粉紅芒草海」而家開得極之燦爛，好似鋪咗一層粉紅色嘅地氈咁，風吹過嗰陣波浪翻飛，真係勁治癒！除咗粉紅芒草之外，同場仲有彩虹風車、日式鳥居同埋穿梭花海嘅木棧道，點影都超有氛圍！
小編建議大家差唔多日落前嚟到，夕陽嘅斜陽射落芒草度，成個畫面會帶點煙霧夢幻感，打卡一流！另外，特別提醒大家，粉紅芒草本身就係季節限時，加上風車同鳥居呢個區域，因為要配合北部都會區發展，出年4月就會被政府收回土地！換言之，「粉紅芒草x風車鳥居」呢個夢幻組合剩返唔多時間可以欣賞，記得要把握時間啦！
【INFO】 《元朗信芯園》 地點：元朗新田小磡
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
