麥玲玲2026｜話咁快又過一年喇！想迎接一個全新嘅一年就一定要睇由知名堪輿學家麥玲玲師傅所分享嘅馬年12生肖運程。資料獲麥玲玲師傅授權，並節錄出2026馬年生肖運程，想知自己今年運勢係點就記得入內文睇詳情喇。
資料授權：麥玲玲師傅 | 撰文：Hedy
又就快到馬年喇！如果大家想知自己或者屋企人新一年嘅運程，就一定要參考麥玲玲師傅2026馬年12生肖運程，仲有開運錦囊畀大家！
麥玲玲2026｜2026馬年運程
屬馬嘅朋友嚟到本命年，犯太歲嘅年份適宜有傳統喜事沖氣包括結婚、添丁以及買樓，否則今年亦會係變化較多嘅一年。不過好彩今年亦有吉星為事業加持，仍需留意身體健康方面。
開運錦囊
宜貼身佩戴羊形飾物助旺自身力量
立春後可以捐血及洗牙以保平安
家宅及健康不穩宜裝修家居
麥玲玲2026｜2026羊年運程
屬羊嘅朋友運勢走向兩極，有少部分人喺家宅運入面要多加注意。雖然運勢反覆但有吉星飛臨，若銷售對象以男性顧客為主，馬年可望財源滾滾，惟需留意人際關係方面。
開運錦囊
適合多出門或拓展海外市場
男性貴人助力充足，宜佩戴太陽石水晶強化運勢
麥玲玲2026｜2026猴年運程
屬猴嘅朋友今年係一個宜動不宜靜嘅一年，適合多出差以及開拓海外市場。而讀書或考試嘅朋友今年嘅思路都會特別清晰，不過就要特別注意老人家嘅身體健康。
開運錦囊：
家宅運受沖，宜主動為長輩裝修家居
宜於四綠文昌星飛臨方位擺放橄欖石文昌塔
麥玲玲2026｜2026雞年運程
屬雞嘅朋友今年運程相當唔錯。單身嘅朋友有機會邂逅心儀對象，感情穩定嘅情侶就可以考慮結婚～如果銷售對象以女性顧客為主，收入有望穩定增長。今年要喺金錢問題上特別謹慎。
開運錦囊：
貼身佩戴黃晶手串，催旺財運
容易捲入金錢糾紛，不宜與人合作投資
麥玲玲2026｜2026狗年運程
屬狗嘅朋友今年相當唔錯，特別係事業運上。馬年居所或工作位置有機會出現變化，同時屬狗者今年較容易疑神疑鬼，需要同伴侶多溝通。另外簽署文件同合約時需謹慎
開運錦囊：
容易疑神疑鬼之年，宜用黑曜石提升正能量
家宅及長輩健康運較受衝擊，宜為對方維修家居或更換家具
麥玲玲2026｜2026豬年運程
屬蛇嘅朋友今年運程相對穩定，人緣運暢旺。而打工嘅朋友就有望喺職場上一展才華。不過要特別注意健康同多關心長輩身體。
開運錦囊
有輕微破財之象，宜擺放黃玉聚寶盆以助守財
家宅及長輩健康有受損之象，宜多行善積福
麥玲玲2026｜2026鼠年運程
今年屬鼠嘅朋友為沖太歲，絕對係變化最多嘅一年，有破財星，亦容易得罪權貴。宜有結婚、添丁、置業或創業等人生大事沖喜。不過財運都算係唔錯，亦有唔少飯局應酬嘅機會。
開運錦囊
宜貼身佩戴猴形及龍形生肖飾物
大耗星入主有損財運，不妨置業搬遷或多作保健養生消費
宜於家中五黃（正南）及二黑（西北）流年病星位置擺放銅器重物化解
麥玲玲2026｜2026牛年運程
屬牛者今年馬年屬害太歲，人際關係較弱。不過幸好有強而有力的貴人星，有望逢凶化吉。另外屬牛嘅朋友今年財運方面不穩，投資上需更謹慎。
開運錦囊
宜貼身佩戴蛇形及雞形生肖飾物保平安
宜擺放紫晶文昌塔以加強人際關係
犯太歲之年宜多出門走動
麥玲玲2026｜2026虎年運程
屬虎嘅朋友今年冇吉星進駐，凡事需親力親為。今年如果人在外地人在外地將會有更理想發揮，例如出差以及前往海外升學。不過就要小心人際關係，駕駛人士更要注意道路安全！
開運錦囊
宜於辦公桌放置粉晶擺件提升人緣運
人際關係欠佳，宜化解流年三碧是非星之飛臨方位
麥玲玲2026｜2026兔年運程
屬兔嘅朋友馬年屬破太歲，容易同身邊嘅人有因誤會而有微言。而打算結婚、添丁、置業或創業嘅朋友今年就可以主動實行！由於有「捲舌」星 ，容易有閒言閒語，所以就要注意言行。
開運錦囊
宜貼身佩戴狗形生肖飾物助旺自身力量
單身者不妨佩戴紅紋石飾物以吸引正緣桃花
麥玲玲2026｜2026龍年運程
屬龍嘅朋友今年只有一顆吉星進駐，所以馬年會遇上較多波折。出門後更容易遇上小意外驚嚇，去旅行都要注意安全不宜進行高危活動。馬年亦不宜與女性合作投資或經營生意。
開運錦囊
外遊時容易有小意外驚嚇，宜預先購買旅遊保險，及佩戴黑曜石飾物抵禦衝擊
吉星暗藏解除契約之意，處理文件合約要特別小心
麥玲玲2026｜2026蛇年運程
屬蛇嘅朋友嚟到馬年終於都穩定少少，今年有望升職加人工！不過馬年亦有「病符」凶星飛臨，容易有傷風感冒，要多留意身體健康。
開運錦囊
宜佩戴白水晶穩定情緒
有較多傷風、感冒等小毛病，宜以銅器重物化解流年五黃及二黑病星位置
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
