居屋2024 | 又有新一期居屋可以申請啦，今次將會推出5個屋苑，合共7,132個單位畀大家選擇～今年更新咗玩法？點先可以優先揀樓？即刻入內文睇詳情啦！
圖片來源：官方圖片、freepik | 撰文：Hedy
今次居屋申請2024將會喺推出5個屋苑，當中包括屯門兆湖苑（2768伙）、啟德啟盈苑（1736伙）、東涌裕興苑（1344伙）、油塘高曦苑（864伙）以及觀塘安柏苑（420伙）。單位實用面積介乎186至510平方呎，將以市值七折定價，售價為143萬至467萬元。
居屋2024 | 申請資格
預計今年第4季會接受申請並攪珠，相信出年第2季開始就可以揀樓，預計出年3月底就可以開始入伙。居屋2024綠表同白表分配比例為4:6，而收入上限亦由6.2萬減至6萬，資產限額則由147萬降至123萬元。而白表一人申請者嘅收入同資產限額下調至3萬元及61.5萬元。
a) 綠表人士申請資格
- 年滿18歲
- 房委會轄下公屋住戶／房協轄下出租屋邨住戶或長者居住單位住戶
- 持有由房屋署或市建局發出有效《綠表資格證明書-只適用於出售居者有其屋計劃單位》
- 房委會「長者租金津貼計劃」受惠者
- 持有由房委會發出有效《保證書》的房屋署屋宇事務助理職系人員
b) 白表人士申請資格
- 年滿18歲，並居港住滿7年
- 私營房屋住戶
- 房委會轄下公屋、房協轄下出租屋邨或任何資助房屋計劃單位住戶的家庭成員
- 透過房委會轄下「租置計劃」購得單位不足10年內的業主及其戶籍內家庭成員
居屋2024 | 點先可以優先揀樓？
房委會為咗優化配額分配安排，唔再以所有屋苑嘅單位總數計算，反而係每個屋苑都會為各類申請者，預留部份配額，變相就算係一人申請者都有機會選擇心儀屋苑。居屋2024新推售單位將會喺每個屋苑中提供40%配額，供參加「家有初生優先選樓計劃」和「家有長者優先選樓計劃」嘅合資格申請者攪珠同優先揀樓。同時每個屋苑亦提供10%單位供一人申請者揀選。凡有嬰兒出生於2023年10月25日或以後嘅資助出售單位銷售計劃家庭申請者，有關子女喺居屋2024申請截止日期時為3歲或以下，就符合「家有初生優先選樓計劃」申請資格，大家記得要喺申請嘅時候主動申報係「家有初生優先選樓計劃」。而「家有長者優先選樓計劃」，只要係截止申請日期或之前，該名年長親人已年滿60歲，就符合申請，不過呢個計劃下僅適用於家庭申請者！
居屋2024 | 優先揀樓次序
所有家庭以及一人申請者類別均會獲發一個由電腦根據攪珠結果隨機排列嘅基本選樓次序。由於居屋嘅揀樓次序根據家庭結構而定，參加「家有長者優先選樓計劃」嘅家庭申請者，會獲發一個基本嘅家庭申請者選樓次序以及一個「家有長者優先選樓計劃」選樓次序，總共有兩個。如果未能透過「家有長者優先選樓計劃」取得配額，佢哋都可以用「其他家庭申請者」類別抽樓。
| 綠表申請者 | 白表申請者 |
|---|---|
|
|
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
