雞煲推介2026 | 冬天正值雞煲旺季，今次為大家介紹7間香港雞煲好去處，無論你鍾意傳統滋味，定係追求創新口感，都一定搵到啱你嘅心頭好。其中「金玉滿堂」以加入大量海鮮元素嘅雞煲聞名，海鮮嘅鮮甜同雞嘅濃香完美結合，啱晒中意食海鮮嘅朋友。而打卡控就一定唔可以錯過邪惡拉絲芝士雞煲，濃郁嘅芝士同嫩滑雞肉一齊炒煮，拉絲效果一流。至於鍾情四川麻辣口味嘅，就一定要試四川麻辣重慶雞煲。另外，仲有將雞煲、海鮮拼盤、養生鍋同手切牛肉黑豚肉四大特色結合嘅任食放題火鍋餐廳，啱晒同朋友圍埋一齊圍爐煮雞煲。

圖片來源：Openrice @hkfoodpage、@Pinky Lee 0703、@gigi baby G、 @foodtraveller10 | 撰文：Ginger

雞煲推介 | 1.⁠ ⁠金玉滿堂 

金玉滿堂主打雞煲，加入咗大量海鮮元素，啱晒一大班朋友聚餐，夠晒創新又熱鬧！餐牌有多款雞煲選擇，可以自選辣度，無論重口味定清淡都齊全，如花膠雞煲，每煲有五至六嚿超大嚿花膠，份量驚喜，雞煲味道唔會太油膩，食落清香惹味，整體感覺非常唔錯。海鮮愛好者一定要試佢哋嘅花蛤蝦雞煲，雞煲汁混入辣汁，雞同花蛤、蝦嘅鮮味互相提升，雞肉嫩滑入味，炒得夠曬鑊氣，而花蛤同海蝦新鮮爽口，份量又夠，性價比超高。  

花膠吸收晒雞湯精華，口感爽滑，令人回味無窮。（圖片來源：Openrice @Pinky Lee 0703）
有鑊氣雞煲。（圖片來源：Openrice @hkfoodpage）
 【INFO】
《金玉滿堂》
價錢: $398/位起
地址: 旺角煙廠街6-20號華新大廈地下14-14A號舖 
營業時間: 星期一至日 17:30 - 02:00

雞煲推介 | 2.⁠ ⁠食雞  

位於大角咀嘅「食雞」係一間主打港式雞煲嘅火鍋店，店內有多款特色雞煲選擇，包括經典川味雞煲、酸辣醒胃嘅泰式冬陰公雞煲，仲有帶點獨特風味嘅懺悔酸菜雞煲，辣度仲可以因應你嘅口味來調節。

餐廳有8款雞煲選擇。（圖片來源：官方圖片）
餐廳提供多款火鍋食材。（圖片來源：官方圖片）
 【INFO】
《食雞》
價錢: $298/位起
地址: 大角咀洋松街38號地下1-2號舖
營業時間: 星期一至日 17:00 - 00:00

雞煲推介 | 3.⁠ ⁠捌壹壹

位於旺角嘅捌壹壹係一間主打四川麻辣美食嘅餐廳，專為鍾意辣味嘅朋友而設。店內招牌包括酸菜魚、麻辣烤魚、雜錦香鍋同重慶雞煲，款款都充滿地道川味特色，辣得過癮之餘。重慶麻辣雞煲選用肉質嫩滑嘅龍崗雞，加入自家製重慶麻辣醬汁精心炮製，味道層次豐富。  

「重慶麻辣雞煲」選用肉質豐厚而嫩滑嘅龍崗雞（又名三皇雞）。（圖片來源：官方圖片）
餐廳亦有其他川菜選擇如冷鍋酸菜魚。（圖片來源：官方圖片）
 【INFO】
《捌壹壹》
價錢: $218/位起
地址: 旺角奶路臣街33號地下F號舖
營業時間: 星期一至日 12:00 - 00:00

雞煲推介 | 4.⁠ ⁠18樓雞煲火鍋專門店

「18樓雞煲火鍋專門店」以秘製雞煲馳名，選用三黃雞，加上店主自家秘製四川麻辣醬同芫茜、紫洋蔥、蒜頭、蔥、辣椒等香料炒香，每件雞件都嫩滑濃香，醬汁濃稠帶麻香，辣度更可以按自己口味選擇大中小辣，辣得啱啱好。  食完雞煲之後，仲可以加入熬製多小時嘅豬骨湯嚟打邊爐！香濃湯底吸收晒雞煲嘅精華，再配搭各款火鍋配料，滋味再升級。 

