姜濤生日2026｜適逢姜濤即將踏入27歲！「姜濤香港後援會」舉辦「姜家人慈善生日慶祝活動 2026」，一連串嘅生日應援以及慶典活動正式啟動，即刻入內文睇「姜家人慈善生日會 2026」活動詳情喇！
圖片來源：官方圖片 | 撰文：Hedy
「Keung’s Family 慈善動畫及姜濤相片展覽」將會由4月24日開始於啟德零售館 2嘅4樓舉行。覽劃分為3大區域，當中兩個相片展區分別展示姜濤全新拍攝從未曝光嘅照片，以及姜濤「LAVA演唱會」精彩演出相片。而另一部分則將舊年首播《The Mini Keung Show》連載動畫嘅實體化延伸，等大家親身行入可愛嘅小姜姜、小濤濤與姜糖嘅動畫世界，穿梭於不同場景間。
【INFO】 《「Keung's Family 慈善動畫及姜濤相片展覽」》 日期及時間： 2026年4月24日至28日、4月30日｜11:00至21:00 2026年4月29日｜10:00至20:00 地點：啟德零售館 2(4樓） 購票方法： 1. 凡購買「姜家人慈善生日會2026」門票人士，已包括特展入場套票 2. 少量展覽 Walk-in 套票可於展覽開展後，於啟德零售館 2 地下mini Keung’s Charity Store 購買；展覽套票只限姜濤香港後援會會員入店購買，每套 $430。
姜濤生日2026｜期間限定Popup Store
與展覽同步啟動嘅亦有啟德零售館2地下嘅「mini Keung’s Charity Store」，店內設計滿溢活潑與溫馨氣氛，發售多款於《The Mini Keung Show》動畫中亮相、全新製作嘅「小姜姜」與「小濤濤」限量週邊產品。後援會會將所得善款在扣除成本後，全數撥捐慈善用途！
【INFO】
《 mini Keung's Charity Store》
日期：2026年4月24日至30日
時間：11:00至21:00
地點：啟德零售館2（地下 M2-006A Pop-up舖）
姜濤生日2026｜8米高充氣生日蛋糕
為咗同大家一齊迎接4月30日生日正日，啟德體育園東營將矗立一座高逾 8 米、色彩繽紛嘅「大型充氣生日蛋糕」裝置！蛋糕上點綴著姜家人元素同《The Mini Keung Show》動畫角色，屆時毗鄰啟德主場館嘅東營草地將成為「姜家人」必到嘅打卡勝地，大家都可以免費參觀！
【INFO】
《Keung’s Family 大型充氣生日蛋糕》
日期：2026年4月28日至30日
時間：11:00至21:00
地點：啟德體育園東營 （啟德主場館 J 閘附近）
姜濤生日2026｜「姜家人慈善生日會 2026」
姜濤生日前夕，一場姜糖與姜Admin嘅獨家慶生聚會將於4月29日夜晚喺啟德體藝館隆重上演，姜Admin將與現場數千名「姜家人」甜蜜相聚，分享即將踏入 27 歲嘅心路歷程，齊齊慶祝生日！
【INFO】
《「姜家人慈善生日會 2026 」》
日期：2026年4月29日
時間：20:00（入場時間18:30）
地點：啟德體藝館
延伸閱讀
【姜濤4.30生日應援！The ONE【The Keung’s Family】及皇室堡【The Keung’s Show】主題展覽】
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
