暑假好去處｜一到暑假又要諗定地方帶小朋友去放電！小編已經幫大家整合咗19大暑假好去處，留喺香港都可以有超多精彩活動玩，即刻入內文睇詳情喇！
圖片來源：官方圖片 | 撰文：Hedy
商場打卡好去處｜1. 生蠔BB沙灘仲夏探索營 —— MOSTown新港城中心
MOSTown新港城中心將首度聯乘超人氣嘅生蠔BB以全新沙灘派對造型亮相「MOSTown x Namagaki MOST-Vibrant 沙灘仲夏探索營」！3位超人氣生蠔聯「萌」成員 – 生蠔寶寶、蛤蜊及扇貝，將以全新造型喺約3000平方呎巨型海藍浪天幕下登場。現場更設有4大主題打卡區及2大互動玩樂區！佔地近千呎「Baby Namagaki夏浪綠沙海」特設「沙海寶藏大發『掘』」玩樂區及6.5米高「Baby Namagaki彩虹流水光影塔」、「Baby Namagaki仲夏營地集合點」、「MOST-Chic & Chill 『蠔』派對」及裝扮區，以及「巨型Baby Namagaki扭蛋機」。全場更有30隻萌爆造型Baby Namagaki及好友亮相。
商場L2天幕廣場特設「Baby Namagaki仲夏期間限定店」，必搶逾20款MOSTown新港城中心獨家Baby Namagaki新品及20多款日本限量Baby Namagaki精品，足足有逾200多款商品！而3米高「巨型Baby Namagaki扭蛋機」，有3款獨家限定全新造型Baby Namagaki毛絨公仔，包括度假生蠔、出遊扇貝及出遊蛤蜊。H COINS會員以電子貨幣即日消費滿HK$1,200，即可換領「巨型Baby Namagaki扭蛋機」遊戲券乙張。
【INFO】
《MOSTown x Namagaki MOST-Vibrant 沙灘仲夏探索營》
日期：即日起至2026年8月23日
時間：10:00至22:00
地點：MOSTown新港城中心L2天幕廣場
商場打卡好去處｜2. Sanrio characters x YOHO小麥肌旅行團 —— YOHO系商場
由即日起至8月30日，Kuromi、My Melody以及My Sweet Piano將變身成為可愛導遊，帶大家穿梭YOHO系商場，遊覽7大以元朗經典景點為靈感嘅夢幻打卡場景。當中包括「Chill夏日雲朵門廊」、「My Melody風信向日葵巨塔」、「Kuromi秘境湖畔」、「My Sweet Piano音符天地」、「Kuromi時空光影隧道」、「My Melody甜蜜之森向日葵海」以及「My Sweet Piano心弦秘密花圃」。而YOHO MALL II 打卡區就有以香港最新藝術海島社區「馬灣1868」為設計靈感嘅打卡位，有海島標誌打卡點「彩虹村隨意門」、「Kuromi藝術之家」、「My Sweet Piano浪漫滿香花店」、「My Melody夏日粉甜寫生遊」以及「小麥肌之旅壁畫牆」。Sanrio粉絲必到YOHO MALL II中庭的期間限定店，搜羅逾200款經典造型及活動會場限定周邊，50多款活動限定「曬黑系列」商品亦將於活動期間陸續推出。當中包括曬黑系列散紙包、毛公仔鎖匙扣、卡套以及小麥肌旅行團文件袋等。
【INFO】
《「Sanrio characters x YOHO小麥肌旅行團」》
日期：即日起至2026年8月30日
時間：10:00至22:00（期間限定店11:00至21:00）
地點：YOHO MALL I 中庭、YOHO MALL II 中庭、YOHO MIX 戶外廣場及YOHO PLUS
