仲諗緊今年聖誕送咩禮物畀另一半或者閨蜜？荷蘭人氣身體護理品牌Rituals已經為大家準備好！今年以「The Rituals Express – Destination: Joy」為主題，將成個歐陸復古火車站搬咗嚟香港，中環IFC旗艦店仲化身成復古火車站月台，有齊巨型禮盒同紅絲絨布簾打卡位，儀式感十足！
圖片來源：官方圖片｜撰文：Sharon
講到揀禮物，Rituals今季真係貼心度爆棚，由極具奢華感嘅身體護理套裝、療癒身心嘅家居香氛，到各款精緻節日限定禮盒都應有盡有。無論你係想物色性價比高、適合玩Secret Santa嘅實用小禮物，定係打算送份大體又具心思嘅矜貴心意畀最愛，喺呢度都總會搵到滿分之選，送禮定自用都完全無投訴！
今次節日系列焦點亮點一次過睇晒：
經典立體小鎮屋倒數月曆
設計成超靚嘅立體歐陸小屋，入面收納咗24款驚喜好物，包埋兩件正裝！一次過照顧晒沐浴、肌膚同行家居香氛。成套總值成HK$1,830，而家 HK$1,025 就可以入手，粉絲絕對要快手搶！
皇牌香氛禮盒低至$295
皇牌經典系列例如The Ritual of Ayurveda推出咗小型禮盒套裝（HK$295），配埋高質天鵝絨禮盒，做聖誕交換禮物啱啱好，性價比超高！
個人化西洋書法巡迴＋送荷蘭直送小火車
12月期間，全港多間專門店會有駐場西洋書法服務，買指定產品就可以免費寫上專屬祝福；另外買滿淨額 HK$650仲即送荷蘭直送嘅經典小火車吊飾連字母貼紙！
玩遊戲解鎖高達$1,000禮遇
去到各專門店記得玩埋「Journey Pass Station」限定印章活動，集齊指定印章數量就可以解鎖總值高達HK$200、HK$500甚至HK$1,000嘅豐富禮遇，真係有得玩又有得拎～
各位香氛迷記得 Mark 實時間去掃貨同打卡喇！
【INFO】 《Rituals》 IFC門市地址：香港中環國際金融中心商場1樓1066號舖
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
