CHIIKAWA粉絲注意！今個夏天，萬眾期待嘅CHIIKAWA首部動畫大電影《劇場版CHIIKAWA人魚島的秘密》即將上映！朗豪坊聯乘Medialink羚邦將電嘅中的名場面實體化，為粉絲們帶嚟一場極致主題式體驗！
圖片來源：官方圖片｜撰文：Sharon
7月10日至8月31日期間，朗豪坊《劇場版CHIIKAWA人魚島的秘密》CHIIKAWA’S ADVENTURE正式登場！朗豪坊將化身成充滿謎團嘅「人魚島」，由地下正門至商場高層，每個角落都瀰漫著濃厚嘅神秘氣氛！當然唔少得日本同步開售嘅《劇場版CHIIKAWA人魚島的秘密》電影周邊及逾300款熱賣商品！
五大核心亮點與名場面首度曝光
- 正門：冒險由地面正式啟航！由今次劇場版重要角色—「賽蓮」帶領粉絲們一步步深入人魚島謎團。
- 4樓通天廣場「營火晚會」：歡迎你乘搭小鴨船登上人魚島，與穿上草裙嘅吉伊卡哇及一眾人氣角色參加「營火晚會」；「賽蓮」及小人魚們喺背後觀察大家。場內更設有多個電影名場面打卡位，包括重要角色一葉、二葉及島二郎登場。
- 4樓通天廣場「CHIIKAWA’S ADVENTURE—人魚島土產屋」：探險之旅點少得買手信！朗豪坊限定店與日本同步發售電影限定周邊及逾300款熱賣商品！
- 8樓朗豪坊GALA CINEMA：CHIIKAWA首部動畫大電影《劇場版CHIIKAWA人魚島的秘密》將於8月6日正式上映，買飛入場直擊大冒險！
- 12樓「人魚島的秘密」：探險之旅終點設於12樓「人魚島的秘密」核心，吉伊卡哇、小八與兔兔乘著小船進入神秘洞窟，喺閃爍海底藍光下與3米高嘅賽蓮吹氣裝置及人魚1號、2號見面！記得讚好指定官方社交平台，於「CHIIKAWA’S ADVENTURE照相館」留下珍貴回憶！
【日本同步發售】期間限定店
「CHIIKAWA’S ADVENTURE—人魚島土產屋」將於7月10日與日本同步發售《劇場版CHIIKAWA人魚島的秘密》嘅全新電影周邊產品。店內更同時搜羅咗逾300款唔同系列嘅精選商品！由7月10日至30日更設預約入場安排，詳情稍後公布！
《劇場版CHIIKAWA人魚島的秘密》特典套裝
朗豪坊由7月及8月分別推出《劇場版CHIIKAWA人魚島的秘密》特典套裝及朗豪坊獨家閃中閃紀念卡！LP CLUB會員憑CHIIKAWA’S ADVENTURE—人魚島土產屋 或 參與商舖即日消費單據滿HK$800及 即場購買朗豪坊GALA CINEMA《劇場版CHIIKAWA人魚島的秘密》限量版電影換票證（價值HK$110）一張，可免費獲贈特典套裝一套。另外，LP CLUB會員憑朗豪坊參與商舖即日消費單據滿 HK$300 （須包含至少一張朗豪坊GALA CINEMA《劇場版CHIIKAWA人魚島的秘密》電影戲票），即可獲贈朗豪坊獨家閃中閃紀念卡一張（共四款，款式隨機發送）。
之後仲會有CHIIKAWA角色見面會，大家可以近距離與角色互動！CHIIKAWA fans記得唔好錯過～
【INFO】
《劇場版CHIIKAWA人魚島的秘密 - CHIIKAWA'S ADVENTURE》
地點：旺角朗豪坊
日期：7月10日至8月31日
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
