UNIQLOx吉卜力 | 相信大家絕對有睇過吉卜力工作室所推出嘅動畫，當中包括《哈爾移動城堡》以及 《千與千尋》等等。UNIQLO再度與吉卜力工作室合作，推出2024春夏聯名系列，即刻睇睇香港開賣日期同產品！
圖片來源：Facebook@UNIQLO Malaysia、官方圖片 | 撰文：Hedy
吉卜力係日本著名嘅工作室，由知名動畫大師宮崎駿與高畑勳及動畫製作人鈴木敏夫等人共同創辦。今次UNIQLO將會再度攜手吉卜力工作室，融合當中著名嘅動畫作品以及泰國藝術家Kanyada與吉卜力工作室鈴木敏夫嘅設計，希望將吉卜力工作室傲人嘅作品同能量，傳達畀每一個人！
10款T-shirt圖案
大家將會見到多部作品如《魔女宅急便》、《幽靈公主》、《哈爾移動城堡》及 《千與千尋》等將會製作成為男女通用嘅印花T-shirt。超得意嘅無臉男、煤炭屎鬼、波兒以及琪琪都會出現，總共有10款唔同嘅T-shirt，每件都只係$99，夠晒靚之餘又平！
得意恤衫+長袖衛衣
如果夏天怕曬都可以選購開領恤衫，休閒風嘅恤衫無論男女都啱著，除咗有以藍色為主調嘅龍貓恤衫之外，亦有樹精靈以及煤炭屎鬼，3款恤衫顏色唔同，方便大家襯衫！怕凍嘅大家更可以入手長袖衛衣，當中最推介大家入手《幽靈公主》衛衣，胸前印有小桑面具，背後就有齊小桑同山犬。同時亦有以《龍貓》以及《千與千尋》為主題嘅衛衣～
包色入手煤炭屎鬼襪
今次聯名設計最觸目嘅就係當中嘅配件，呢3款弧形迷你肩背包超得意，有齊龍貓、煤炭屎鬼以及龍貓公車，由圖騰排列組合，必定要收藏！鍾意煤炭屎鬼嘅粉絲，更要入手買埋黑白及深綠色襪，超得意～一對都只係$29，絕對要包色入手。
【INFO】 UNIQLOx吉卜力工作室 推出日期：5月31日 推出時間：當日早上9時 購買網址：https://bit.ly/3TNYtxN
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
