平時返工同返學覺得壓力好大，想搵方法紓壓？小編推薦大家去位於觀塘嘅「發洩主題房」，呢間爆房有齊碗碟、電視、雪櫃畀大家打爛，將大家嘅唔開心同煩惱一一打破！有興趣嘅朋友即睇內文了解啦！
圖片來源：IG@smashroom_hk｜撰文：Sharon
香港人生活節奏急促，生活壓力相當大，平時又遇到唔少態度差嘅西客同惡頂腦細，積積埋埋咁多壓力唔知點紓壓好！位於觀塘嘅「爆房」以發洩壓力為主題，提供一個空間畀大家可以喺度盡情發洩！
「爆房」嘅基本套票價錢為$150，可以15分鐘內打爛房間內嘅物品，包括碗碟、雪櫃、電視機同各類大型電器。如果嫌唔夠喉，仲可以加錢購買大型傢俬電器、人型公仔同A4相架，可以喺度將自己壓力釋放，絕對係最佳嘅紓壓好去處！
場內設一面Gear牆，入場前可以揀戴面具定係頭盔加護目鏡。另外，仲有專業職員指引教大家點玩，咁就可以更有安全保障啦！如果你有壓力唔知點發洩好，快啲嚟「爆房」啦！
【INFO】 《爆房 Smash Room》 聯絡電話：4408 3170
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
