香港歷史博物館 | 放假諗唔到去邊好？香港又有多一個免費展覽睇啦～香港歷史博物館推出全新展覽，展出逾130件陝西秦漢文物，有得免費睇秦始皇兵馬俑同各式陶俑！即刻入內文睇詳情！
圖片來源：官方圖片 | 撰文：Hedy
放假嘅時候不妨帶埋小朋友去睇展覽，「香港賽馬會呈獻系列：天下一統 — 陝西秦漢文明展」由即日起至2025年7月7日喺香港歷史博物館舉行，展覽展出超過100套分別嚟自秦始皇帝陵博物院、漢景帝陽陵博物院及陝西省考古研究院嘅精選藏品，超過一半首次喺香港展出！展品包括秦始皇帝兵馬俑、漢景帝地下兵團與牲畜群像、車馬器、建築構件等，介紹秦漢時期嘅政治、經濟、文化、科技以及中外交通等發展。當中亦有11件國家一級文物，四件國家一級文物喺首次喺內地以外嘅地方展出，有興趣嘅朋友就記得去睇吓啦～
香港歷史博物館 | 重點展品介紹
是次重點展品包括秦兵馬俑坑中目前出土級別最高嘅高級軍吏俑、推想正在敲擊樂器嘅跽姿俑，和鎧甲上仍可看到2000多年前紅色彩繪嘅跪射俑。呢三尊秦俑均屬國家一級文物並首次喺香港展出！另一亮點展品係一號銅車馬，為全場唯一複製品，原件於陝西省西安市秦始皇帝陵園銅車馬陪葬坑出土，真實咁模擬咗古代馬車嘅形制和結構。其他展品包括秦代嘅銅雁、漢代嘅陶錢範、金餅、着衣式行走武士俑等，帶大家深入認識秦漢時期嘅文物以及社會風貌等！
【INFO】
《香港賽馬會呈獻系列：天下一統 — 陝西秦漢文明展》
日期：即日起至2025年7月7日
時間：逢星期一、三至五10:00至18:00；逢星期六、日及公眾假期10:00至19:00
地點：香港歷史博物館夢周歷史影像暨文化館及一樓大堂（香港九龍尖沙咀漆咸道南100號）
費用：免費參觀
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
