唐老鴨 | 各位唐老鴨粉絲終於都等到啦！唐老鴨將會再次係東京迪士尼擔任主角，打造出唐老鴨「Quacky Duck！Duck！Duck City！」而今年仲有一班新「Quacky Duck」加入，即刻睇吓有咩玩啦～
圖片來源：東京迪士尼 | 撰文：Hedy
上年超受歡迎嘅唐老鴨限定主題活動，將會喺今年再度回歸，舉辦「Donald’s Quacky Duck！Duck！Duck City」活動，除咗有迪士尼朋友之外，今年仲有一班「Quacky Duck」加入，當中仲有5大亮點必睇～
東京迪士尼唐老鴨活動 | 1. Donald the Legend巡遊
迪士尼嘅朋友以及唐老鴨粉絲「Quacky Duck」將會同賓客一齊讚美唐老鴨～巡遊更會由唐老鴨嘅好朋友Pete帶領，一齊喺歡樂嘅節日入面盡情玩樂啦～每日將會有1至2場表演，每場約35分鐘。
東京迪士尼唐老鴨活動 | 2. 限定裝飾
作為活動主角，園區入面當然會佈置滿滿嘅唐老鴨裝飾啦，一行到入去迪士尼樂園嘅入口處，就會見到花壇搖身一變成為唐老鴨花圃。認真啲睇仲會見到有「Quacky Duck」嘅身影出現，仲有唐老鴨嘅造型拱門，超可愛～
東京迪士尼唐老鴨活動 | 3. 限定主題周邊商品
鍾意唐老鴨嘅粉絲更加要入手多款「Donald’s Quacky Duck！Duck！Duck City」系列嘅周邊商品，當中包括唐老鴨水手帽頭箍、愛心頭箍、唐老鴨絨毛袋，再襯埋水手服超可愛～而且仲有明信片、貼紙以及文具等周邊收藏！今年就連鴨鴨玩具都換上水手帽以及藍色蝴蝶結頭套，只要搖晃玩具就會發出「呱呱」聲響，超可愛！4月7號開始就有得買～
東京迪士尼唐老鴨活動 | 4. 唐老鴨限定美食
由4月1日開始大家都可以食到多款唐老鴨嘅限定美食，當中包括熱狗、唐老鴨饅頭、老鴨棉花糖柑橘鳳梨汁等等，每一款都充滿唐老鴨嘅元素，超可愛！
東京迪士尼唐老鴨活動 | 5. 唐老鴨主題房間
一場嚟到絕對要住埋酒店～由4月8日至6月30日，大家都可以住緊「Donald‘s Quacky Duck」主題嘅特別客房，床單以及壁紙都換上唐老鴨主題，相信大家入住嘅時候都會特別開心～
【INFO】 《東京迪士尼唐老鴨主題》 日期：2025年4月8日至6月30日 地址：1-1 Maihama, Urayasu, Chiba 279-0031日本 活動網站：https://bit.ly/4gDu12V
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
