大熊貓紀錄電影｜香港首部大熊貓紀錄電影！紀錄「加加」與「得得」、會員專屬試映會！

大熊貓紀錄電影｜有冇諗過原來香港都有首部大熊貓紀錄電影？！港產大熊貓BB家姐「加加」同細佬「得得」轉眼就快2歲喇～香港海洋公園更為大家率先呈獻香港首部大熊貓紀錄電影，究竟點先可以報名搶先睇？即入內文睇詳情～

圖片及影片來源：Facebook@香港海洋公園 Ocean Park Hong Kong | 撰文：Hedy

相信大熊貓龍鳳胎家姐「加加」同細佬「得得」絕對係深受唔少香港人喜愛，由當初得手掌咁大嘅大熊貓BB，轉眼已經就快2歲喇～適逢佢哋2歲生日當日，香港海洋公園將會喺8月15號推出海洋公園粉絲專屬試映會，持有有效「家姐細佬後援會」或海洋公園「優越卡」全年會籍之會員，都可以搶先睇到香港首部大熊貓紀錄電影！

7月21號報名

香港首部大熊貓紀錄電影《從100克開始》由劉偉恆導演執導，呢部紀錄片除咗記錄家姐「加加」同細佬「得得」成長嘅珍貴絕密片段之外！仲有同媽媽盈盈嘅溫馨互動、護理員嘅心路歷程，以及背後不為人知嘅挑戰，相信絕對會睇到眼濕濕！有興趣又符合資格嘅朋友記得喺7月21號早上11點開始報名～

【INFO】
《大熊貓紀錄片「從100克開始」試映會》
報名日期：2026年7月21日11:00至2026年8月2日23:59
報名條件：
本活動僅供於報名截止日期（2026年8月2日 23:59）前持有有效「家姐細佬後援會」或海洋公園「優越卡」全年會籍之會員報名參加。
金卡及銀卡全年會員如於報名截止日期（2026年8月2日 晚上11時59分）前升級至『優越卡』全年會籍，亦可獲此活動報名資格。活動當日，請於到場時出示確認郵件及海洋公園『優越卡』全年會籍以供核對。
公佈日期：2026年8月5日
活動日期：2026年8月15日
立即報名：https://bit.ly/4wImaJL

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk