大閘蟹 | 12間大閘蟹推介！2小時無限時任食片皮鴨+大閘蟹！

大閘蟹 | 秋風送爽，又到大閘蟹迷出動嘅季節！2026年香港各大餐廳同酒店陸續推出大閘蟹菜單，由大閘蟹放題、片皮鴨配大閘蟹，到蒸氣鍋海鮮宴都有。無論鍾情清蒸蟹嘅原汁原味，定係偏愛花雕熟醉嘅酒香，今個秋天都有唔少選擇。今次就幫大家搜羅12間大閘蟹餐廳，睇吓邊間最啱你嘅口味！

圖片來源：陶源酒家、海雲天、等等HEA、喜記避風塘炒辣蟹、緣味小聚官方圖片、KKday、Openrice@EatFun.hk、積仔記ShareFoodxd、Haliyikle、Victoria Y｜撰文：Ginger

大閘蟹2026 | 1. 陶源酒家

陶源酒家每年嘅大閘蟹放題都幾受歡迎，今年繼續推出兩小時無限任食大閘蟹及片皮鴨。大閘蟹一共有四款食法，包括清蒸、太雕蒸、油鹽焗及招牌花雕熟醉蟹，各有唔同風味。除咗大閘蟹同片皮鴨，套餐仲有多款小菜、主食同甜品，每位食客更可享「特盛三式」，包括鮑汁扣原隻鮑魚伴椎茸及蟹粉瀑布。想一次過食蟹、片皮鴨同多款中菜，呢度就幾適合。

【INFO】
《陶源酒家大閘蟹放題兩小時任食》
營業時間：08:00-23:00
地址：灣仔菲林明道8號大同大廈1-2樓；旺角豉油街118號仕德福酒店地下；尖沙咀加連威老道98號東海商業中心
價錢：星期一至四 低至HK$498/位；星期五至日及假期低至HK$558/位
立即預訂：請按此

大閘蟹2026 | 2. 九龍海逸君綽酒店 海雲天

想一邊睇維港景色一邊食大閘蟹，可以考慮九龍海逸君綽酒店嘅海雲天。餐廳坐擁約210度維港景，今年推出150分鐘大閘蟹及片皮鴨任食。大閘蟹有清水、避風塘、油鹽焗及藥膳四款食法，另外仲有即叫即切嘅片皮鴨。每位入座客人更可享蠔皇鮑魚金錢及精選養生燉湯，4位或以上每位再送滷水乳鴿半隻。食住大閘蟹之餘，又可以慢慢欣賞海景，適合一家大細或者朋友聚餐。

【INFO】
《海雲天》
營業時間：星期一至日 11:00-15:00, 18:00-21:00
地址：紅磡德豐街20號九龍海逸君綽酒店2樓
價錢：成人買一送一平均HK$374/位；兒童HK$299/位
立即預訂：請按此

大閘蟹2026 | 3. 等等HEA

九龍城台式餐廳「等等HEA」就將大閘蟹玩出另一種食法，推出88分鐘大閘蟹任飲任食放題。除咗大閘蟹，仲有生滾大閘蟹粥、瀑布蟹粉撈麵、蟹油香辣雞煲及蟹汁多春魚等菜式。台式小吃亦係任食之列，包括萬華街滷肉飯、士林鹽酥雞等，仲有超過20款珍珠奶茶及冷泡茶任飲。鍾意試新口味、又想食蟹食得有啲唔同，呢間就幾有睇頭。

【INFO】
《等等HEA》
營業時間：星期一至日 11:00-23:00
地址：九龍城福佬村道41號地下
價錢：HK$478/位
立即預訂：請按此

大閘蟹2026 | 4. 海東軒

海東軒今年推出150分鐘大閘蟹及片皮鴨放題，大閘蟹提供清蒸、花彫蒸及油鹽焗三款食法。除咗食蟹同片皮鴨，套餐仲有古法扣原隻鮑魚金錢、生拆蟹粉扒時蔬、生拆蟹粉小籠包、黃炆佛跳牆、日式酥炸魷魚鬚等菜式。由大閘蟹到點心、小菜都幾齊，適合一班朋友或者屋企人一齊食。

【INFO】
《海東軒》
營業時間：星期一至日 07:00-23:00 (部分分店至凌晨)
地址：大角咀大角咀道38號新九龍廣場1樓168-187號舖；黃大仙睦鄰街8號現崇山商場2樓201號舖；鴨脷洲鴨脷洲大街145號僑民大廈地下2號舖及1樓3號舖；香港仔香港仔大道152-156號宏興大廈地下C&E號舖及1樓
價錢：HK$408/位 
立即預訂：請按此

大閘蟹2026 | 5. 羲和雅苑

羲和雅苑推出精品大閘蟹片皮鴨120分鐘放題，羲和雅苑以羲和烤鴨為招牌。北京鴨經約50分鐘烤製，大廚再取最精華嘅88片鴨肉，配上八寶盒佐料一齊食。蟹黃嘅濃郁配上片皮鴨嘅酥香，兩種味道放埋一齊，幾有特色。想一次過食大閘蟹同北京烤鴨，可以留意呢間。

【INFO】
《羲和雅苑》
營業時間：星期一至日 12:00-22:00
地址：中環皇后大道中139號The L. Place 1樓；東涌達東路20號東薈城名店倉4樓417號舖；尖沙咀廣東道3-27號海港城海運大廈2樓OTE203號舖
價錢：低至HK$348/位 
立即預訂：請按此

