冬天嚟日本旅行又點可以唔睇燈飾呢！位於日本名古屋嘅名花之里，四季都有唔同嘅景色可以欣賞，特別推薦大家冬天嚟，因為整個花里會點起亮麗燈飾，非常華麗又壯觀！即睇內文了解更多啦～
圖片來源：kkday、官方圖片｜撰文：Sharon
每年秋冬一到，名花之里就會出現絕美嘅冬日燈飾，璀璨奪目，吸引唔少旅客前往！整片燈海都會隨著音樂變化而不同，照亮整片星空，好似進入光影世界一樣，視覺效果非常震撼！另外，名花之里也被列為日本賞楓勝地之一，11月尾至12月尾就係賞楓嘅好日子，被滿滿嘅楓葉包圍，打卡超靚！特別推介大家喺夜晚影相，燈光照耀下，倒映出水中嘅楓葉，猶如天空之鏡般～
大家仲可以登上觀景台，飽覽一面無際嘅景色，不過需要購票先可以進入參觀㗎！除咗燈海，名花之里仲有個中西、日式餐廳同天然溫泉，嚟緊打算去名古屋玩嘅朋友，有機會一定要去呢度啊！
【INFO】 《名花之里》 地址：三重縣桑名市長島町駒江漆畑270 交通： 1.從名鐵巴士中心乘坐直達巴士（三重交通・名鐵巴士）約30分鐘車程 2.JR關西本線・近鐵名古屋線嘅“桑名”站下車，從東出口換乘三重交通直達巴士，約10分鐘車程 營業時間：9:00 - 21:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
