新年好去處2026 | 香港首度聯乘台灣人氣爆燈IP《柴語錄》，一眾可愛角色包括柴犬、哥基、貓咪以及水豚都換上新春造型，並為大家帶嚟超多主題打卡位同遊戲區，即刻入內文睇詳情喇！
圖片來源：官方圖片 | 撰文：Hedy
新蒲崗Mikiki及屯門卓爾廣場聯乘台灣人氣IP《柴語錄》，為大家呈獻「柴運亨通過肥年」主題活動。Mikiki打造出「柴運亨通新春樂園」，設6大主題打卡同遊戲區，當中一定要同3米高巨型財神柴犬、旋轉木馬以及喺寵物打卡位影相！同時亦有3大互動遊戲，齊齊收穫人緣、事業以及好運氣。
新年好去處推薦 | 2.3米高巨型柴犬
屯門卓爾廣場則搖身一變，成為洋溢和風新年氣氛嘅「柴運亨通日式新年祭」！裝置內鋪滿浪漫櫻花印花地貼，形成粉紅花瓣散落步道，恍如置身日本春日祭典，場內更特設四大打卡及遊樂區。超可愛2.3米高頭頂金桔，浸緊溫泉嘅巨型柴犬等緊大家，亦有開運鳥居、繪馬以及日式魚池等新春裝飾。
新年好去處推薦 | 2大賀年市集
除咗多個打卡位同互動遊戲之外，新蒲崗Mikiki及卓爾廣場特別舉辦「賀年展銷」，現場匯聚超過30間特色參展單位，等你可以一次過購買各式賀年糖果、禮盒以及年花等。
【INFO】 Mikiki 「柴運亨通新春樂園」主題裝置 日期：2026年1月20日至3月8日 時間：10:00至22:00 地點：Mikiki地下中庭B區 Mikiki x柴語錄賀年展銷 日期：2026年1月20日至2月16日 時間：11:00至21:00 地點：Mikiki 地下中庭A區 卓爾廣場「柴運亨通日式新年祭」主題裝置 日期：2026年1月20日至2026年3月8日 時間：10:00至22:00 地點：卓爾廣場地下中庭 卓爾廣場 x 柴語錄賀年展銷 日期：2026年1月22日至2026年2月16日 時間：11:00至21:00 地點：卓爾廣場地下中庭
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
