松屋香港 | 唔使飛去日本都可以食到東京著名連鎖牛肉飯專門店「松屋」，以後食牛肉飯都多個選擇！即刻睇睇松屋將會喺香港邊度開幕，幾時有得食？最平一個飯都只係$2x起？超抵食！
圖片來源：政府新聞處、Facebook@松屋 | 撰文：Hedy
松屋為連鎖快餐店形式經營，主打價錢平嘅日式牛肉飯專門店。松屋喺1996年於東京創立至今，而家更擁有近1265間門店以及18間海外店。最近更會登陸香港，當中「松屋」嘅牛肉飯、定食及咖喱等招牌菜，都深受大家歡迎，唔知香港又會唔會提供日本有嘅Menu呢？
松屋香港 | 8月10日試業營運
香港開設嘅首間直營店將會登陸佐敦，8月10日上午9點至晚上8點將會進行試業營運，並會喺8月11日正式開張，想捧場嘅朋友記得要留意啦，即刻睇埋香港Menu睇下有冇咩啱食！
松屋香港 | Menu搶先睇！
松屋提供早晨定食、牛肉飯、燒肉定食、漢堡定食以及咖喱飯等選擇。早晨定食將會喺朝早7點至11點提供，最平$29就可以食到自選溫泉蛋拌飯，就連早餐都有燒三文魚以及青花魚等。而大家最期待嘅牛肉飯就分為5個份量，當中細碗都只係$29，最大份量都只係$60，一啲都唔貴！如果想特別啲食其他飯類都有泡菜燒牛五花飯以及韓式燒豬五花飯等選擇，價錢亦都唔算貴！
【INFO】 《松屋香港店》 日期：2024年8月11日開幕 營業時間：早上7:00至晚上10:30 地址 : 佐敦彌敦道219號莊士倫敦廣場地下6至9號舖 營業時間 : 早上7時至晚上10時30分 交通 : 港鐵佐敦站D出口徒步約2分鐘
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
