除夕倒數2026｜話咁快已經嚟到12月嘅尾聲，又就快要一齊迎接2026年！而小編已經幫大家整合咗今年除夕倒數好去處，即刻睇吓邊度倒數喇！
圖片來源：官方圖片 | 撰文：Hedy
除夕倒數好去處2026｜1. 遮打道倒數
往年大家都會去維港睇煙花匯演，一邊睇煙花一邊倒數。而今年12月31日嘅香港跨年倒數，將移師中環遮打道行人專用區舉行，並結合歌手及燈光表演，以全新形式呈現。國際組合Air Supply會矚目登場，連同本地歌手馮允謙和雲浩影現場獻唱。另外，「光影匯．中環」八幢建築物外牆，將以巨型倒數時鐘以及光影圖案，與大眾一起倒數，並上演長約三分鐘，以「新希望、新開始」為主題嘅光影表演，同大家送上祝福。
【INFO】 《香港跨年倒數》 日期：2025年12月31日 時間：晚上11:30至午夜12:10 地點：香港島中環遮打道行人專用區
除夕倒數好去處2026｜2. 西九跨年倒數
西九文化區首次舉辦除夕跨年倒數音樂會！歌手陳健安、糖妹Kandy、樂隊The Hertz、Nowhere Boys、DJ P-Chef及香港共融藝術音樂協會將於西九聖誕市集的維港海濱舞台演出，並與大家一起倒數迎接新一年！而喺除夕當晚，西九聖誕森林將延長開放至凌晨一時，高達12米嘅聖誕樹同超過60棵小聖誕樹將陪你過溫暖嘅跨年倒數，迎接2026年新開始！
【INFO】 《西九跨年倒數》 日期：2025年12月31日（星期三） 時間：晚上10時至翌日凌晨約12時30分 地點：藝術公園海濱東草坪
除夕倒數好去處2026｜3. apm除夕倒數夜
今個除夕夜，apm化身跨年聖地，誠邀大家嚟同人氣組合農夫FAMA一齊倒數迎接2026，保證全場夠FUN夠熱鬧！當日夜晚9點開始已經有預熱晚會，以連串精彩表演為2026預熱。
【INFO】 《apm x FAMA農夫除夕倒數夜》 日期：2025年12月31日 時間：晚上11:00 地點：apm大堂層
除夕倒數好去處2026｜4. 香港迪士尼樂園
想同米奇與好友一齊開倒數派對就唔少得嚟香港迪士尼享受「跨年倒數派對時刻」！！喺閃亮嘅煙火、全新光影與無人機演出之中，帶領大家一齊迎接2026年！而台上更有米奇、米妮、唐老鴨、高飛與布魯托將登上舞台，絕對係充滿童話與歡樂式嘅倒數！
【INFO】
《香港迪士尼》
當日營業時間：上午10:00至凌晨12:00
地址：新界大嶼山竹篙灣香港迪士尼樂園度假區
除夕倒數好去處2026｜5. AIA友邦嘉年華
友邦嘉年華重返中環海濱喇！現場有成50個機動遊戲及攤位遊戲，仲有首度登場嘅獅子開大口同神槍手遊戲，超刺激嘅80米巨塔衝雲霄，亦有一系列美食等緊大家，隨時將超可愛嘅公仔帶返屋企～
【INFO】 《AIA嘉年華》 日期：即日起至2026年3月1日 地址：中環龍和道9號中環海濱活動空間
除夕倒數好去處2026｜6. 海上跨年倒數Party
雖然今年冇煙花匯演，但大家都可以喺維多利亞港海上享受跨年倒數Party！「水上的士18」同「東方之珠號」為大家帶嚟兩班維港跨年倒數遊船，可以360°無遮蔽觀賞維港夜景！
1. 水上的士18 – 高性價比體驗
酒水任飲＋特色小食一份 | 近距離穿梭維港，欣賞兩岸光影饗宴 | 跨年抽獎 | 熱鬧倒數環節 | 現場音樂表演
登船：尖東碼頭
時間：23:00-00:30(大小同價)
價位：380HKD
2. 東方之珠號- 氣派之選
輕食自助餐+酒水飲料任飲 | 海上視角直擊中環摩天輪與星光大道 | 豐富抽獎環節 | 音樂派對| 倒數環節
登船：中環8號碼頭
時間：22:00-00:30
價位：普通位580HKD｜窗邊位680HKD(大小同價)
立即預訂：https://tinyurl.com/3a97kt9r
除夕倒數好去處2026｜7. 香港麗思卡爾頓酒店除夕倒數派對
全球最高空中酒吧OZONE位於118樓，除咗睇到唯美夜景之外，酒吧更會係12月31日舉行除夕倒數派對，以70年代嘅璀璨魅力之夜為主題，將你帶到去70年代，喺燈光閃爍嘅舞池入面隨著現場 DJ 嘅節奏盡情搖擺！喺雲端之上舉杯迎接新一年，絕對係超好氣氛！
價錢：
企位門票
每人港幣$788包括香檳一杯
*晚上10時後，18歲以下人士不得進入 OZONE
【INFO】 《香港麗思卡爾頓酒店除夕倒數派對》 日期：2025年12月31日 時間：晚上10:00至凌晨2:00 地址：尖沙咀柯士甸道西1號環球貿易廣場(ICC)香港麗思卡爾頓酒店118樓 立即預訂：https://bit.ly/4pSkxGH
除夕倒數好去處2026｜8. 香港維港凱悅尚萃酒店
鍾意唱歌嘅朋友唔好錯過喇！Cruise 空中餐廳及酒吧將喺香港極具標誌性維多利亞港閃耀動人嘅背景下，以「 Cruise-chella：熱爆金曲倒數派對」帶領饕客一同穿梭到千禧年。 駐場DJ帶大家重溫2000、2010 及 2020年代嘅巔峰金曲，當代流行天后樂曲到搖滾龐克風格、偶像男團到饒舌歌手樂曲等等都應有盡有！而大家仲可以喺度無限暢飲香檳，獲即影即有紀念相片，打造出一場跨年狂歡。
【INFO】 《「 Cruise-chella：熱爆金曲倒數派對」 》 日期：2025年12月31日 時間：10:30至營業時間結束 價錢：港幣$942 立即購買：https://bit.ly/4pUepO6
除夕倒數好去處2026｜9. 香港啟德帝盛酒店 – Jin Bo Law 空中酒吧（高空跨年倒數派對）
空中酒吧Jin Bo Law將會喺12月31日舉行除夕倒數派對，而DJ Hyphen將會喺除夕夜當晚熱力打碟，混音 R&B、廣東歌與 K-pop 節拍，伴隨4小時無限暢飲套餐(紅白餐酒、啤酒、汽泡酒及烈酒，連同小食一份，狂歡迎接 2026！
【INFO】 《空中酒吧Jin Bo Law除夕倒數派對》 日期：2025年12月31日 無限暢飲套餐：晚上9:00至凌晨1:00 DJ表演：晚上10:00至凌晨1:00 價錢：港幣$361 立即訂購：https://bit.ly/3LfjiC8
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
