香港美食 | 香港享有美食天堂之稱，喺YouTube或者小紅書上周不時會見到好多外地遊客嘅訪港vlog，分享香港覓食攻略。今次小編整合咗10大遊客力推香港美食，無論地道茶餐廳、米芝蓮餐廳定係過江龍食店都應有盡有，即睇以下介紹啦！
圖片來源：Facebook @hashtag B、Facebook @Bakehouse、Youtube @LE SSERAFIM、Instagram @sharishari_hk、Openrice @tsangalice、Openrice @woyaohenc、Openrice @Sunny1948、Openrice @food_pooh_pooh、Openrice @Carson.O、Openrice @TUEN TUEN、Openrice @肥誠、Openrice @Tea go、Openrice @猪师奶、Openrice @Foodastics、Openrice @haphaphappyshare、Openrice @gogogood_hk | 撰文：Icy
遊客力推香港美食 | 1. hashtag B
hashtag B以手工拿破崙焦糖千層蛋撻而馳名，每日都吸引大量遊客大排長龍。27層嘅蛋撻皮香脆鬆化，呈可愛嘅花花形狀，包住香濃流心蛋漿，製作方法比起傳統蛋撻更花心機同時間，難怪每日一出爐就火速售罄。千層蛋撻嘅每日出爐時間分別為中午12時、下午2時以及4時，想品嚐嘅朋友記得早啲去排隊喇！
【INFO】 hashtag B 地址：銅鑼灣利園山道73號寶榮大廈地下F號舖 營業時間：星期一至五 07:30-20:30/星期六及日 09:00-21:00 地址：尖沙咀加拿芬道49號夏蕙樓地下C號舖 營業時間：星期一至日 08:30-21:00 地址：鰂魚涌華蘭路25號太古坊栢克大廈地舖 營業時間：星期一至五 09:00-17:30
遊客力推香港美食 | 2. Bakehouse
另一間香港蛋撻名店就係Bakehouse，由香港四季酒店前糕點總廚Grégoire Michaud創立，當中招牌蛋撻由星級餅師每日新鮮烘焙，除咗賣相精緻，口感仲非常酥脆，蛋漿味道香滑濃郁，亦唔會過份死甜，因此門口長期都會出現排隊人龍！
【INFO】 Bakehouse 地址：中環蘇豪士丹頓街5號嘉彩閣地舖 營業時間：星期一至日 08:00-21:00 地址：尖沙咀漢口道44號地舖 營業時間：星期一至日 08:00-21:00 地址：灣仔大王東街14號地舖 營業時間：星期一至日 08:00-21:00 地址：銅鑼灣啟超道16號地舖 營業時間：星期一至日 08:00-21:00 地址：赤柱赤柱大街116號地舖 營業時間：星期二至日 08:00-18:00
遊客力推香港美食 | 3. Shari Shari
Shari Shari氷屋主打巨型日式刨冰，一直都有唔少甜品迷捧場。刨冰口感綿滑，配上自家製糖漿以及豐富水果餡料，味道多層次兼透心涼。當中以抹茶忌廉焦糖味最為受歡迎，甘甜茶汁加上鮮奶油同曲奇內餡，連韓國大熱女團LE SSERAFIM來港拍攝節目時都曾品嚐過，大讚係最好食嘅刨冰！
【INFO】 Shari Shari 地址：中環奧卑利街11號地舖 營業時間：星期一至日 13:00-22:00 地址：銅鑼灣加路連山道13號地舖 營業時間：星期一至日 13:00-21:30 地址：尖沙咀漆咸道南83-85A號金德大廈地舖 營業時間：星期一至日 13:00-22:00 地址：旺角窩打老道45號賀賢居地下A1號舖 營業時間：星期一至日 14:00-22:00
遊客力推香港美食 | 4. 甘牌燒鵝
位於灣仔嘅甘牌燒鵝大有來頭，連續八年獲選為米其林指南一星推薦嘅香港美食。招牌燒鵝賣相好吸引，散發陣陣油脂香味，肉質嫩滑多汁唔乾柴，而外皮色澤油亮，烤得非常酥脆。雖然餐點價錢比較貴，但仍然吸引唔少遊客品嚐，想食嘅話至少都要排一個鐘以上㗎！
