華懋荃味道｜荃灣嘅朋友有福喇！今個5月將會舉辦「華懋荃味道」美食嘉年華，雲集30個荃灣必食嘅人氣小店以及美食品牌，當中包括市集限定嘅Gelato雪糕捲、糯米糍窩夫以及開心果味樽仔奶茶等等，即刻入內文睇詳情喇！
圖片來源：官方圖片 | 撰文：Hedy
華懋集團以「食」為媒介，一連兩個禮拜於5月1日至3日以及5月9日至10日，喺荃灣D·PARK L1 中庭舉辦「華懋荃味道」美食嘉年華，雲集30多個荃灣必食人氣小店以及本地美食品牌，等大家都可以嘆盡唔同嘅美食！
華懋荃味道｜31個特色美食攤位
「華懋荃味道」美食嘉年華以荃灣地道滋味為主軸，匯聚31個特色美食攤位，當中更有唔少係荃灣區深受街坊鍾意嘅人氣店！當中包括民豐粉麵行、大帽山川龍端記茶樓、阿嬤飯團、暖心芝作、亞玉豆腐花，以及峰味正氣良方等。有唔少人氣食店更推出「華懋荃味道限定」必食新品，包括民豐粉麵行「市集限定 Gelato 雪糕捲」及「糯米糍窩夫」、端記茶樓「客家喜板」、哋咩嗲「限定鹹味脆脆千層調色板」、悅和醬園 x 社企天糧行膳 「大大粒魚蛋」、想甜嚐甜「限定聯乘臘味雪糕」及金二少「開心果味樽仔奶茶」等！
華懋荃味道｜2大主題工作坊
嘉年華更特設2大主題工作坊，包括「李漢港楷－迷你路牌磁石工作坊」以及糕點時光－砵仔糕工作坊」。迷你路牌磁石工作坊帶大家認識香港路牌嘅歷史同字款特色，以「監獄體」親手製作。而砵仔糕工作坊」教授大家製作技巧之餘，更會同大家分享糕點背後嘅文化典故。有興趣嘅朋友可以以消費方式換領參加名額。
【INFO】 《「華懋荃味道」荃灣街頭小食街》 日期：2026年5月1至3日；5月9日至10日（共5天） 時間：12:00至20:00 地點：D·PARK L1 中庭（新界荃灣青山公路荃灣段398號）
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