以啖啖肉的三黃雞入饌。（圖片來源：官方圖片）
佢哋精選嘅頂級牛肉，包括澳洲M5極上和牛肩卷、美國安格斯牛小排同牛頸脊等，每片牛肉都鮮嫩綿滑，入口即散，肉香味濃。（圖片來源：官方圖片）
 【INFO】
《18樓雞煲火鍋專門店》
價錢: $238/位起
地址: 荃灣眾安街55號大鴻輝(荃灣)中心18樓
營業時間: 星期一至日 17:00 - 03:00

雞煲推介 | 5.⁠ ⁠斗滾

斗滾係一間任食放題嘅火鍋餐廳，將雞煲、海鮮拼盤、養生鍋同手切牛肉黑豚肉四大特色完美結合。第一式係任食雞煲，雞煲有5種辣度可選，啱晒鍾意食辣嘅你。第二式係海鮮拼盤，鮮味十足嘅拼盤包括鮑魚、蟶子、扇貝、海蝦、花蜆、龍躉同讚岐烏冬。第三式係滋補火鍋，包括養生燉湯、清湯安格斯牛腩同涼瓜花膠雞，飲完湯再打邊爐，湯底鮮甜暖胃。最後一式係只要like或者share餐廳Facebook或Instagram，就可以任食手切牛頸脊同黑豚肉，肉嫩味香。  

海鮮盛宴超豐富！（圖片來源：Openrice @gigi baby G）
必點雞煲。（圖片來源：Openrice @業餘食評家）
一共4式任食放題。（圖片來源：官方圖片）
 【INFO】
《斗滾》
價錢: $268/位起
地址: 西環石塘咀山道54-66號適安大廈地下A號舖及1樓AB號舖
營業時間: 星期一至日 17:00 - 00:00

雞煲推介 | 6.⁠ ⁠竹園重慶雞煲 

 藏身北角市政大廈嘅呢間熟食市場雞煲店「竹園重慶雞煲」低調中帶驚喜。雖然係市場環境，但乾淨整潔。特別推介喇沙雞煲，用濃郁嘅喇沙湯底煮雞肉，做到鮮嫩入味，連大蝦都吸晒湯嘅香辣味，食完回味無窮。當然唔少得椰子雞煲同酸菜魚煲呢兩款招牌湯底。椰子雞煲用新鮮椰青水同椰肉一齊煲，湯底清甜又鮮美。酸菜魚煲就用咗一條星斑加酸菜、大豆芽同芫荽，湯底酸辣適中，帶出魚鮮甜味，食完魚仲可以加清湯煮其他配料，味道更豐富。  

北角街市內嘅雞煲。（圖片來源：Openrice @edhangup）
必點肥牛。（圖片來源：Openrice @AggieCheng)
 【INFO】
《竹園重慶雞煲》
價錢: $228/位起
地址: 北角渣華道99號渣華道市政大廈2樓CF3號舖
營業時間: 星期一至日 18:00 - 00:00

雞煲推介 | 7.⁠ ⁠至尊重慶雞煲

位於旺角創興廣場嘅至尊重慶雞煲，以邪惡拉絲芝士雞煲、清甜椰子雞火鍋同經典重慶雞煲三大招牌菜最為出名。邪惡拉絲芝士雞煲嘅濃郁芝士緊緊包住嫩滑雞肉，拉絲效果一流。清甜椰子雞火鍋就走健康清新路線，用新鮮椰青水煲成湯底，入口甜香，雞肉鮮嫩多汁。重慶雞煲就係麻辣愛好者嘅福音，夠香夠辣，刺激味蕾，保證你食到滿足。  

邪惡拉絲芝士雞煲係店內人氣之選！（圖片來源：Openrice @DorothyLam4222)
記得先試雞煲原汁原味，再加配料提升層次感!（圖片來源：Openrice @chito991)
【INFO】
《⁠至尊重慶雞煲》
價錢: $168/位起
地址: 旺角彌敦道601號創興廣場16樓
營業時間: 星期一至日 12:00 - 00:45

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk