疫情之下想做運動變得難上加難，就算和緩期Gym room開翻相信大家都唔太敢去……最近小編就發現到香港多左好多靚靚嘅露天運動場，設計唔單止夠曬本土仲好colorful！呢d彩色天台運動場有大又靚，真系約埋朋友去打波都打得開心d～ 當中仲有全港首個女性友善籃球場添，鍾意打卡嘅sporty girl千祈唔好錯過，即刻睇睇詳細地址啦！
圖片來源：IG@achong991、i_am_real_yuki、pang.yee.tsam、makwaihung、annietoni、veeceecheng、nyears_photography、網絡圖片｜撰文：candice
新潮運動熱點1. 將軍澳「明德主場」
呢個位於明德商場上蓋嘅球場，係全港首個女性友善運動場！「民坊」完成活化工程後喺2021年1月重新開放，加入咗1.5萬呎全新運動共享空間。
球場以鮮豔漸變顏色設計，從唔同嘅角度睇，會見到”W”或”M”字，代表Women(女性)及Men(男性)，推行男女共融，同時亦象徵住Willpower(意志力)、Worthiness(價值)、Motivation(動力)等等。另外球場圍欄仲刻有好多激勵字句，例如「練波辛苦 輸仲辛苦」、「完場前 永不放棄」、「完場後 不忘初心」等，令大家係打波、練波途中望到好似有人幫自己打緊氣咁！
作為全港首個女性友善嘅運動場地，場地同非牟利機構Women in Sports Empowered HK (WISE HK)合作，計劃持續舉辦女性恆常訓練班，鼓勵女性keep住運動。
球場外都有唔少貼心設施，包括鋼面鏡比運動員喺運動前後方便整理儀容，仲增設掛袋勾方便掛隨身物品。場外一樣用咗鮮豔色彩設計嘅「Rest鬆」(Rest Zone)，擺放左好多輔助肌肉伸展嘅裝置，方便進行熱身拉筋及伸展放鬆運動～各位鍾意運動嘅女仔又多個場打波啦！
地址: 將軍澳培成里10號
開放時間: 6am – 10pm
新潮運動熱點2. 九龍灣「啟業運動場」
接落黎要介紹嘅係位於啟業商場天台嘅啟業運動場，呢個運動場喺籃球街場界別一向好受歡迎！球場仲有上蓋，就算落雨都唔拍淋到濕曬打唔到波。
當中最有特色嘅部分，係由黃色鐵欄包圍住嘅籃球場，又被稱為「黃金空中籠」。球場喺翻新後依然保留呢個深入民心嘅特色，並加入特色元素，將鐵籠換上更光鮮嘅黃色，場地同柱身又漆上深灰色及黃色，超級型格。同時有齊曬2021 兩隻pantone色，真系岩曬打卡。另外球場其實仲有好多香港元素，例如強調「敬業樂業 Never Quit」嘅香港精神等等！
設計以外，球場都變得多元化，加入唔少設施，例如「啟業穿三針」射籃挑戰區，牆上有唔同高度籃球架，地下亦畫咗唔同大小嘅圓圈，想點挑戰任你話事，所謂街頭文化就係要夠free！
籃球場以外仲有唔同運動區域，包括羽毛場以及三人足球場，圍住室內球場亦有一條緩跑徑，鍾意各種運動嘅朋友都可以有各種選擇。而室外位置亦有色彩繽紛嘅兒童天地，設有跳飛機格仔，啱哂小朋友一齊放電!
地址: 九龍灣啟業道18號啟業商場停車場天台
開放時間: 7am – 10pm
新潮運動熱點3. 屯門「兆禧運動場」
位於屯門兆禧苑停車場上蓋，運動場主色為亮麗藍，配合橙色同白色線條，形成強烈對比，打卡效果一流。運動場設施超豐富，設有一個全場籃球場、一個多用途球場、兩個單邊籃球場、兩條長150米嘅緩步徑、仲有特色「遊戲地景同及「車胎地帶」添！除此之外，場地仲有特色賽道，可以用嚟做平衡車訓練同比賽！
除咗運動，場地亦以「笑，嘻」為主題設計咗多個打卡位，通往球場嘅樓梯、「笑左笑右」打卡牆等等都活潑又玩味！球場部分時間提供網上預約，有興趣嘅朋友記得記得去前先上民坊官網，預約你想使用嘅場地啊～
地址: 屯門湖翠路201號
開放時間: 6am – 10pm
新潮運動熱點4. 屯門「愛定籃球場」
屯門仲有另一個色彩繽紛嘅上蓋籃球場，位於屯門友愛和安定邨的愛定商場。喺由民坊、Red Bull以及藝術企業SWL合作，將愛定籃球場重新設計，將原身普通嘅屋村籃球場搖身一變成為藝術感十足嘅運動場地，仲好啱打卡添。藝術團隊將籃球場重新塗上鮮豔色彩，用色都非常大膽，睇落相當有活力!
地址: 屯門鄉事會路2A號愛定商場上蓋
開放時間: 9am – 9pm
不過打卡還打卡，大家記得唔好阻到做緊運動嘅人同要遵守場地規則啊！
相關文章：
