新加坡過江龍「石磨樂豆Jollibean」正式登陸香港！「石磨樂豆Jollibean」選址九龍灣同調景嶺，主打豆乳飲品、吐司等美食，仲有早餐套餐提供添！即刻睇下有咩好食啦～
圖片來源：Facebook@Jollibean Hong Kong｜撰文：Sharon
「石磨樂豆Jollibean」係新加坡著名嘅豆乳品牌，擁有30多年歷史，每日製造新鮮石磨嘅豆乳飲品，豆乳控一定唔可以錯過！今次喺香港設兩個分店，分別為九龍灣同調景嶺，九龍灣分店為德福廣場，而調景嶺分店則設於會駅商場。飲品包括有好味又有營養「奶蓋桃膠紅棗豆乳茶」、「火龍果豆乳」、養生必試嘅「紅棗桂圓豆乳」同「木瓜雪耳雪梨豆乳」等。另外，仲有「芋泥豆乳沙冰」、「士多啤梨豆乳沙冰」、「摩卡豆乳沙冰」等沙冰選擇，消暑一流！
店舖提供早餐套餐，共有6款選擇，最平$28就食到吐司連豆乳飲品一份，非常抵食！吐司方面亦充滿港式風味，有沙嗲免治牛肉吐司、火腿碎蛋牛司、牛油花生醬吐司同牛油煉奶吐司等，當然仲有「彩虹芝士吐司」，芝士拉絲效果超正，打卡啱晒！除咗豆乳飲品同吐司，石磨樂豆Jollibean更有甜品可以食，如三色芋圓豆腐花、粒粒仙草同桃膠芋泥小丸子等。有興趣嘅朋友一定要試啊！
【INFO】 《石磨樂豆Jollibean》 九龍灣店地址：九龍灣偉業街33號德福廣場1期平台 調景嶺店地址：將軍澳調景嶺景嶺路8號都會駅商場地下GL-015C號舖 時間：星期一至五 07:30 - 22:00；星期六及日 09:00 - 22:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
