Onepiece台灣澎湖花火節 | 適逢今年係日本漫畫《海賊王》25周年紀念，今屆嘅台灣澎湖國際海上花火節將會同《海賊王》聯乘，除咗有得欣賞煙火之外，大家更可以睇到無人機表演以及音樂會等等，去開台灣嘅朋友唔好錯過喇～
圖片來源：Facebook@澎湖國際海上花火節 | 撰文：Hedy
鍾意One Piece嘅朋友一定要去！繼上年台灣澎湖花火節同迪士尼一百週年合作，以無人機製造出米奇、米妮、美人魚以及三眼仔等圖案，深受大家喜愛！今年更會與《海賊王》聯乘，打造出「海賊王動畫25週年璀璨之夜」，將搭配海賊王主題進行無人機表演，畀大家欣賞超靚嘅煙火夜空！
台灣澎湖花火節5月開始
台灣澎湖花火節將會喺5月2日開始舉行到7月，5月至6月逢週一以及四、7月逢週二都會有～喺正式開幕之前，更有4月18日及4月25日兩場試放場，大家都可以喺觀音亭園區欣賞海賊王主題無人機以及煙火，每場都有700部無人機表演，相當壯觀！除咗有海賊王代表圖案出現外，亦會有澎湖知名景點圖案！
5個國家煙火團隊
喺特別日子更有嚟自5個國家嘅煙火團隊加入，更會搭配海賊王主題無人機表演，當中包括捷克NV FIREWORKS S.R.O、法國Pyragric、奧地利FIREevent Gmb、義大利Parente Fireworks以及馬來西亞RED FLAME Special Effects，為大家上演多場史詩級煙火show！同場更有應援音樂會以及星光電影院活動。活動更特別邀請知名動漫歌手以及交響樂園演出海賊王主題曲以及海賊王動漫音樂會，燃燒大家熱血嘅動漫魂！
限定海賊王主題商店
除咗一連串嘅表演之外，粉絲們必定要去澎湖限定嘅海賊王主題商店，多款商品都等緊大家～同時亦有獨家登場嘅海賊王主題輕食餐廳，令大家行入去船艙入面一齊用餐，仲有多款活動紀念章等緊大家一齊嚟收藏！
【INFO】 《台灣澎湖國際海上花火節》 日期：2024年5月2日至2024年7月30日（5、6月週一及週四/ 7月每週二） 時間：21:00（煙火及無人機展演時間） 地點：觀音亭園區
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