【INFO】 甘牌燒鵝 地址：灣仔軒尼詩道226號寶華商業中心地舖 營業時間：星期一至日 11:30-21:30
遊客力推香港美食 | 5. 澳洲牛奶公司
講到香港地道食店又點少得澳洲牛奶公司呢！好多遊客都抱住體驗一下被人罵嘅心態而慕名而來。不過撇除服務態度，其實澳洲牛奶公司嘅上菜效率極高，早餐非常值得一試～特別係炒蛋，口感香濃嫩滑，配上金黃鬆軟嘅牛油多士，食落簡直充滿幸福感！
【INFO】 澳洲牛奶公司 地址：香港佐敦白加士街47號 營業時間：星期一至日 07:30-22:00（逢星期四休息）
遊客力推香港美食 | 6. 華姐清湯腩
位於天后嘅華姐清湯腩連續10年獲得米芝蓮推薦，店內招牌清湯牛腩份量十足，滿滿一碗牛腩煮得非常軟嫩，入口鮮甜，湯汁濃而不膩。雖然一碗清湯牛腩叫價大約$150，但無阻遊客想一嚐米芝蓮級數牛腩嘅決心，所以小店入面經常都會坐滿人！
【INFO】 華姐清湯腩 地址：天后電氣道13A號地舖 營業時間：星期一至日 11:00-23:00
遊客力推香港美食 | 7. 沾仔記
位於中環嘅沾仔記可以話係價錢非常平民貼地嘅米芝蓮麵店，多款麵食平均只需$32至$50不等。招牌雲吞麵份量抵食兼飽肚，雲吞皮薄餡靚，口感爽口彈牙，仲可以選雙拼或者至尊三寶，落埋自家製辣醬就更加惹味，難怪大受遊客推薦！
【INFO】 沾仔記 地址：中環威靈頓街98號地舖 營業時間：星期一至日 11:00-21:30
遊客力推香港美食 | 8. 紅茶冰室
大部份遊客來港旅遊，行程少不了品嚐地道冰室美食。紅茶冰室近日於小紅書上爆紅，雖然部份香港網民認為紅茶冰室唔算特別，而且價錢偏貴，但勝在環境乾淨企理，餐點款式夠齊全。而當中各款焗飯、脆皮菠蘿油、酥皮蛋撻、奶茶等食物，更加獲得多個內地博主推薦。
【INFO】 紅茶冰室 地址：荃灣大壩街49-51號庚發樓地舖 營業時間：星期一至日 07:00-23:00 地址：荃灣大窩口大廈街5-7號地舖 營業時間：星期一至日 07:00-00:00 地址：大圍村南道51號地舖 營業時間：星期一至日 07:00-22:00 地址：太子通菜街186號地舖 營業時間：星期一至日 07:00-22:00 地址：佐敦偉晴街65-75號偉景閣地舖 營業時間：星期一至日 07:00-22:00 地址：油麻地彌敦道498-500號地舖 營業時間：星期一至日 07:00-22:00 地址：尖沙咀加拿芬道18號恆生尖沙咀大廈地下5號舖 營業時間：星期一至日 07:00-22:00 地址：沙田沙田正街21-27號沙田廣場3樓50號舖 營業時間：星期一至日 07:00-22:00 地址：觀塘駿業街56號中海日升中心地舖 營業時間：星期一至日 07:00-22:00
遊客力推香港美食 | 9. 炳記茶檔
講到港島一帶嘆早餐嘅餐廳，遊客都會想試試具傳統風味嘅炳記茶檔，茶檔以經典鐵皮同塑膠天棚搭成，充滿地道港式情懷，食物主打各式公仔麵、三文治、多士等港式風味早午餐。當中以豬扒麵較為出名，豬扒煮到又淋又入味，啖啖都充滿濃郁嘅黑椒香氣。
【INFO】 炳記茶檔 地址：大坑施弼街5號地舖 營業時間：星期二至日 07:00-15:00
遊客力推香港美食 | 10. 第三代肥仔小食店
香港出名多街頭小食，掃街一流，而第三代肥仔小食店就係其中一間備受遊客歡迎嘅米芝蓮小食店。小店主打各款新鮮冰鎮滷味，例如紅腸、豬耳、大生腸、墨魚等等。每款食材都會事先清理好，確保衛生唔會有腥味，再配上甜醬芥辣等醬料，夠晒惹味！
【INFO】
第三代肥仔小食店
地址：尖沙咀厚福街3號華博商業大廈地下G1號舖
營業時間：星期一至日 13:00-00:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
