甜品控注意！Lady M將於10月13號正式進駐圓方Elements！今次開幕仲帶嚟震撼級極致奢華新品——全球率先推出「杜拜榛子朱古力千層蛋糕」！ 之前推出嘅杜拜朱古力千層蛋糕引起全城熱潮，今次再升級加入「榛子」元素，絕對要第一時間去試！依家等小編率先開箱試食！
圖片來源：SAUCE編輯部｜撰文：Sharon
呢款奢華新作特別選用法國Valrhona 35%牛奶朱古力，融合香脆嘅意大利榛子粒碎同美國Kataifi酥皮絲。切開蛋糕嘅一刻，Kataifi同榛子粒發出「咔嚓」嘅酥脆聲響，真係極致誘人！蛋糕上半部注入咗微醺芳醇嘅榛子利口酒絲滑忌廉，下半部就搭配馥郁深邃嘅法國70%黑朱古力忌廉，將酥脆同柔滑口感完美交織，每一口都令人一試難忘！
除咗呢款重量級千層蛋糕之外，Lady M今次仲同法國皇室級牛油品牌Échiré聯手打造全新「皇室朱古力牛油酥餅」，嚴選100%法國頂級Échiré牛油與奢華黑朱古力精心巧製。酥餅入口香脆，隨即於舌尖細膩化開，牛油香氣極致濃郁，將朱古力酥餅嘅層次推至全新境界！呢款特別口味僅於ELEMENTS圓方店及香港國際機場店發售。
另外，推出新Cake登場之餘， Lady M亦宣佈將於10月13號正式進駐圓方 Elements！新店設計融合咗法式風情同海濱雅致美學，店內特別擺放咗客製扇形邊遮陽傘、經典編織法式小餐椅，仲有貫穿全店嘅純白大理石元素，構築出優雅靜謐嘅奢華空間，喺呢個環境食蛋糕勁Chill！
【INFO】 《Lady M - 杜拜榛子朱古力千層蛋糕》 購買地址：Lady M香港及澳門全線分店 售價：件裝HK$98；原個6吋蛋糕HK$660
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
