夏天除左游水，其實近年亦新興左多種水上活動，有D即使係唔識游水都玩得！過程除左有專人指導，亦有教練陪同，只要大家唔怕水，wakesurf、獨木舟、直立板全部都可以試玩～ 坊間更設有唔少親子體驗班同快艇租借服務，想知到底有咩好玩同點樣有得試玩，而家就等小編為你逐一介紹啦！
圖片來源：holimood、網絡圖片、IG@missviv_c、_tingtingng｜ 撰文：Candice
夏日消暑必試水上活動1. 無繩滑水wakesurf (按此體驗)
無繩滑水(Wakesurfing) 係近年香港水上活動嘅新寵，除左因為好多名人潮人力推，相對傳統surfing，佢輕鬆嘅玩法對一眾女仔同新手而言亦十分吸引～
Wakesurf主要特色在於利用快艇推波助瀾，儘管海面無風都可以持續打造出無盡浪花，活動唔再受天氣環境限制，令滑水者能夠借助推動點滑行。玩法其實同wakeboard大同小異，2者都係利用繩索拉起身體，等身體能夠穩定控制滑板之後，大家就可以嘗試鬆開繩子。習慣後滑浪者更可以慢慢利用身體平衡控制方向、速度，甚至做到唔同嘅花式動作～
因此無繩滑水亦好適合女仔同玩水新手挑戰，利用快艇嘅船速推動滑行，唔洗使用過多嘅體力追浪之餘，同時亦可以體驗到於夏日大海滑浪嘅感受。而且通常wakesurf同快艇嘅距離比較近，大概只有2-3米，玩家容易清楚聽到教練指示，亦可以叫朋友用手機為你拍下近距離嘅滑浪動作，想做到玩得安心又開心完全無難度！
各位新手如果今個夏天想試試，其實可以約埋幾個朋友一齊租借快艇。由西貢沙下私人碼頭 Goofy Waves Watersports Club & Academy推出，簡單一架快艇就可以玩到wakesurf。
完左更可以免費使用俱樂部會所設施，除左淋浴、更衣，免費停車，仲有充滿外國度假風嘅休息室和茶點區，絕對岩曬放假叫埋一班fd一齊租黎開船P！想睇定D先再預約，按此就可以查看更多詳情同相關收費～
夏日消暑必試水上活動2. 直立板Stand Up Paddle (按此體驗)
除左Wakesurf無繩滑水同滑浪，直立板近年亦愈來愈受大家歡迎！佢操作簡單，就算唔識嘅初學者都好容易上手，假如你平時就係鍾意做yoga的話，更有將直立板同瑜伽結合嘅玩法，考平衡力同時又夠曬挑戰性～
相比起滑浪板，直立板體積比較大，令人更容易保持平衡。最正係佢無風無浪都可以玩，初學者一開始可先趴上直立板，直接用雙手划水，適應左就可以轉做跪姿，當重心穩定就可以試下慢慢企起身，再利用單槳黎控制方向同速度。雖然直立板速度比較慢，不過其實都好考平衡力，無論趴、跪、企住玩都得，過程中亦會訓練用到手臂、核心同雙腳嘅肌肉！
直立板最基本嘅玩法就係鬥快划，想再係平衡力方面做高難度挑戰，大家可以嘗試係板上做瑜伽。新手可以先係淺水區同平靜嘅海面上練習，另外亦可從四肢著地或坐姿嘅式子開始做起，一邊放鬆身心一邊欣賞海景～不過大家試玩時記得著翻求生衣，萬一失平衡跌落海都可以確保安全！
各位熱愛大海同瑜伽嘅朋友不妨book翻個體驗班試試，小班教學有國際級教練指導之餘，更採用遊戲教學方法，就算係第一次嘗試都絕對可以玩得盡興！（按此查看更多詳情同相關收費）
夏日消暑必試水上活動3. 獨木舟 (按此體驗)
如果一家大細想去玩，考慮到小朋友好動活潑同要更注重安全，親子團獨木舟體驗班就岩曬啦！除左可以比家長同大人陪同一齊玩，坐定定係獨木舟內划槳嘅玩法亦夠曬簡單，輕鬆之餘又可以比到小朋友想玩水，絕對係一家人去玩嘅不二之選～
體驗班同樣採用小班教學， 一般情況下，教練比例最多為一比八。小朋友可以學到基本獨木舟划行技巧同獨木舟嘅相關知識，有教育意義同時為家庭提供到溫馨嘅相處時光～
如果今個暑假仲為唸好帶小朋友去邊度玩，呢個親子體驗班就幫到你啦！（按此查看更多詳情同相關收費）
介紹左咁多，玩嘅時候最緊要做好安全措施，認真聽從教練指示，希望大家同朋友可以玩得盡興～
相關文章：
————————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
