黃金海岸出現繡球花花海？！由5月1日至5月5日，以「繡球花」為主題打造「黃金海岸繡球花節」，黃金海岸商場將會化身「繡球花小鎮」，特設有兩大主題場景，5月1日更會有無人機匯演，非常精彩！即睇內文了解更多啦～
圖片來源：官方圖片｜撰文：Sharon
由5月1日至5月5日，黃金海岸舉行「黃金海岸繡球花節」主題活動，黃金海岸商場將會化身「繡球花小鎮」！當中設有兩大主題場景，包括長達120米、由近萬朵繡球花編製而成嘅繡球海濱長廊」，並以粉紅及淡紫為繡球花主色調，打卡一流！另外，仲有療癒十足嘅「繡球水韻花園」，數百朵繡球花及四面水韻鏡池打造而成，場面非常壯觀！
活動首晚5月1日，更推出「Love in the Sky 無人機匯演」，1,288架璀璨嘅無人機將於夜空中出現，當中主題「繡球花」圖案更會喺夜空中綻放！而人氣女團Lolly Talk亦會作揭幕嘉賓，為大家演出，活動內容超豐富！
除咗以上精彩活動，一連5日嘅「繡球花節市集」會同步舉行，有超過50個特色攤檔進駐，售賣多款以花為主題嘅精品手作如純手繪油畫及浮游花，更有小食攤檔，售賣花茶、咖啡以及多款市集限定小食。現場仲有尚有泡泡藝術表演、面部彩繪及扭汽球等一系列特色活動，有興趣嘅朋友千祈唔好錯過啦！
【INFO】 《黃金海岸繡球花節》 地點：黃金海岸商場中庭、海濱長廊及大草地 日期：5月1 - 5日 《Love in the Sky 無人機匯演》 日期：5月1日 時間：19:30 《繡球花節市集》 地點：黃金海岸大草地 日期：5月1-5日 時間：12:00 - 20:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
