全港首間SHO CHAN 主題Cafe登陸旺角！燦子及小琪破天荒以全新獨家廚師及女僕造型現身，除咗有超過50款期間限定主題餐飲，場內更有多個主題打卡位，齊齊捕捉燦子及小琪鬼馬造型！當然要入手獨家限定精品，同抽別注版閃卡及襟章，即睇內文了解詳情啦！

圖片來源：官方圖片｜撰文：Sharon 

日本插畫師Akirambow嘅人氣表情包貼圖角色SHO-CHAN燦子，憑鬼馬可愛造型及輕鬆幽默嘅性格，深受唔少人嘅喜愛～由即日起至5月30日，山下菓子 Kingsley Café & Meal將聯同SHO-CHAN燦子開設全港首間SHO CHAN 主題café山下菓子「SHO-CHANの廚房秘密」，燦子及小琪會以廚師及女僕造型同大家見面！

山下菓子「SHO-CHANの廚房秘密」。（圖片來源：官方圖片）

場內設多個SHO-CHAN燦子及CHI-CHAN小琪以廚師同女僕造型現身打卡位，SHO-CHAN燦子爸爸及KUMA酷瑪更會驚喜現身多個溫馨親子場景！食物方面，有超過50款期間限定主題餐飲，當中包括吉列蝦小食拼盤連燦子木盤、慢煮和牛咖哩蛋包飯、慢煮豬軟骨丼、盲盒曲奇、燦子造型布甸、特色飲品連限定主題匙扣及咖啡連陶瓷杯等。多款餐飲更會配上隱藏版贈品，每一款都印有SHO-CHAN燦子及燦子一家嘅可愛造型！

酷瑪朱古力歐蕾。（圖片來源：官方圖片）
漢堡配薯條。（圖片來源：官方圖片）
溫泉蛋雞粒丼飯附送燦子陶瓷碗。（圖片來源：官方圖片）
小食拼盤附送小食木盤。（圖片來源：官方圖片）

除咗食物，主題Cafe更售賣一系列獨家限定精品，包括全棉T恤、摺式購物袋等，仲可以抽閃卡及襟章盲袋體驗！各位fans千祈唔好錯過啦！

【INFO】
《SHO CHAN 主題café山下菓子「SHO-CHANの廚房秘密」》
地址：旺角彌敦道700號T.O.P商場3樓314-315號舖

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk