復活節好去處｜嚟緊復活節大家又Plan好咗節目未呢～各位爸爸媽媽未諗節目嘅，就即刻參考小編幫大家精選咗10大復活節好去處喇，即刻入內文睇詳情！
圖片來源：官方圖片 | 撰文：Hedy
復活節好去處2026｜1. 《Rilakkuma’s Enchanted Wishes POP-UP SHOP》—— 朗豪坊
由San-X、AQI與Nicoa共同企劃嘅《Rilakkuma’s Enchanted Wishes POP-UP SHOP》魔法願望限定店將會喺4月1日至26日於朗豪坊舉行，全球首度登場！3.5米高嘅魔法師造型輕鬆小熊首次面世，更率領小白熊、小黃雞及茶小熊，一同披上斗篷、戴上魔法帽，真係超得意～喺香港仲可以優先買到連日本當地都未推出嘅全新限定「Rilakkuma’s Enchanted Wishes」主題商品，有逾30款魔法系列限量精品，更同步引進多款最新日版原創商品，有齊超過200款萌爆周邊～
【INFO】
《Rilakkuma's Enchanted Wishes POP-UP SHOP》魔法願望限定店
日期：2026年4月1至26日
時間：10:30至21:30
地點：朗豪坊4樓通天廣場
復活節好去處2026｜2. 「Lazy Corgi春日農莊派對」—— Mikiki
Mikiki特別打造「Lazy Corgi春日農莊派對」，精心設置9大農莊打卡位及玩樂區，等你一秒行入童話農莊世界！當中焦點必定係逾３.5米高巨型充氣「Lazy Corgi」，換上復活兔造型啱晒大家打卡！隔離仲有高達2.8米巨型充氣繽紛花壺、 3.2米高歐陸風田園風車以及巨型充氣鬱金香等打卡位。另外更有3大春日農莊樂主題遊戲，包括眼明手快趕雞仔回家、復活節滾蛋樂以及哥基美食大挑戰！Mikiki將舉辦連串精彩活動，等你與毛孩盡情放電！活動包括寵物及人像速畫、Mikiki x 9Box寵物領養日、親子復活蛋盆景工作坊、兒童節限定禮遇：扭扭汽球換領、毛孩Egg Hunt Pawty，及國際寵物日限定禮遇：免費送寵物零食，眾多節日驚喜等你來發掘！The Point會員只需於場內「即賺分」商戶消費滿指定金額，即可報名參與，與摯愛親朋共享春日治癒時光。
【INFO】
《Mikiki x Lazy Corgi春日農莊派對》
日期：即日起至4月12日
時間：10:00至22:00
復活節好去處2026｜3.「巨大化『蟲』林世界」充氣樂園 —— MCP新都城中心
MCP新都城中心聯乘新加坡人氣充氣樂園品牌Jumptopia及香港昆蟲教育及科普中心，打造兩大沉浸式自然探索體驗。當中包括以神秘爬蟲及昆蟲為主題嘅充氣樂園以及「尋『蟲』記」親子探險體驗，等小朋友有得玩之餘仲可以認識各種爬蟲！7米高巨型「「蛇」滑梯、挑戰炫彩燈光動態變色嘅6米高變色龍滑梯及4大主題玩樂專區，盡情放電！MCP新都城中心更聯同香港昆蟲教育及科普中心，打造出復活「尋『蟲』記」親子探險體驗。活動展出來自世界各地近20種以「4大超能力」分類嘅珍奇生物，包括世界最長鍬形蟲長頸鹿鋸鍬形蟲及「防禦大師」紅眼樹蛙等奇珍異寵；同時於週末舉辦「蟲蟲特工隊」異寵互動工作坊，引領小朋友進入爬蟲世界。
【INFO】 《「MCP x Jumptopia 巨大化『蟲』林世界」及 復活尋「蟲」記 互動體驗教育區 》 日期：即日起4月26日 時間： 「MCP x Jumptopia 巨大化『蟲』林世界」 12:00至20:00（星期一至五，公眾假期除外） 11:00至20:00（星期六、日及公眾假期） 復活尋「蟲」記 互動體驗教育區 11:00至20:00 地點：MCP CENTRAL （新都城中心2期）L1天幕廣場
復活節好去處2026｜4.「黃金海岸尋蛋樂」—— 黃金海岸
黃金海岸於4月3日至6日舉辦「黃金海岸尋蛋樂」，小朋友可以喺超過5萬平方呎嘅崔綠黃金草坪上盡情玩樂～當中小朋友最鍾意嘅尋蛋遊戲「尋蛋樂」強勢回歸，只要收集到特定彩蛋就可以換獎品。今年仲特別加入可持續元素，尋獲「環保3D打印彩蛋」就可以得到大獎！除咗「尋蛋樂」之外，更有「遙控挖泥車掘蛋大作戰」邊玩邊體現STEAM多個核心概念；「大型滾蛋之旅」極考驗手腳協調，與巨蛋並肩作戰衝向終點；走入「復活迷宮陣」跟爸媽及小朋友你追我逐。另外仲可以挑戰擲彩虹、拋圈圈等嘉年華必玩遊戲以及「復活節特色工作坊」。同場亦有「復活美食市集」，咁就唔怕玩到餓喇！
【INFO】
「黃金海岸尋蛋樂」
日期：2026年4月3日至4月6日
時間：12:00至18:00
地點：黃金海岸大草地（近黃金海岸鄉村俱樂部．遊艇會）
購票網站：https://bit.ly/4teuyPM
復活節好去處2026｜5. 「比奇堡滋味派對」—— AIRSIDE
海綿寶寶Fans必打卡！人氣角色海綿寶寶、派大星、章魚哥及蟹老闆等登陸啟德AIRSIDE，變身為繽紛海底奇幻世界，為大家呈獻期間限定嘅「比奇堡滋味派對」！場內設有3大創意打卡位，包括「巨型蟹堡滋味套餐」 、「海底花生打卡站」以及「夢幻PIZZA盒」鏡面打卡 。同場更特設限定海綿寶寶手機繩DIY體驗，等大家喺復活節都可以有豐富節目～
【INFO】 《AIRSIDE X 海綿寶寶 復活節呈獻「比奇堡滋味派對」》 日期：即日起至2026年4月23日 時間：10:00至22:00 地點：AIRSIDE二樓中庭 《AIRSIDE X 海綿寶寶 - 「海綿寶寶手機繩DIY體驗」》 日期：2026年4月3日及4日 時間：13:30至18:00（每節25分鐘） 地點：AIRSIDE二樓中庭 費用：HK$130/人（包括手機繩及精美刺繡貼紙x1）
復活節好去處2026｜6. 「怪獸復活平衡車X彈床天地」—— 灣仔合和商場
灣仔合和商場聯同平衡車著名品牌STRIDER HK，攜手呈獻「怪獸復活平衡車 x彈床天地」主題活動，兩大玩樂區域「怪獸限定冒險障礙賽道」與「歡樂天地復活彈床」震撼升級回歸並首度同時開放，加入四大關卡以及2.5米高吹氣復活怪獸！喺復活節4月6日至7日期間，平衡車賽道將推出復活節限定尋蛋活動！各種顏色復活蛋散落於賽道上，各位小車手要袋穩復活蛋，再登上平衡車衝刺到終點，成功完成就可獲得尋蛋活動限定福袋！
【INFO】 《合和商場X STRIDER HK X 歡樂天地復活節攜手呈獻「怪獸復活平衡車X彈床天地」》 日期：2026年4月1至12日 時間：13:00至19:00 地點：灣仔皇后大道東183號合和商場3樓中庭
復活節好去處2026｜7. 「EEG 25+ 嘉年華」—— 淺水灣The Pulse
由3月28日至4月19日，淺水灣 The Pulse 將化身期間限定慶典據點，隆重呈獻「英皇娛樂25+嘉年華」。活動結合音樂表演、體能挑戰與互動遊戲。海邊限定音樂表演 「BUSKING BY THE SEA」由曾傲棐 x 鄧小巧展開揭幕。同場更有期間限定「EEG 25+ Playground」 經典攤位遊戲回歸，復刻三大經典攤位遊戲，只要成功完成遊戲挑戰，就可以免費換領限量英皇娛樂25+紀念禮品。
【INFO】 《「EEG 25+ Playground」3大經典攤位遊戲及互動打卡位》 日期：3月28-29日、4月3-7日、4月10-12日及4月17-19日 時間：12:00至20:00 地點：THE PULSE L1 (近SOHO BANH MI） 參加方法：活動期間於The Pulse場內消費滿$400或以上即可免費入場挑戰3大關卡
復活節好去處2026｜8.「卡牌玩樂祭」—— 荃灣廣場
今個復活節大家都可以大玩卡牌！荃灣廣場於4月3日至7日期間，一連5日舉行免費入場嘅卡牌盛會《CARD FEST》有逾70間交易攤位輪流登場。場內搜羅咗海量超珍藏PTCG卡，包括大熱梵高系列、日版郵票盒美人系列、NBA 運動卡、 MAGIC：魔法風雲會等人氣系列，同場更設有Pokémon 寶可夢周邊限定店，帶來多款人氣 IP 系列潮玩及精選收藏單品。同時更特設「新手訓練家之旅」入門教學、卡牌比賽對戰、稀有卡展覽，更限時派送限定「神秘禮物」，啱晒大家復活節嚟玩返轉！除咗大玩卡牌之外，荃灣廣場於長廊特設Sanrio characters 夢幻飛航期間限定店，有多個打卡位之餘，仲會獨家發售Sanrio Smile航空造型系列新品。
【INFO】
《卡牌盛會 CARD FEST》
日期：2026年4月3日至7日
時間：11:30至21:00
地點：荃灣廣場L1中庭
《「Sanrio characters 夢幻飛航期間限定店」》
日期：即日起至4月14日
時間：11:00至21:00
地點：荃灣廣場L1長廊
復活節好去處2026｜9. Rummikub 75週年慶典活動 —— 南豐紗廠
唔知大家又鍾唔鍾意玩經典桌上遊戲Rummikub呢！今年復活節Rummikub強勢登陸南豐紗廠帶嚟一連串75週年慶祝活動。除咗有備受期待嘅「遊戲王爭霸賽」外，更同步舉行「Rummikub 75週年復活節嘉年華」，設有多款趣味攤位遊戲、主題展覽及期間限定店！同場亦特別呈獻「Rummikub 75週年環球印記珍藏展」。展覽將集中展出多款珍藏，包括全球特別版、城市限定版以及第一代Rummikun原版數字牌！
【INFO】 《「Rummikub 75週年復活節嘉年華」》 日期：2026年4月3至7日 時間：12:00至18:00 地點：南豐紗廠四廠地下
復活節好去處2026｜10.「樂高®小車神」特訓班 —— D2 PLACE
LEGO香港聯同香港賽車學校及室內飄移車遊樂場PowerPlay Arena，攜手推出全港首個「樂高®小車神」特訓班，於3月28日至4月26日舉行，啱晒6至12歲嘅小朋友！當中設有6大精彩訓練結合寓教於樂與實際體驗，咁就可以全面提升小車神嘅汽車知識同操控技巧！「樂高®小車神」特訓班六大訓練，當中包括樂高®小小汽車工程師劇場，利用生動方式讓小朋友在劇場形式演出中輕鬆理解汽車運作原理；緊張刺激嘅拉力車大挑戰同樂高®遙控車駕駛體驗，學習如何靈活控制車輛；喺親手拼砌專屬樂高®車牌及試穿真實賽車裝備體驗中，展現小車手創造力同感受賽車文化魅力。而最特別嘅係小朋友仲可以參加全新嘅樂高®汽車主題室內飄移車*，車道經精心設計，設有多個彎位，刺激又好玩～活動會提供頭盔、護肘和頸箍等保護裝，等各位小朋友都可以體驗「樂高®小車神，一嘗風馳電掣嘅滋味。只要身高滿1.2米或以上嘅小朋友就參加得～完成6大訓練嘅小車手仲可以榮譽「樂高®小車神」證書，對佢哋嚟講絕對係一種肯定！另外「樂高®小車神」特訓班更會贈送各位小車神LEGO購物現金券＄50乙張，等大家揀選心愛LEGO汽車盒組，享受加倍嘅拼砌快樂。
【INFO】 《「樂高®小車神」特訓》 日期：2026年3月28日至4月26日（逢星期六、日及復活節公眾假期） 時間：10:00至11:30、11:45至13:15、13:30至15:00 地點：D2 PLACE 二期 3樓 306-308號舖 （荔枝角長順街15號） 立即報名：https://bit.ly/475dOBN 建議年齡：6至12歲 名額：每場僅限 30 個家庭（1位大人及1位小朋友），額滿即止！ 數量：＄320 （包一名成人以及一名6-12歲小朋友*入場）（贈送LEGO購物現金劵＄50乙張） *小朋友身高必須高於1.2 米
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