商場打卡好去處｜3. Cinnamoroll & Usahana 夢想飛行樂園 —— 將軍澳MCP新都城中心
由即日起至8月30日，「Cinnamoroll & Usahana 夢想飛行樂園」登陸將軍澳 MCP新都城中心，場內設有6大吸睛打卡位，包括登機大堂查閱航班資訊、登機櫃檯託運行李、以至機上的客艙及駕駛艙等。全港首度曝光、身穿機長制服嘅巨大化Cinnamoroll更震撼現身，同化身空中服務員Usahana組成最強機組人員，乘坐全長12米嘅巨型飛機造型裝置，帶領大家衝上雲霄！另外，由7月21日起，商場內更會特設「Cinnamoroll & Usahana期間限定店」，發售逾200款Cinnamoroll及Usahana主題精品，當中全新Usahana繽紛緞帶系列更將於全港首賣，包括毛公仔、毛公仔鎖匙扣、側孭袋等14款實用商品。
【INFO】
《MCP x Cinnamoroll & Usahana 夢想飛行樂園》
日期：即日起至2026年8月30日
時間：10:00至22:00
地點：MCP CENTRAL （新都城中心2期）L1天幕廣場
《MCP x Cinnamoroll & Usahana期間限定店》
日期及時間：7月21日13:00至21:00 ；7月22日至8月30日11:00至21:00
商場打卡好去處｜4. 《劇場版CHIIKAWA人魚島的秘密》 —— 旺角朗豪坊
由即日起至8月31日期間，朗豪坊《劇場版CHIIKAWA人魚島的秘密》CHIIKAWA’S ADVENTURE正式登場！朗豪坊將化身成充滿謎團嘅「人魚島」，由地下正門至商場高層，每個角落都瀰漫著濃厚嘅神秘氣氛！當然唔少得日本同步開售嘅《劇場版CHIIKAWA人魚島的秘密》電影周邊及逾300款熱賣商品！位於4樓通天廣場嘅露營晚會，歡迎你乘搭小鴨船登上人魚島，與穿上草裙嘅吉伊卡哇及一眾人氣角色參加「營火晚會」；「賽蓮」及小人魚們喺背後觀察大家。場內更設有多個電影名場面打卡位，包括重要角色一葉、二葉及島二郎登場。
【INFO】
《劇場版CHIIKAWA人魚島的秘密 - CHIIKAWA'S ADVENTURE》
日期：即日起至2026年8月31日
地點：旺角朗豪坊
商場打卡好去處｜5. 8,000呎室內古埃及充氣樂園
由即日起至8月30日，荷里活廣場將華麗變身，打造成佔地約8,000平方呎嘅室內古埃及主題巨型充氣樂園。場內集結8大融合古埃及元素嘅遊樂關卡，將金字塔之謎、法老守護傳說化作好玩又刺激嘅玩樂體驗，等小朋友都可以盡情放電～當中包括8大冒險關卡：尋寶波波池、巨型金字塔競技區、7米高獅身人面像殿滑梯、寶藏投球競技場、神秘迷宮陣、生命之符幸福波波池、貓女神聖峰大挑戰以及神殿勇者障礙賽。場內特設期間限定精品專區，發售兩款可愛又玩味十足的古埃及主題減壓神器！其中一款為法老貓造型，另一款則以可愛貓身搭配金字塔造型按鈕。
【INFO】
《荷里活廣場 x StayFun 「埃及尋寶大作戰」》
日期：即日起至2026年8月30日
門票售價：
星期一至五：HK$68/25分鐘 、HK$128/50分鐘
星期六、日及公眾假期：HK$88/25分鐘 、HK$148/50分鐘
地點：鑽石山荷里活廣場一樓明星廣場
商場打卡好去處｜6. 褲褲兔 —— 富Malls旗下四大商場
日本人氣創作者「可哀想に！」筆下2大創作 IP：人氣褲褲兔Opanchu Usagi以及首次嚟香港嘅奶泡恰姆Npochamu，將會喺7月4日至10月19日登陸富Malls旗下四大商場，為大家呈獻【置富Malls Summer Refresh「富」「褲」Fun】，包括馬鞍山廣場「夢想啟航 Reset 假期」、置富都會「仲夏 Relax 沙灘祭」、+WOO嘉湖 「『聲』級 Recharge Party」以及置富第一城「匹克球Release大決鬥」。仲有各位fans絕對唔可以錯過嘅「富」「褲」Fun期間限定店！，置富Malls特地為褲褲兔及奶泡恰姆粉絲們準備了「富」「褲」Fun期間限定店，多款褲褲兔及奶泡恰姆周邊商品，包括文具、精品及家居用品等等，大家記得七月去馬鞍山廣場以及八月去+WOO嘉湖！
【INFO】
《褲褲兔打卡位》
地點：馬鞍山廣場L2天幕廣場（港鐵馬鞍山站A出口）；置富都會L7大堂（港鐵紅磡站C2出口）；+WOO嘉湖1期地下大堂（輕鐵銀座站，港鐵天水圍站轉車）；置富第一城 地下A1區（港鐵第一城站C出口）
《「富」「褲」Fun期間限定店》
日期：即日起至2026年7月31日
時間：星期一至四 12:00至20:00；星期五至日 12:00至21:00
地點：馬鞍山廣場L3（近Taste）
日期：2026年8月3日至8月31日
時間：星期一至四 12:00至20:00；星期五至日 12:00至21:00
地點：+WOO嘉湖1期地下（近優品360）
商場打卡好去處｜7. FOREVER TOYS —— 海港城
海港城將會由即日起至8月31日，化身以《反斗奇兵5》為主題嘅盛大派對——「FOREVER TOYS@海港城」！《玩具對科技》遊戲室設於海運大廈露天廣場，入口設有超過2米高嘅巨大版胡迪、翠絲以及紅心雕塑。而AIA反斗好友打卡位則設於港威商場廣東道入口，大家可以同胡迪、翠絲及莉莉平板打卡。只要喺現場完成任務，即可免費換領高達HK$150禮遇。借用神秘道具同裝置合照並上載於個人社交媒體，加上活動指定標籤，更可以換領獨家反斗奇兵限量禮品一份～全港唯一官方The Forever Toy House反斗奇兵5期間限定店將於海運大廈地下展覽大堂盛大登場。期間限定店匯聚超過30個國際及本地人氣品牌，帶嚟逾800款主題精品，包括珍藏級玩偶、潮流配飾以及生活用品等。
【INFO】
《FOREVER TOYS @海港城》
日期：即日起至2026年8月31日
地點：海運大廈露天廣場、海運大廈地下展覽大堂、海運大廈地下中庭及港威商場廣東道入、海運觀點、海港城美術館
商場打卡好去處｜8. Woodstock & Friends 盛夏運動會 —— The ONE
Woodstock將會率領一眾好朋友由7月17日至8月31日於尖沙咀The ONE盛大舉行。【The ONE • Woodstock & Friends 盛夏運動會】！以美式校園運動風為設計靈感，由化身成3米高嘅網球巨星Woodstock、足球健將代表Snoopy及識運動識享受嘅代表Olaf，於四大打卡位、兩大體驗區及【Woodstock & Friend活力限定店】，帶大家一同投入運動熱潮。同場更有以巨型運動鞋盒設計嘅Woodstock ＆ Friend活力限定店，店內雲集逾300款運動主題同日本進口周邊產品精品，更有50款係首度全新登場。The ONE推出GLOW Rewards會員限定消費禮券，消費滿指定金額就可以換領輕巧便攜嘅「Woodstock「飛」一般隨行袋」及The ONE HK$100 電子現金券，為活力十足夏天做足準備。
【INFO】 《【The ONE • Woodstock & Friends 盛夏運動會】及【Woodstock & Friend活力限定店】 》 日期：2026年7月17日至8月31日 時間：10:00至22:00 （打卡位）；12:00至21:00（限定店） 地點：尖沙咀The ONE UG2中庭
商場打卡好去處｜9. SSEBONGRAMA躺平一『夏』」主題聯名企劃 —— 東薈城名店倉
SSEBONGRAMA（躺平鴨）將破天荒首度聯乘，於2026年7月16日至8月31日期間攜手打造全球首個「SSEBONGRAMA + Citygate Outlets 躺平一『夏』」主題聯名企劃。8大主題場景，包括位於地下入口嘅「SSEBONGRAMA MONDE 山洞」、二樓中庭廣場「SSEBONGRAMA 躺平鴨小鎮」嘅藝術畫作原著場景。而二樓天橋有全球首間「SSEBONGRAMA SSEBONG-11」便利店，亦有期間限定店，售賣以SSEBONGRAMA 躺平鴨為主題嘅精品！
【INFO】
《SSEBONGRAMA + Citygate Outlets 躺平一『夏』」主題聯名企劃》
日期：即日起至2026年8月31日
地點：東薈城名店倉
商場打卡好去處｜10. JOGUMAN 期間限定夏日主題樂園 —— D·PARK 中庭
IPX與D·PARK聯手打造以全球超人氣療癒系恐龍角色 JOGUMAN為主題嘅全港最大型JOGUMAN 期間限定夏日主題樂園，由7月17日至8月31日於商場中庭盛大呈獻《JOGUMAN meets D·PARK: ISLANDS IN SUMMERTIME 夏日島嶼時光》！5位超人氣恐龍角色JOGUMAN 齊聚暢遊5大主題小島，包括逾5米高戴著黑超及泳圈嘅超巨型BRACHIO (芭奇奧)；手舉一大杯清新檸檬飲品嘅DIPLO(甸蒲露)；食雪糕嘅運動健將 STEGO(蒔提哥)；喺沙灘小屋前準備打卡嘅TRICERA(特莉奇娜)；以及正大口享用冰凍西瓜嘅ANKYLO(荌奇爐)。島上更設有3大經典遊戲攤位，更特別推出JOGUMAN主題工作坊，打造屬於自己特別版精品！當然唔少得一系列JOGUMAN官方商品，各位鍾意JOGUMAN嘅朋友一定要入手～
【INFO】
《JOGUMAN meets D·PARK: ISLANDS IN SUMMERTIME 夏⽇島嶼時光 》
日期：2026年7月17日至8月31日
時間：12:00至20:00
地點：荃灣D·PARK 中庭
商場打卡好去處｜11. Plastic Thing夏日「包」有趣烘焙工房 —— 尖沙咀LCX
為食妹聯同女神、PUFFY同光頭仔驚喜現身尖沙咀LCX，大張旗鼓開設 Plastic Thing首間【LCX x Plastic Thing夏日「包」有趣烘焙工房】！由7月18日至8月31日，大家都可以喺三大打卡位【「麵包控」焙工房】、【Snapio x Plastic Thing香趣多士自拍小屋】，以及【FATTY’S BAKERY期間限定店】同大家瘋狂分享烘焙樂趣。同場仲有7大夏日限定禮遇，包括焦點包括串珠工作坊、為食妹一日店長見面會及多款限量周邊換領等。Plastic Thing更打造全港最軟綿綿、最香噴噴嘅【LCX x Plastic Thing夏日「包」有趣烘焙工房】，由Chef FATTY及Assistant Chef PUFFY坐鎮【「麵包控」焙工房】。同場更有「奶油夢工坊」、「玩『轉』神奇焗爐區」 、「熱辣辣！！麵糰桑拿室」、「ASMR酥脆研究所」 以及【Snapio x Plastic Thing香趣多士自拍小屋】 ，等大家都可以享受沉浸式烘焙店～
【INFO】
《【LCX x Plastic Thing夏日「包」有趣烘焙工房】》
日期：2026年7月18日至8月31日
時間：10:00至22:00
地點：尖沙咀海港城海運大廈三階LCX Oasis 1 & 2
《FATTY’S BAKERY期間限定店》
日期：2026年7月18日至8月30日
時間：10:00至22:00
地點：尖沙咀海港城海運大廈三階LCX Oasis 3 (近19號舖JINS)
商場打卡好去處｜12. 另類寵物世界Exotic Pets World 2026 —— 合和商場
由合和商場同大自然兩棲及爬行教育聯手舉辦嘅「另類 寵物世界Exotic Pets World 2026」，將於7月25日至8月18日載譽回歸，一連25日為大家呈獻全方位升級沉浸式異寵生態互動學習體驗！今次將會有四大主題展區，包括「兩棲爬行多樣生境區」、「水族及甲殼生態區」、「巨型陸龜與蜥蜴互動區」以及「焦點主題保育展區」 。以最逼真自然嘅仿棲息地原生生態環境，為大家帶嚟逾15種參展物種，包括蜥蜴類、龜類、兩棲類、蛇類、螯蝦類、變異甲殼類、魚類等。無論係大小朋友只要喺活動期間到場，即可免費同巨龜合照，仲有得親手接觸巨龜感受七粗糙皮膚質感。只需於合和商圈內即日電子消費滿指定金額（最多兩張消費單據），即可解鎖特別禮遇，為體驗升級！
【INFO】
《合和商場「另類寵物世界Exotic Pets World 2026」 》
日期：2026年7月25日至8月18日
時間：12:00至19:00
地點：合和商場3樓中庭
商場打卡好去處｜13. 粉紅兔子My Friend Rabbit —— 華懋集團旗下7大商場
由7月30日至9月6日，華懋集團旗下7大商場—如心廣場、好運中心、希爾頓中心、順福糧倉、粉嶺名都商場、上水名都商場及巴黎‧倫敦‧紐約戲院購物中心，打造全港首個【「兔」- gather 瘋玩夏水禮 Amusing Summer】。有齊9大超吸睛打卡兼互動遊戲區、全港首間主題限定店，以及換領獨家「兔gather」夏日友好神物！「粉紅兔子My Friend Rabbit期間限定店」以池畔酒吧為主題首度登陸香港！店內延續粉紅兔子標誌性嘅浮誇搞笑風格，匯聚超過50款搞鬼人氣盲盒及周邊商品，當中包括香港首度曝光嘅「藍色小天使掛件」與「粉色小天使掛件」；如心廣場限定嘅「精神系列」掛件、好運中心獨家專賣嘅「黑黑系列」大熱單品以及網絡討論度極高嘅「粉紅兔子-金蛋天使掛件」等。只要係社交平台分享店內打卡照並標註活動標籤，更可免費獲贈「粉紅 兔子My Friend Rabbit限量打卡棒」。
【INFO】
《「兔」- gather 瘋玩夏水禮 Amusing Summer】打卡裝置》
日期：2026年7月30日至9月6日
時間：10:00至22:00
地點：
「兔」-gather瘋玩夏水禮 — 如心廣場一期1/F中庭 及地下露天廣場
「兔」-gather大曬Juicy Beach — 好運中心L3中庭
商場打卡好去處｜14. MUZIK TIGER —— 大埔超級城及元朗廣場
大埔超級城及元朗廣場兩大商場首度攜手韓國超人氣文創品牌「MUZIK TIGER」，舉辦「大埔超級城 x MUZIK TIGER 盛夏甜運會」及「元朗廣場 x MUZIK TIGER 甜蜜西瓜派對」與眾同樂！夏日企劃大玩創意，結合輕運動與夏日甜品元素，並推出AR 數碼互動科技、夢幻甜品主題打卡位與競技及限定精美禮品換領。
大埔超級城 ✕ MUZIK TIGER 盛夏甜運會
大埔超級城今個夏天為大家帶嚟色彩繽紛、甜蜜爆棚嘅遊樂空間！有齊巨型雪糕杯、冬甩及馬卡龍等夢幻打卡裝置，更設有三大融合科技與玩味嘅競技園區，包括AR體感足球遊戲、迷你足球場及甜品點點樂遊戲，超好玩！
【INFO】
《大埔超級城 x MUZIK TIGER 盛夏甜運會》
日期：2026年7月下旬至2026年9月6日
地點：大埔超級城C區中庭
元朗廣場 ✕ MUZIK TIGER 甜蜜西瓜派對
MUZIK TIGER眾成員融入西瓜造型打卡裝置，奪目嘅紅、綠二色塑造夏日清涼派對氛圍！全場最玩味嘅焦點必係巨型西瓜互動打卡裝置。巨型西瓜切片與沖涼裝置玩味結合，好可愛～同場仲有刺激好玩嘅反應遊戲裝置（拍拍機），以果肉感滿滿嘅「西瓜造型」設計，完美呼應水果消暑主題，歡迎大家嚟挑戰！
【INFO】
《元朗廣場 ✕ MUZIK TIGER 甜蜜西瓜派對》
日期：2026年7月下旬至2026年9月6日
地點：元朗廣場中庭
展覽｜15. 古埃及文明大展 —— 埃及博物館珍藏
由香港故宮文化博物館與埃及最高文物委員會合辦，「古埃及文明大展：埃及博物館珍藏」由即日起至2026年8月31日於香港故宮文化博物館登場！今次嘅展覽係香港近數十年來規模最大、最全面嘅古埃及珍寶展覽，當中有近250件來自埃及國家博物館、盧克索博物館等七間重要埃及博物館嘅珍貴藏品，有唔少展品更係首次離開埃及展出。展覽分為四大單元，包括「法老的國度」、「圖坦卡門的傳奇」、「薩卡拉的秘密」以及「古埃及與世界」。博物館運用創新的策展方法，配合數碼技術同沉浸式展示方法，生動有趣地展示古埃及文明輝煌的成就，同大家一齊探索古埃及文明嘅奧秘！
【INFO】
《古埃及文明大展：埃及博物館珍藏》
日期：即日起至2026年8月31日
時間：
星期一、三、四及日10:00至18:00；
星期五、六及公眾假期10:00至20:00；
星期二 (公眾假期除外) 、農曆年初一及年初二休館
地點：香港故宮文化博物館展廳9
展覽｜16. 「名偵探柯南 TV 動畫播放30週年紀念展」
為慶祝《名偵探柯南》電視動畫開播邁入30週年，官方特別規劃「名偵探柯南 TV 動畫播放30週年紀念展」，喺歷經東京等日本國內多個城市巡迴，以及海外首站台北場後，預計將於7月25日登陸香港全新地標——啟德雙子滙（The Twins）！展覽將特別繪製極具紀念價值嘅「30週年主視覺圖」，集結主角江戶川柯南與30位高人氣角色同框登場！展區內容以「動畫製作的幕後世界」為主軸，透過專屬嘅週年企劃，帶領香港觀眾深入了解《名偵探柯南》電視動畫，從企劃、分鏡、配音、主題曲到在大銀幕上動起嚟嘅完整誕生歷程。最後更特別規劃30年來嘅經典名場面，包括眾多精彩嘅推理瞬間、黑暗組織嘅步步逼近、新一同小蘭嘅戀愛互動，30年間嘅重點精華一次呈現！！
【INFO】
《名偵探柯南TV動畫播放30週年紀念展 - 香港站》
日期：2026年7月25日至9月13日
地點：SOGO 啟德店 The Twins – 10/F
立即購票：https://bit.ly/4gw074i
展覽｜17. 《超人英雄展》 —— 旺角創興廣場
《超人英雄展》將於7月25日至9月13日，喺旺角創興廣場 INCUBASE Arena震撼登場！除咗引入海外首度展出嘅《ULTRAMAN EXHIBITION》精選專區內容外，展覽仲有多個引領觀眾穿梭時空嘅珍貴展區。現場更打造多個60年來勾起無數回憶之展出，當中首推完美還原昭和時期「超人六兄弟」嘅經典場景，重現不朽嘅光之傳奇。同時，現場更展出近30套由日本原裝空運抵港、拍攝專用嘅超人與怪獸皮套及道具，將日本殿堂級嘅特攝工藝近距離呈現喺全港粉絲眼前！另外，展場仲打造咗多款多媒體數位互動遊戲，讓每位入場者都能親身體驗化身正義英雄、迎擊巨獸嘅激昂快感。現場精彩互動包括一圓變身夢想嘅「超人變身裝置」、充滿驚喜嘅「怪獸波波池」，以及激發無限想像力嘅「互動繪畫投射牆」。嚟緊仲會舉行超限定超人見面會，大家萬勿錯過！
【INFO】
《超人英雄展香港站》
日期：2026年7月25日至9月13日
地點：旺角創興廣場 INCUBASE Arena
門票售價：展期單人票 $165 / 優惠票 $132*
購票網站：INCUTix / KLOOK
*此優惠門票僅提供予全日制學生、60歲以上及傷健人士使用，入場時需要向工作人員出示相關證明文件。
展覽 ｜18. 設計啊！感受日常設計之奇妙
今次唔使飛日本竟然都可以喺香港睇到日本超人氣展覽《設計啊！感受日常設計之奇妙》！M+舉行嘅「設計啊！」展覽係以TOKYO NODE嘅展覽為藍本，並與NHK Education和NHK Promotion製作。同時呢個大獲成功嘅展覽源自於日本放送協會（NHK）嘅日本兒童教育電視節目《Design Ah！neo》，節目曾獲多個國際獎項。今次更係日本以外首個地方舉辦，超值得大家入場睇！展覽圍繞10個同日常行為息息相關嘅動詞主題，帶大家去探索當代設計點樣影響我哋嘅日常行為，例如係行路、食嘢以及坐低等等嘅方式。部分展品內容更呼應香港嘅視覺環境同飲食文化，等大家都可以體驗呢個展覽設有可動手玩嘅遊戲、互動裝置以及沉浸式視聽室，適合闔家觀賞同體驗！即刻趁6月得閒嘅時候，一齊嚟感受沉浸式展覽，相信大家睇完都會忍唔住發出「啊」嘅一聲！超驚艷！
【INFO】
《設計啊！感受日常設計之奇妙》
展覽日期：即日起至2027年1月10日
時間：星期二至四、星期六及日10:00至18:00 星期五10:00至22:00（星期一休館）
地點：西九文化區M+地下大堂展廳
票價：港幣$190
立即購票：https://bit.ly/4xbNUYe
展覽｜19. 泡泡星球沉浸式體驗展
全球人氣展覽泡泡星球沉浸式體驗展將於6月29日起進駐啟德郵輪碼頭，場地佔地27,000呎，設有11大主題展區，包括巨型泡泡海洋、鏡面光影空間及VR奇幻之旅，等大家齊齊走進夢幻宇宙世界當中。泡泡星球沉浸式體驗展曾喺紐約、倫敦、新加坡等地舉行，並吸引超過500萬人次入場。場內嘅展區結合科技同夢幻泡泡元素，帶嚟不一樣嘅感官探索！當中最吸睛一定係「泡泡海洋 Bubble Ocean」，有巨大泡泡池，可以喺度感受到深層嘅放鬆與寧靜。「無限空間 Infinity Room」利用鏡面幻覺與不斷變幻嘅光影效果，營造出一個無邊際嘅奇幻世界，打卡一流！「水底泡泡 Underwater Bubbles」透過投影技術模擬深海潛水，感受被無數升騰氣泡環繞嘅感覺。另外，喺「VR虛擬實境體驗」大家仲可以戴VR裝置，以泡泡為視角展開超現實旅行，重新點燃內心深處嘅童心！門票售價方面，兒童票起價170港元，成人票起價210港元。2歲及以下兒童可免費入場。有興趣嘅朋友記得去官網預訂門票啦～
【INFO】
日期：即日起
開放時間：
星期一至星期四及星期日： 10:00–19:00（最後時段：18:00）
星期五及星期六： 10:00–20:00（最後時段：19:00）
票價：兒童票起價170港元，成人票起價210港元。（2歲及以下兒童可免費入場）
地址：九龍城承豐道33號啟德郵輪碼頭二樓
訂票網址：https://bit.ly/41uW4g1
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