大閘蟹2026 | 6. 京都大酒樓

京都大酒樓今年推出120分鐘大閘蟹及片皮鴨放題，走傳統中菜路線。大閘蟹膏滿肉肥，片皮鴨亦係套餐重點。每位客人可享一隻六頭鮑魚以及必食嘅太史燴蛇羹與京式片皮鴨。另外仲有雞煲、海蝦、糯米飯、甜品及飲品任飲任食。鍾意食中菜、又想配埋大閘蟹一齊食，呢度嘅菜式組合就幾完整。

【INFO】
《京都大酒樓》
營業時間：星期一至日 07:00-23:00
地址：黃大仙龍翔道110號豪苑商場2樓1A-B號舖；大埔安慈路4號昌運中心1樓2-11及14-33號舖；美孚百老匯街73號美孚新邨4期地舖及1樓
價錢： HK$498起/位
立即預訂：電話2385 9166

大閘蟹2026 | 7. 雲海匯

深水埗嘅雲海匯今年推出120分鐘清蒸大閘蟹、花彫蒸大閘蟹及北京片皮鴨無限任食。另有古法羊腩煲、蟹粉小籠包、麻辣口水雞等豐富菜式，每位更可享雲南野菌燉響螺湯及餐酒、啤酒、飲料、汽水、薑茶任飲。

【INFO】
《雲海匯》
營業時間：星期一至日 07:00-22:30
地址：深水埗深旺道38號海達邨二期平台1樓1-01號舖(港鐵南昌站)
價錢：HK$368起/位
立即預訂：請按此

大閘蟹2026 | 8. 囍慶

囍慶位於科學園及顯徑嘅分店，今年推出120分鐘大閘蟹片皮鴨宴。大閘蟹約3至4兩重，以清蒸為主，蟹肉清甜。套餐亦包括古法羊腩煲、雲南野菌燉響螺、順德鮮奶卷伴椒鹽魷魚鬚以及生炒糯米飯等菜式。餐廳空間寬敞，座位亦比較舒服，適合家庭聚餐或者節日飯局。

【INFO】
《囍慶》
營業時間：星期一至日 07:30-22:30
地址：沙田香港科學園科技大道西一號一樓；大圍車公廟道69號顯徑商場A翼3樓301A號舖(屯馬線顯徑站)
價錢：HK$368起/位
立即預訂：請按此

大閘蟹2026 | 9. 港滙軒

想一邊睇靚景一邊食蟹，可以睇吓尖沙咀iSQUARE嘅港滙軒。餐廳位於24樓，坐擁約270度維港景色，今年推出120分鐘大閘蟹及片皮鴨放題。大閘蟹有清蒸、花雕蒸及鹽油焗三款食法，每位食客亦可享鮑汁六頭鮑魚扣玉掌及滋補養生燉湯。除咗蟹同片皮鴨，仲有多款傳統及創新點心任食，食完仲可以慢慢睇景。

【INFO】
《港滙軒》
營業時間：星期一至日 10:00-23:00
地址：尖沙咀彌敦道63號iSQUARE國際廣場24樓
價錢：低至HK$498起/位
立即預訂：請按此

大閘蟹2026 | 10. 原味小聚

如果鍾意食海鮮原味，可以試吓原味小聚嘅150分鐘大閘蟹龍蝦海鮮蒸氣鍋。大閘蟹以蒸氣烹調，保留蟹肉同蟹膏本身嘅味道。套餐包括兩隻大閘蟹、半隻龍蝦、韓國鮮鮑魚一隻、生蠔一隻，仲有安格斯進口牛以及時令鮮甜貝類。另外更有菜以及甜心等。一次過有蟹、海鮮同肉類，份量亦相當足夠，幾適合一班人聚餐。

【INFO】
《原味小聚》
營業時間：星期一至日 12:00-00:00（旺角分店）；12:00至23:00（觀塘分店）
地址：旺角彌敦道575號LADDER Dundas 6樓；觀塘偉業街93號 93WYS 20樓
價錢：低至HK$269起/位
立即預訂：請按此

大閘蟹2026 | 11. 喜記避風塘炒辣蟹

鍾意重口味嘅大閘蟹，就唔好錯過灣仔老字號喜記避風塘炒辣蟹。今年秋季推出招牌避風塘辣蟹精選二至四人套餐，包括一隻避風塘炒辣蟹、二至四隻招牌醉鮑魚，更有豉椒炒蜆、椒鹽九肚魚拼白飯魚及蟹油炒麵等菜式。大閘蟹配上惹味十足嘅避風塘風味，食法就比傳統清蒸更加濃郁。

【INFO】
《喜記避風塘炒辣蟹》
營業時間：星期一至日 12:00-22:30
地址：灣仔謝斐道379-389號特麗樓地面
價錢：$998起（二人套餐）
立即預訂：請按此

大閘蟹2026 | 12. 港灣宴會廳

利東集團旗下嘅港灣宴會廳，今年推出兩小時大閘蟹放題，大家可以喺限時入面任點清蒸、鹽焗或花雕蒸大閘蟹。套餐另外更有京典片皮鴨、椒鹽海生蝦、生炒糯米飯等多款經典粵式小食及主菜，甜品包括陳皮紅豆沙、薑茶湯圓及古法健康糕等。

【INFO】
《港灣宴會廳》
營業時間：星期一至日 07:00-23:00
地址：九龍新蒲崗寧遠街3-23號越秀廣場5樓
價錢：低至HK$498起/位
立即預訂：請按此

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk