Dyson Airstrait™直髮器 | 相信每位女生都絕對有同感，每次沖完涼趕出門口嘅時候，又要預留時間吹頭同夾頭髮，實在太麻煩啦！Dyson推出全新Airstrait™ 二合一吹風直髮器產品，吹頭同時直髮，超方便，即刻睇睇產品詳情同價錢！
圖片來源：官方圖片 | 撰文：Hedy
平時想轉換唔同嘅頭髮造型，都要靠傳統直髮器或者捲髮器，由於只能喺吹乾頭髮嘅情況下使用，相對費時。Dyson Airstrait™二合一吹風直髮器除咗可以為你打造出順滑有光澤嘅造型之外，其一大特點就係可以喺濕髮嘅情況下使用，幫你吹乾頭髮之餘，又可以打造完美直髮造型！
Dyson Airstrait™直髮器特點1: 乾濕髮兩用
直髮器設有2種造型模式，你可以選擇「乾髮」或「濕髮」。喺濕髮模式嘅情況下，有3段溫度選擇，分別為80°C、110°C及140°C，先將髮根吹乾，再分區吹乾頭髮，同時順直髮絲。而喺乾髮模式下，則有120°C以及140°C溫度，有助整理頭髮造型！
Dyson Airstrait™直髮器 特點2: 不傷髮
傳統發熱面板直髮技術仰賴高溫去打造造型，再加上反覆拉夾，容易令頭髮飽受熱傷害，造成頭髮斷裂及失去光澤等問題。Dyson Airstrait™二合一吹風直髮器有別於傳統直髮夾，利用高速高壓氣流，同時吹乾及拉直頭髮，無需熱面板，避免熱傷害。對比傳統熱面板直髮技術，頭髮強韌度增加60%，同時水潤度亦增加28%，為你打造出健康充滿光澤嘅秀髮。
Dyson Airstrait™ 二合一吹風直髮器 特點3: 智能控溫技術
同其他Dyson頭髮護理系列產品一樣，Dyson Airstrait™二合一吹風直髮器具備智能溫控功能。位於產品手柄中嘅玻璃珠熱敏電阻，會將所得數據發送至微處理器實時監測溫度並調節。每秒偵測16次，以防止過熱損傷頭髮，有效保護髮絲天然光澤。
Dyson Airstrait™ 二合一吹風直髮器 特點4: 安全易用
趕住出門口嘅時候，大家有可能都會唔記得將電源關閉！而Dyson Airstrait™ 二合一吹風直髮器會喺手柄打開並閒置超過3秒後自動暫停。只要再次提起嘅時候就會啟動。除此之外，喺手柄保持打開狀態下閒置5分鐘後，或手柄鎖上狀態下閒置3分鐘後，將會進入自動待機狀態，LCD螢幕亦會關閉，當提起嘅時候先會再次啟動，相對較安全！
【INFO】
Dyson Airstrait™ 二合一吹風直髮器
顏色：銀銅色/普魯士藍配亮銅色
價錢：$3980
購買網址：https://bit.ly/3T185VD
想體驗Dyson推出嘅全新Airstrait™ 二合一吹風直髮器產品，就記得要把握時間去期間限定嘅Dyson美髮科技體驗空間，除咗可以現場體驗之餘，更有專家喺現場為大家提供專業造型技巧以及建議！場內更設有韓式四格影即有自拍館，打卡後只要將相片上載喺個人社交平台，就有機會獲得精美禮品乙份。
【INFO】 《Dyson 美髮科技體驗空間》 日期：即日起至3月10日 時間：中午12時至晚上9時 地址：香港九龍尖沙咀河內道18 號 K11 Art Mall 地下中庭
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
