日本手信2024 | 相信唔少香港人都最鍾意去日本旅行，仲苦惱緊買咩手信畀同事或者親朋好友，就可以睇睇小編推介嘅呢7份日本手信，絕對係去日本必買啊～
圖片來源：網上圖片、buttersand、kamakuragoro、gransta、Caffarel、kissakoi | 撰文：Hedy
日本手信推薦 | 1. New York Perfect Cheese
相信大家近年嚟聽得最多嘅日本手信就係New York Perfect Cheese，同時亦都係東京車站嘅手信名店，每個人都最少入手一盒！呢款由前白宮嘅甜品廚師Bill Yosses、日本首位芝士專業鑑評家村瀨美幸以及獲法國政府頒最優秀芝士職人Rodolphe Le Meunier共同監修嘅New York Perfect Cheese，鍾意食芝士嘅大家絕對唔可以錯過，以鬆脆嘅芝士曲奇夾餅包住忌廉同原條芝士，入口酥脆有牛油香，簡直係絕配！
【INFO】
《New York Perfect Cheese》
售價：8個入 1,296日圓（連税）（約$67港元）
日本手信推薦 | 2. Press Butter Sand焦糖奶油烤夾心餅
PRESS BUTTER SAND嘅焦糖奶油烤夾心餅相當出名，使用獨家調配嘅天然麵粉及新鮮奶油製作，當中獨特嘅「雙層烤法」可以去除多餘嘅油分，製作出香氣濃郁嘅熱壓餅乾。中間嘅雙層夾心更有焦糖原味、士多啤梨味和宇治抹茶味選擇，仲有兩款新口味朱古力奶油以及士多啤梨加檸檬。
【INFO】
《PRESS BUTTER SAND焦糖奶油烤夾心餅》
售價：5個入 1,620日圓（連税）（約$84港元）
日本手信推薦 | 3. 鎌倉五郎《半月》
日本古都鎌倉嘅傳統小食「半月燒」，喺半月形狀喺酥脆嘅煎餅上面，配上各種口味嘅奶油餡，包括抹茶以及紅豆，仲有期間限定嘅櫻花味，食落濃厚香醇。就連喺包裝定係餅乾上都會見到得意嘅兔仔圖案，攞嚟當手信相當適合！
【INFO】
《鎌倉五郎半月》
售價：10枚 1,188日圓（連税）（約$62港元）
日本手信推薦 | 4. God Bless Butter
喺上年10月先新開嘅God Bless Butter，由英、法、日三位喺牛油界被稱為「神」嘅工匠打造。以品牌命名嘅God Bless Butter質地鬆脆，更由全麥、黑麥同大麥等穀物製成，並塗上融化嘅牛油。金黃色嘅包裝高貴之餘又相當適合送禮！
【INFO】
《God Bless Butter》
售價：10個入 918日圓（連税）（約$48港元）
日本手信推薦 | 5. Butter State’s THE FONDUE CHEESE
鍾意食芝士嘅朋友一定要試試！Butter State’s THE FONDUE CHEESE，餅乾上面充滿滿滿嘅芝士奶油，當中更有兩種唔同芝士嘅香味～再將融化嘅芝士擺係明火上面烤，散發出香濃嘅味道，好吸引！
【INFO】
《Butter State's THE FONDUE CHEESE》
售價：5個入 1,274日圓（連税）（約$66港元）
日本手信推薦 | 6. Caffarel流心榛子朱古力批
瑞士蓮旗下品牌Caffarel嘅流心榛子朱古力批，其酥皮層層分明，入面更包裹著濃厚嘅朱古力榛子醬，做到真正流心效果。口感令人驚艷，而且甜而不膩，產品只限東京車站發售，要買嘅朋友要留意啦！
【INFO】
《Caffarel流心榛子朱古力批》
售價：4個入 702日圓（連税）（約$35港元）
日本手信推薦 | 7. 喫茶店に戀して焦糖流心布甸撻
喫茶店に戀して與「銀座葡萄樹」推出東京名產，外觀就好似以一本書包裝住，一打開入面就有焦糖流心布甸撻，酥脆嘅撻皮包裹著奶油布甸，食落去嘅時候表面焦糖化，而中間就係焦糖醬，口感層次豐富！
【INFO】
《喫茶店に戀して焦糖流心布甸撻》
售價：4個入 864日圓（連税）（約$45港元）
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
