辦公室風水2024 | 8大風水禁忌你要知 升職加薪/添財運！

辦公室風水2024 | 嚟到龍年，身為打工仔嘅你一定想新一年升職加薪、事業一帆風順！家居風水重要，但辦公室風水都唔可以輕易忽視，枱面上擺設，座位選擇都有助你嘅事業發展！如果想新一年增添職場運氣，一定要留意以下8大辦公室風水擺陣！

圖片來源：網絡圖片、《大叔的愛》劇照｜撰文：Sharon 

辦公室風水2024 | 1. 辦公座位選擇

建議大家避免坐喺座位背對走廊或門口位置，因為會令人缺乏安全感，如果避免唔到可以放一面小鏡子喺座位後面，隨時睇到門口或走廊背後。另外，大家都可以選擇有牆壁位置嘅座位，牆壁好似一座山，帶畀人一種有強大嘅感覺，有助增強自信心同安全感！

辦公室風水2024 | 2. 綠色植物

植物除咗可以綠化環境，仲可以改善辦公室嘅空氣以及增添生機，有象徵事業興旺嘅意思！建議選擇金錢樹、金邊竹、鬱金香、馬蹄蓮、幸運竹或綠蘿等植物，有帶畀幸運、正能量同聚財嘅意思。溫馨提示最好放喺辦公室當眼位置，絕對有助提升財運！

辦公室風水2024 | 3. 辦公桌擺放位置

辦公桌嘅方向同位置好影響工作運勢，要避免將辦公桌正對門口，因為「煞氣」會直衝過嚟，專注力同情緒都會受到影響。如果辦公桌正對走廊都會好容易受到外界打擾，影響工作效率，建議大家將辦公桌位置靠近牆壁，工作時會更專心同安心！

辦公室風水2024 | 4. 辦公桌冇窗

辦公室冇窗，好容易感到焗促同悶熱，會大大影響健康同工作效率，可以喺辦公室增加通風口或者使用空氣清新機，以增加室內空氣流通。如果自然光源唔夠，要使用暖色調嘅燈光，營造一個有溫馨舒適嘅工作空間，辦公室財位宜亮不宜暗，因此適當嘅照明有吸財效果，揀明亮嘅燈可以促進財運。

辦公室風水2024 | 5. 桌面凌亂

乾淨整齊嘅工作環境十分重要，桌面過於凌亂會影響工作效率同品質，所以要保持辦公桌嘅整潔，定期整理，可以去除負能量，有需要甚至可以放置綠色植物同文具～

辦公室風水2024 | 6. 擺放水形擺設

水有激活財運嘅意思，將水形擺設放喺辦公室有利財富，可以放魚缸、水飄球等擺設，仲有舒壓作用，可以放鬆神經！建議大家只需要放一個魚缸就夠，因為太多會沖淡財運。