港式甜品 | 各位甜品控注意啦～最近奧海城有間全新港式甜品店「糖糛」，由前米芝蓮甜品主理人開始，每日由農場嚴選直送100%新鮮水果，等大家都可以品嚐到最新鮮嘅味道。糖糛主打「冰、糊、燉、撈」四大主題，重新演繹港式風味！
圖片來源：官方圖片 | 撰文：Hedy
各位甜品控注意啦～最近奧海城開設咗全新港式甜品店「糖糛」，更係由前米芝蓮甜品主理人主理，每日由農場嚴選直送100%新鮮水果，等大家都可以品嚐到最新鮮嘅味道。糖糛主打「冰、糊、燉、撈」四大主題，重新演繹港式風味！
港式甜品 | 細選世界各地食材
糖糛精挑細選世界各地唔同嘅食材，當中包括泰國金枕頭榴蓮、菲律賓呂宋芒、雲南野生老樹桃膠、日本北海道3.7牛奶，甜源則以印尼椰子糖為基底，配合雲南老冰糖及越南斑蘭葉慢火熬製而成，真材實料，又唔怕太甜！當中更有3大必食推薦：
港式甜品 | 1. 招牌特純榴蓮冰
招牌特純榴蓮冰以泰國東部果園嘅金枕頭榴蓮入饌，果肉金黃口感濃郁，配搭香濃牛奶打成細密冰沙，啖啖濃郁～榴槤控絕對唔可以錯過！
港式甜品 | 2. 香滑芒果冰
香滑芒果冰嚴選菲律賓空運抵港嘅呂宋芒，手工慢製成綿密果茸，香氣特濃！另外亦有其他款式如龍眼椰果冰、士多啤梨冰都係人氣之選，最啱夏天嘅時候食！
港式甜品 | 3. 椰皇蛋白燉桃膠
女士們必食椰皇蛋白燉桃膠，幫大家滋補養顏～糖糛每日以慢火現燉，原盅椰皇與新鮮蛋白經輕柔攪拌後蒸燉，蛋白嫩滑之餘，桃膠又夠晒Q彈！
【INFO】 《糖糛》 營業時間：星期一至日 12:00-23:00 地址：香港九龍大角嘴海泓道1號奧海城三期G 28鋪
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
