小編明白有時聖誕節，未必鍾意同人哋逼商場睇展覽同打卡，所以為咗安在家中嘅大家，決定推薦6套充滿聖誕氣氛嘅電影！希望大家早早為呢個節日熱身，開開心心迎接聖誕～想知有咩心水推介就快啲碌落去睇吓啦！
圖片來源：網絡圖片 ｜ 撰文： Debbie
Netflix聖誕推薦（1）- 7天愛上你 A Week Away
《7天愛上你》係Netflix三月份推出嘅青春歌舞電影。好多人都將呢套電影同High School Musical作比較，但兩者雖然同為歌舞片，但帶俾觀眾嘅訊息就唔太相似喇。前者係比較和平愉快嘅歡樂氣氛，後者屬於先苦後甜嘅7日成長，小編對於歌舞劇有強烈嘅喜愛～如果大家童年都喜歡睇HSM、吉列合唱團或者Camp Rock,呢套記得要睇呀！
Netflix傳送門：https://bit.ly/3wvxfjD
Netflix聖誕推薦（2）- 聖誕加州戀曲 A California CHRISRMAS
《聖誕加州戀曲》呢套電影大致同一般愛情電影無異，大約係講述有錢仔男主因為要去收購農場土地，遇上當農夫嘅女主角而譜出一段甜蜜嘅愛情故事。雖然就咁睇個劇情相當一般，但電影嘅背後又好令人羨慕喎！原來男女主角現實中已經係一對有小朋友嘅夫妻，呢套戲仲要係女主角做編劇添，係咪想閃爆觀眾對眼！不過作為聖誕熱身嘅溫馨小品都幾唔錯㗎。
Netflix傳送門：https://bit.ly/3HiTmPt
Netflix聖誕推薦（3）- 史力加過聖誕 Shrek the Halls
相信大家對史力加都唔陌生㗎喇，但聖誕呢套特別動畫只係半小時，容易消化亦都適宜同小朋友一齊睇！故事講述史力加同費安娜公主仲有三個得意囝囝本來過緊一個温馨嘅聖誕節！點知俾驢友、靴貓及薑餅人等一羣不速之客耽誤嘅搞笑故事，當然最後嘅故事都會係溫馨收場，絕對係短嘅合家歡之選！
Netflix傳送門：https://bit.ly/3qkBPQI
Netflix聖誕推薦（4）- 節日限定之戀 HOLIDATE
嚟緊呢套就係R級愛情電影，小朋友就未必啱睇喇！但劇情相對貼地搞笑，適合情侶收睇嘅。故事講述女主角生性豪爽，不拘小節，同法籍男友分手半年，依然餘情未了，因此拒絕再愛。聖誕節過後，喺百貨公司偶遇男主角，驚覺二人同病相憐，結果就結成「過節伴侶」，既可推搪家人，又不需負上感情責任，可謂一舉兩得！但到底最後會唔會發展成為戀人就要睇過先知喇！
Netflix傳送門：https://bit.ly/3qmdAl0
Netflix聖誕推薦（5）- 聖誕衝衝衝 Holiday Rush
想睇溫情又搞笑嘅聖誕片一定要睇呢套《聖誕衝衝衝》，故事講述身兼母職嘅男主角有一份穩定電台工作，給予到物質生活俾4個嬌生慣養嘅仔女，但好景不常，聖誕佳節前夕爸爸失業並希望用自己嘅餘下嘅財產買下電台，所以同子女必須縮衣節食並齊心振作嘅故事～戲中主題鮮明而且同聖誕主題相扣，熱身戲嚟講，呢套都不失為一個好選擇㗎！
Netflix傳送門：https://bit.ly/308OP1h
Netflix聖誕推薦（6）- 又甜又快趣：聖誕篇 Sugar Rush Christmas
Netflix傳送門：https://bit.ly/308OP1h
睇戲又點可以唔食零食呀！等小編都同大家私心推薦吓一啲低卡，冇咁大負擔嘅零食，咁就唔怕未到聖誕就食肥自己啦～
小編零食推介（1）- Tarami 低卡路里提子味蒟蒻啫喱飲品
小編零食推介（2）- Bourbon 百邦 – 健康餅乾 – 五穀高纖餅
小編零食推介（3）- Lotte 樂天 – Zero% 無糖朱古力派
【相關文章】聖誕倒數月曆2021合集！最平唔使$400就可以入手！YSL/DIOR/CHANEL/L’OCCITANE/Lancôme/Clinique/Jo Malone
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
