葬送的芙莉蓮展覽｜《葬送的芙莉蓮》絕對係唔少人深愛嘅動漫！而《葬送的芙莉蓮特展》終於都有香港站喇，有齊5大主題展區，帶大家重溫經典冒險故事。即刻入內文睇詳情！

圖片來源：官方圖片 | 撰文：Hedy

《葬送的芙莉蓮特展》香港站將會喺2026年11月喺旺角創興廣場 B2 INCUBASE Arena 隆重舉辦。特展以動畫第一季經典劇情為主軸，設五大主題展區，打造出沉浸式展覽空間，等大家可以親身行入魔法同奇幻生物嘅世界。

冒險起點與半世紀流星

大螢幕將會播放片段去揭開序幕，重現勇者欣梅爾、僧侶海塔、戰士艾冉與芙莉蓮打倒魔王後嘅約定。展區特別設置燈飾與光影特效，重現五十年一遇、象徵思念起點嘅浪漫「半世紀流星」。

全新冒險的開始

第1章回顧芙莉蓮與弟子費倫、戰士修塔爾克相遇並開啟新篇章嘅過程，重現出經典嘅「欣梅爾石像與蒼月草」。

葬送的芙莉蓮

喺光影同聲效交織嘅沉浸式空間中，氣勢磅礡地重現芙莉蓮與「斷頭台阿烏拉」及其不死軍隊交鋒嘅震撼戰鬥場面。

僧侶與鏡蓮華

現場還原欣梅爾單膝跪下為芙莉蓮戴上象徵「永恆的愛」嘅「鏡蓮華」戒指，超浪漫～

一級魔法使測驗

現場設有經典搞笑嘅「寶箱怪」打卡位，大家仲可以喺度體驗被寶箱怪咬住～

香港站獨家打卡位

場內重現3大角色武器，包括芙莉蓮手杖、費倫手杖以及修塔爾克戰斧，大家仲可以親手攞起打卡！

魔法問答活動

展區更設有「踏上旅途魔法問答活動」，只要完成指定任務後，就可以獲贈限定明信片，一共有7款，每日隨機款式！另外，香港站展覽將會推出大量香港首發商品。

早鳥優惠及門票詳情

早鳥優惠門票（即日起至2026年11月23日）

1. 早鳥二人同行門票 HK$218
包含入場 QR Code 1 個（需要同時進場）及踏上旅途魔法問答卡 2 張（完成後各獲限定明信片 1 張）。

2. 早鳥特典門票套裝 HK$198
包含入場 QR Code 1 個、踏上旅途魔法問答卡 1 張（完成後獲限定明信片 1 張）及魔法書透光海報套裝 1 份（隨機 1 款）。

展期正價門票（2026年 11 月 24 日至 2027 年 1 月 3 日）

1. 普通門票 HK$128
包含入場 QR Code 1 個及踏上旅途魔法問答卡 1 張（完成後會有精美明信片 1 張）。

2. 二人同行門票 HK$228
包含入場 QR Code 1 個（需要同時進場）及踏上旅途魔法問答卡 2 張（完成後會有限定明信片 1 張）。

3. 特典門票套裝 HK$218
包含入場 QR Code 1 個、踏上旅途魔法問答卡 1 張（完成後會有限定明信片 1 張），以及魔法書透光海報套裝 1 份（隨機 1 款）。

4. 優待門票 HK$108
適用於3-11歲小童，60歲或以上長者及殘疾人士，包含入場 QR Code 1 個及踏上旅途魔法問答卡 1 張（完成後會有限定明信片 1 張）。

【INFO】
《葬送的芙莉蓮特展》香港站
展覽日期：2026年11月24日至2027年1月3日
展覽時間：
星期一至五 12:00至21:00（最後入場時間為20:00）
星期六、日及公眾假期 11:00至22:00（最後入場時間為21:00）
立即購買：https://bit.ly/481G1te

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk