冬甩控注意！Mister Donut又有新口味嘅冬甩啦！Mister Donut 香港全新推出期間限定「香蜜紫薯系列」冬甩，帶嚟4款新口味，仲率先以 「萬聖節趣怪造型」亮相！

圖片來源：官方圖片｜撰文：Sharon

Mister Donut「香蜜紫薯系列」嘅四款新品，包括沖繩紫薯波堤、沖繩紫薯法式扭紋、紫薯蒙布朗及沖繩紫薯忌廉冬甩。 萬聖節期間，四款冬甩更融入趣怪節日元素，以充滿趣怪嘅造型增添節日氣氛，帶嚟視覺與味覺嘅雙重驚喜！

Mister Donut「香蜜紫薯系列」。（圖片來源：官方圖片）

1. 沖繩紫薯波堤

經典波堤鋪上以日本沖繩紫薯粉製成嘅紫薯朱古力外層，內餡搭配柔滑濃郁嘅紫薯忌廉及幼滑紫薯蓉。加上煙韌彈牙嘅波堤口感，味道層次豐富！

單品售價： HK$23

沖繩紫薯波堤。（圖片來源：官方圖片）

2. 沖繩紫薯法式扭紋

獨特嘅扭紋造型配上萬聖節期間嘅可愛眼睛裝飾，賣相超吸引！呢款法式扭紋冬甩，外層為紫薯朱古力，內裡注入紫薯忌廉，鬆軟口感與馥郁紫薯香氣相互映襯！

單品售價： HK$23

沖繩紫薯法式扭紋。（圖片來源：官方圖片）

3. 紫薯蒙布朗

以鬆軟濃郁嘅朱古力冬甩為基底，面層鋪滿綿密細緻嘅紫薯蓉，並灑上芝麻粒點綴。醇厚朱古力與香濃紫薯滋味相互交融，配合絲滑細膩紫薯忌廉，帶來香滑豐富嘅味覺層次！

單品售價： HK$28

紫薯蒙布朗。（圖片來源：官方圖片）

4. 沖繩紫薯忌廉冬甩

鬆軟冬甩注入輕盈幼滑嘅紫薯忌廉，配合趣怪可愛嘅木乃伊造型，為萬聖節增添搞怪趣味與驚喜！

單品售價： HK$23

沖繩紫薯忌廉冬甩。（圖片來源：官方圖片）

另外，為慶祝香港開業2周年，日本人氣產品Donut Mini Bōru迷你冬甩波波香港首度登場！Donut Mini Bōru迷你冬甩波波，於11月1日起喺香港全線8間分店首度登場！每盒（單盒售價：HK$32）包括6款唔同口味；朱古力鬆脆波波、彩虹粉粉波波、榛子朱古力波波、士多啤梨波波、黃金朱古力波波及雪花椰絲波波。

Donut Mini Bōru迷你冬甩波波香港首度登場！（圖片來源：官方圖片）
【INFO】
《Mister Donut「香蜜紫薯系列」冬甩》
售賣地點：Mister Donut全線8間分店

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk