長壽秘訣｜現代人相對注重健康，不過要真正做到身體健康絕對唔係一件容易嘅事！當出社會做嘢之後大家都會發現自己嘅新陳代謝慢落嚟，就連平時飲食都會嗌外賣！而日本一位93歲嘅婦人身體檢查嘅時候發現血管年齡只有20歲，究竟點先做到咁健康，即刻入內文睇詳情！
圖片來源：YouTube@株式会社アカデミーシェアリング公式チャンネル | 撰文：Hedy
日本《朝日新聞》報導93歲嘅佐藤ヒデさん接受身體檢查嘅時候，竟然被發現血管年齡只有20歲！當時佐藤秀嘅身高為163厘米，體重63.5公斤，身體質量指數（BMI）23.9，體脂肪率25％，根據基礎代謝換算過嚟判斷體內年齡為36歲！對比其真實年齡絕對係年輕好多！當時職員仲以為係機器壞咗，但當量度其他人嘅時候卻相對正常，更被《朝日新聞》稱為「奇蹟的93歲」！對比其他93歲嘅同齡人，佐藤ヒデさん嘅面部更係相當緊緻，絕對係保養得相當好！
長壽秘訣｜1. 滿滿嘅蛋白質！
佐藤女士每日嘅飲食都相當健康同規律！早上以魚同納豆為主，而中午就以蔬菜為主，夜晚就會進食肉類！每餐都有滿滿嘅蛋白質，全部都自己煮，又唔鍾意食炸物，絕對做到均衡飲食！
長壽秘訣｜2. 規律生活+適量運動
由於佐藤女士每日都會5點半起身，做家務例如係吸塵、煮飯同洗衫。而去到6點25分，就會跟住電視開始做體操。由於屋企喺2樓，佢平時都會行樓梯上落唔搭電梯，時不時都會喺屋企附近散步。晏就嘅時候就會用縫紉機去縫製手藝又或者係閱讀雜誌，就連房間嘅牆邊都掛滿自己改造嘅衣服，手藝了得！佐藤ヒデさん每日都會喺11點瞓覺，臨訓泡澡時都會喺水入面踢腳500下，生活相當規律。
長壽秘訣｜3. 日常生活中避免壓力
要做到好似佐藤女士一樣，最重要嘅絕對係心態！佢有2大秘訣令自己沒有壓力，一係永遠都唔好為邊個而去做啲咩，當你會因為不能滿足自己嘅期待，就容易產生壓力！而第二個秘訣就係向親近嘅人訴說自己嘅心情，只要將自己嘅煩惱說出來，就唔會喺心入裡面累積如此大嘅壓力。
長壽秘訣｜4. 積極嘅人生觀
無論喺訪問定係日常生活入面，佐藤女士永遠都會面帶笑容，即使人生曾經經歷過唔少高低起伏，都依然喺日常生活中保持積極！細個嘅時候佐藤女士因為父親早逝，跟住哥哥姐姐一齊喺街頭賣冰棒。亦曾經見證二次世界大戰以及311大地震，這些大大小小嘅事情都令她懂得人生嘅珍貴。
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
