中電鐘樓文化館 | 霓虹燈絕對係最能夠代表到香港嘅象徵物之一，今個新春大家更可以到中電鐘樓文化館參觀期間限定嘅霓虹燈展覽！還原懷舊冰廳招牌之餘，仲要係免費入場，即刻入內文睇詳情啦！
圖片來源：官方圖片 | 撰文：Hedy
五光十色嘅霓虹燈簡直就正正代表住香港，不過近年嚟霓虹燈喺香港已經越嚟越少見到。由即日起至2025年3月16日，中電鐘樓文化館舉行「光.感發現——燈光下的城市」主題展覽活動，館入面將會設有三組霓虹燈裝置——《生活動力》、》《「樂」在彌敦》、《看得到的電力》，還原懷舊冰廳招牌、彌敦道等歷史店鋪舊霓虹燈，呈現港式獨有情懷！
全新「漫步加山」導賞團
除咗可以觀賞到霓虹燈招牌外，更推出全新「漫步加山」導賞團，帶領大家一齊遊覽加多利山，感受城市面貌嘅變化。建築物保留咗最完整嘅原創現代主義特色，仲可以體現上世紀流行歐美嘅早期包浩斯風格！等大家可以一邊散步之餘亦都學習觀賞更多建築物～
玩遊戲贏小禮物
大家睇完展覽之後，仲可以喺現場玩互動遊戲「尋找光.感小挑戰」，只要完成指定任務後就可以獲得全新推出嘅「生活動力」萬字夾套裝，美觀得嚟又實用！
【INFO】 「光．感發現——燈光下的城市」霓虹燈期間限定展覽 日期： 由即日起至2025年3月16日 地點： 中電鐘樓文化館
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
