守護甜心期間限定店｜「我嘅心靈Unlock！」！！相信聽到呢句大家已經知道喺講緊邊套卡通片，真係滿滿嘅童年回憶！重點係，日奈森亞夢等一班聖夜學園嘅「守護使者」將會喺6月13號嚟到香港，打造出【《守護甜心！》限定店】。即刻入內文睇詳情喇！

圖片來源：官方圖片 | 撰文：Hedy

LCX 將會喺6月13日至7月12日期間，隆重呈獻全港首個《守護甜心！》主題活動「Shugo Chara! in HONG KONG」，以「My Heart, Unlock！」為主題 ！活動特設多個經典動畫打卡場景、逾50款首發嘅周邊商品限定店、收藏卡企劃及多重購物禮遇 ！今次香港限定店保留了來自作品標誌性嘅紅黑格紋元素及經典 Vivienna Westwood 嘅風格基礎上，融合2000年代龐克(Punk-Rock)時尚風格，注入咗「粉紅與棕色 (Pink and Brown)」色調，將亞夢最標誌性嘅Cool & Spicy格調帶到現場。

必影「心靈場景」 

1. 「My Heart, Unlock!心靈之牆」

位於LCX正門嘅重點裝置「My Heart, Unlock! 心靈之牆」 震撼登場，展區中心以極具代表性的紅黑格紋心型牆為背景，由主角日奈森亞夢領銜，率領聖夜學園「守護使者」 —— 相馬空海、邊里唯世、藤咲撫子及真城璃茉，迎接各位。 

2. 「守護蛋精靈牆」

牆上佈滿咗各式各樣嘅守護蛋，守護單精靈牆展示咗16隻心靈之蛋。大家只要打開心靈之蛋，就能看見相應嘅守護甜心，當中包括主角亞夢那四位性格迥異嘅守護甜心——小蘭、美琪、小絲及方塊、以及相馬空海、邊里唯世、藤咲撫子及真城璃茉等守護使者嘅守護甜心。 牆上更特別穿插象徵失去勇氣而黑化嘅「惡蛋」（壞蛋），瞬間勾起粉絲對亞夢奮力拯救他人心靈、高喊「Unlock」嘅經典回憶。

3.「角色鏡面互動自拍區」

展位特別採用了鏡面互動裝置，象徵著每位走進展區嘅「守護使者」都在進行一場心靈對話。擁有極高人氣嘅實力派偶像星名歌唄與充滿神祕魅力嘅月詠幾斗亦會在此驚喜現身，粉絲們可以近距離與幾斗及歌唄打卡合照。 

《守護甜心！》期間限定店 

場內更同步開設全港首個《守護甜心！》期間限定店，集結逾50 款精心打造嘅官方精品，由時尚配件、盲盒收藏到時下流行嘅穿搭單品都一應俱全！期間限定店將會分兩大階段推出唔同系列精品，首波主打多款時尚穿搭配件，包括以亞夢的守護甜心為設計靈感嘅髮夾、收藏控愛不釋手嘅精靈守護蛋毛絨盲盒及角色亞克力立牌等 。第一階段精品發售 為2026年6月13日起，而第二階段精品發售則為2026年6月27日起！

+5

限量收藏小卡

《守護甜心！》期間限定店將在 LCX 華麗重現！期間限定店內特別設置抽卡機，提供專為香港站打造嘅 Collection Card系列。全系列共收錄40款精美設計，嚴格劃分為 UR (Ultra Rare)、SR (Super Rare)、R (Rare) 及 N (Normal) 四種稀有稀度。

+7

獨家購物滿額禮遇 

大家喺現場消費滿 HK$200，即可隨機換領印有角色頭像的守護使者學生 ID 卡乙張。禮品款式將每週更新，絕對值得全套收藏！消費滿$500，可獲贈精美原畫色紙 (Shikishi) 乙張。細緻還原原著畫風與色彩，讓經典瞬間躍然紙上。凡在社交平台上發佈帖文或限時動態，並標註LCX及守護甜心指定社交帳號，再於顧客服務部展示相關帖文或限時動態，即有機會免費獲贈活動限定明信片乙張。 

守護使者學生 ID 卡

精美原畫色紙

限定明信片

【INFO】
《LCX【《守護甜心！》限定店】〉
開放日期：2026 年 6 月 13 日至 7 月 12 日
營業時間：上午 10 時至晚上 10 時
地點：尖沙咀海港城海運大廈三階 LCX正門

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk