Monchhichi50周年跑 | 深受一眾小朋友同大人歡迎嘅Monchhichi將會舉行「Monchhichi50周年跑」！大家都可以一齊跑住慶祝佢嘅生日～即刻睇睇跑手包同埋點報名啦，仲有機會見到Monchhichi出席，同場亦有限定店～
圖片來源：官方圖片 | 撰文：Hedy
為慶祝Monchhichi 50周年，大家都可以一齊參與喺西沙GO PARK舉行嘅首個Monchhichi戶外生日派對。Monchhichi更會換上運動服同大家打氣～會場仲設有多個打卡位，粉絲們必去！Monchhichi 50周年跑將會分為800米、1600米以及3200米，大家都可以依照自己嘅能力選擇計時賽或非計時賽，無論係個人、親子定係專業跑手都可以參加～相信大家都相當期待可以喺西沙GO PARK上面跑步！
Monchhichi50周年跑 | 800米親子跑（非計時賽）
想同小朋友一齊體驗下跑步嘅樂趣，同時又可以同Monchhichi見面，親子跑就最適合大家～當中嘅跑手包有2塊獎牌、2份電子證書、2條號碼布、2件親子選手T恤、2條冰巾、2個打氣旗仔、1個索繩背包、1個小斜孭袋、1張紋身貼紙，價錢為港幣$898。
Monchhichi50周年跑 | 800米粉絲跑輕量跑(非計時賽）
12歲以上嘅人士如果想短短哋自己參加非計時賽嘅話，就可以選擇呢個賽事，就算係新手都相對上比較輕鬆！但大家要留意啦，18歲以下嘅參賽者，必須得到家長或監護人同意先可以報名。跑手包將會有獎牌、電子證書、號碼布、選手T恤、冰巾、運動袋、隨機限定襟章以及紋身貼紙，超豐富。大家可以用$458參加比賽之餘，又可以帶走一系列精美嘅產品！
Monchhichi50周年跑 | 1600米個人跑（計時賽）
如果平時有跑開步，就可以挑戰自己試吓1600米嘅計時賽，一齊爭奪獎牌，報名費為$388。完成賽事之後就會獲得獎牌、電子證書、號碼布、選手T恤以及冰巾！
Monchhichi50周年跑 | 3200米個人跑（計時賽）
3200米個人跑同樣都係計時賽，專業跑手就相當適合！完成賽事之後更可同樣獲得獎牌、電子證書、號碼布、選手T恤以及冰巾！價錢為$388。
Monchhichi50周年跑 | 12月15日舉行
準備報名嘅朋友亦要留意賽事將會喺12月15日於西沙GO PARK舉行，大家都可以揀選唔同嘅時段比賽，喺活動當日亦都要記得攞埋超可愛嘅跑手包！會場仲有勁多打卡位等緊你，仲可以近距離同Monchhichi 影相，更有期間限定店即刻去報名啦～
【INFO】 《Monchhichi 50周年跑》 日期：2024年12月15日 時間：按選擇比賽場次 地址：西沙海映路9號西沙GO PARK 價錢：港幣$358/ $388/ $458 / $898 報名連結：https://bit.ly/4fuBhya 了解更多：https://bit.ly/40xZ1x7
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
