中環又有話題新店要Bookmark！新開張嘅「潮粵樓」除咗主打殿堂級潮粵手工菜，近期洗版度最高嘅一定係呢款黑馬甜品——「橄欖菜鹹檸雪糕」！橄欖菜嘅油潤鹹香撞上鹹檸嘅清爽微酸，再同冰涼奶香完美融合，鹹甜交織嘅衝擊感，絕對顛覆你對中菜甜品嘅想像！
圖片來源：SAUCE編輯部、官方圖片｜撰文：Sharon
香港優意集團最新力作「潮粵樓」正式插旗中環！今次餐廳特別搵嚟潮菜泰斗張新民大師助陣做顧問，將經典潮汕打冷同精緻粵菜玩出新境界。除咗有打冷龍蝦飯、花椒焗阿拉斯加蟹同20頭溏心乾鮑等大菜。全場最爆眼球嘅焦點，莫過於壓軸登場嘅「橄欖菜鹹檸雪糕」——將傳統潮式雜鹹同香滑牛乳雪糕瘋狂撞味！橄欖菜獨特嘅油潤幽香，撞上鹹檸嘅清爽微酸同柑橘果氣，再同醇厚奶香交織，一啖食到鹹、酸、甜三種層次，反差感極大卻意外解膩！
除咗神級雪糕，多款大師級主菜同樣搶鏡！先有顛覆傳統紅蟹飯嘅「打冷龍蝦飯」，原隻厚肉龍蝦鮮甜彈牙、霸氣開場；緊接登場嘅「20頭溏心乾鮑・脆皮豬婆參」，以濃郁火腿鮑汁帶出吉品鮑嘅軟糯溏心，同香脆豬婆參形成一柔一脆嘅極致對比；仲有升級版「花椒焗阿拉斯加蟹」，利用高溫鑊氣將青花椒嘅鮮麻香氣完全逼入肥美蟹肉入面，惹味到停唔到口！成個體驗由頭驚艷到尾，自問係吃貨絕對要即刻Bookmark去試！
+4
【INFO】 《潮粵樓》 地址：金鐘金鐘道88號太古廣場LG1樓003號舖 營業時間：星期一至日 11:30 - 23:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
