深圳好去處 | 暑假流流長，想帶小朋友去有冷氣嘅地方放電，深圳上個月開幕嘅海洋館就最啱大家！10000㎡沉浸式海洋世界，由海底隧道近距離觀察企鵝等動物，當中更有3大必影打卡位～
圖片來源：深圳恆遠海立方環遊城 | 撰文：Hedy
位於龍華區后浪新天地嘅「深圳恆遠海立方環遊城」，喺上個月已經開幕，無論係任何天氣，大家都可以喺25℃恒温室內樂園暢玩，咁就唔怕落雨同大太陽啦～「深圳恆遠海立方環遊城」佔地近10萬呎，以「真實海洋生態、光影科技、沉浸式體驗」為核心，設9大主題沉浸式展區包括黑潮之旅、人魚奇境、奇趣趕海、雨林藏珍、水母宮殿、葦潮與鳴、海洋新城、海獸劇場以及萌寵總動員。仲有80+課程體驗，真係超多嘢玩～
深圳好去處 | 180度環景海底隧道
現場有180度環景海底隧道，等大家都可以近距離見到大量嘅魚群、鯊魚以及魔鬼魚等等，影相超靚～而且每日仲會有美人魚表演，光影交織嘅瞬間真係超夢幻～
深圳好去處 | 水母宮殿
透明玻璃缸入面有水母漂浮，4米長觸鬚嘅太平洋海刺水母隨燈光變色，無論點影都咁靚～
深圳好去處 | 萌寵總動員
大家仲可以喺度近距離見到35kg嘅水豚、細尾獴以及企鵝等多個萌寵聚集，仲有得親手餵食！
深圳好去處 | 海洋新城趣味課堂
小朋友除咗可以近距離同動物接觸之外，更可以親自上堂，包括烘焙手作、科學實驗以及國學禮儀等等，等大家可以邊玩邊學～
深圳好去處 | 600㎡頑皮島
呢度絕對係小朋友嘅天堂！小朋友可以玩繽紛滑梯、積木樂園以及職業換裝，盡情畀小朋友放電！
【INFO】 《深圳恆遠海立方環遊城》 開放時間：11:00至21:00 地址：深圳市龍華區大浪街道同勝社區同富裕工業園第26棟第二層26201號 門票價錢：成人門票港幣$193.84 / 小童門票港幣$106.73 立即購買：https://bit.ly/4mFH3R0
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
