豐澤i-Coin | 做嘢咁辛苦，想嚟個快閃旅行放鬆下？依家只要喺豐澤買嘢，儲夠指定數量i-Coin就有機會換走來回機票，等大家都可以去台灣或者曼谷玩返轉！除咗機票仲有多款旅行好物等你換，包括Sudio藍芽喇叭、Bruno不鏽鋼杯、LEGO行李喼等等，即刻睇睇點先可以免費換！
圖片來源：官方圖片 | 撰文：Hedy
豐澤推出全新i-Coin「賞換之旅」，今次嘅玩法相當簡單，會員喺活動期間累積2次消費紀錄，當中1次需要單一消費滿$1,000，並儲夠指定i-Coin數量，就可以兌換獎品！無論喺豐澤門市或網店購買一般產品滿$500，或Apple產品滿$1,000，就可以獲得i-Coin一個。同時仲可以賺埋易賞錢，多重優惠不停賞！
![]()
豐澤i-Coin「賞換之旅」 | 隨時換走台北/曼谷來回機票
只要儲夠16/30/60個i-Coin，就有機會換領4大牌子包括LEGO、ASUS、Bruno、Sudio等產品，儲夠60個仲可以換走單人來回機票（台北或加港幣$500轉飛曼谷），帶住呢啲旅行好物，絕對可以令你嘅旅程變得更精彩～
豐澤i-Coin「賞換之旅」| Hutchgo機票由香港往台北/曼谷
相信大家一定最想知道點先可以換到機票，只要儲夠60個i-Coin就可以換走台北單人來回機票。你亦都可以選擇加港幣$500轉飛曼谷，由2024年7月12日至2025年8月31日都可以兌換～而出發日期就由2024年8月25日去到2025年12月31日，當中大家亦需要支付附加費用，例如稅金、徵費和燃油附加費等。
不適用日子：
2024年9月16-18日、10月1-8日、12月16-31日2025年：1月1-6日、1月23-31日、2月1-11日、4 月4-6日、4月16-20日、4月29-30日、5月1-5日、7月13 日-8月23日、10月1-8日、12月16-31日
豐澤i-Coin「賞換之旅」 | LEGO禮品
去旅行絕對唔少得斜揹袋、背包以及行李箱，無論喺攞嚟裝個人行李定係隨身物品都超方便，仲要每款都別具LEGO特色，絕對唔會同人撞款呀！
1. 16 i-Coin：LEGO Brick 1×2 斜揹袋2.5L（藍色/紅色）
呢款斜揹袋相當適合隨身攜帶，擺護照或者隨身物品都好適合。大拉鍊主隔層配有帶襯墊嘅手機隔層，前面2個圓形前袋，可以存放鎖匙、紙巾同餐具等等。 輕量胸袋配有可調式肩帶同可拆卸帶扣，隨意將肩包放喺左右肩上面。
2. 30 i-Coin：LEGO BRICK 2×2 15L積木背包(藍色/紅色)
去旅行如果想裝多啲嘢，就可以儲夠30個i-Coins換走背囊，無論喺擺放相機、Notebook定係平板電腦都冇問題～而且側袋仲可以擺放水樽或者遮，相當方便。而兩個底部嘅袋就可以存放一啲小物例如相機電池、紙巾等等，容量相當大！
3. 60 i-Coin：LEGO 2×2 方塊28吋行李箱 (雙輪黑及紅色)
標誌性嘅LEGO積木設計，絕對可以令你用最短時間搵到自己嘅行李！其紋理飾面可減少划痕可見度，而且外殼堅固，咁就唔怕會被人掟爆喼！行李箱採用固定TSA 密碼鎖以及靜音滑動雙輪，令你嘅旅程更放心～
豐澤i-Coin「賞換之旅」 | ASUS禮品
出外公幹定旅行工作，ASUS嘅無線滑鼠以及鍵盤套裝就絕對啱大家！輕巧纖薄設計，加上馬卡龍色系配色，時尚又實用~
1. 16 i-Coin：Marshmallow 無線滑鼠MD100 (燕麥奶+抺茶綠/靜謐藍+天空藍/星河紫+初心綠)
Marshmallow 無線滑鼠MD100做到小巧方便攜帶，除咗有多款顏色選擇之餘，操作上嚟都夠晒靜。配合埋雙無線模式及長效電池續航力，用幾耐都冇問題！
2. 30 i-Coin：Marshmallow MD100 + KW100 無線滑鼠鍵盤套裝 (燕麥奶/抺茶綠)
除咗滑鼠可以輕便攜帶之餘，配合埋Marshmallow 無線鍵盤KW100，呢款輕巧、纖薄嘅無線鍵盤，去旅行做嘢就輕便得多，無論係Windows定係iOS裝置都適用！
3. 60 i-Coin：SmartO Silent Plus MD200 + KW100 無線滑鼠鍵盤套裝(燕麥奶/抺茶綠)及 65W USB-C 充電器(白色)
如果想追求人體工學設計嘅滑鼠，大家都可以選擇SmartO Silent Plus MD200 ，就算用全日都唔會攰～更採用電競級100% PTFE滑鼠腳，確喺包括玻璃在內嘅各種表面上順暢滑動，旅行去到邊都可以輕鬆操控。配搭埋無線滑鼠鍵盤，工作上嚟都更為流暢。旅行絕對要有充電器，ASUS呢款配備兩個USB Type-C® 連接埠，適用於Notebook同手機～
豐澤i-Coin「賞換之旅」| Bruno禮品（10月開放換領）
BRUNO係嚟自日本嘅生活品牌，設計出高品質且具時尚感嘅小型家電以及生活用品，美觀之餘又實用，深受唔少年輕人嘅喜愛！
1. 16 i-Coin：不銹鋼把手杯500ml (米白色/粉紅色)
500ml嘅不銹鋼把手杯適合大家擺喺Office或屋企飲用，真空不銹鋼設計，再加上簡約百搭設計，相當有質感！而且杯加冰亦唔容易形成冷凝水，咁就可以避免整濕地方啦！
2. 30 i-Coin：電動研磨咖啡滴濾杯 (米色/粉米色)
電動研磨咖啡滴濾杯集合電動磨豆器、不銹鋼過濾器同保溫杯，更可調節5種咖啡豆研磨粗幼度，啱晒每日都飲咖啡嘅人士。採用USB Type C充電，入面嘅研磨部件同咖啡杯亦可以組合收納，相當方便。
3. 60 i-Coin：不銹鋼把手杯500ml (米白色) + 電動研磨咖啡滴濾杯(米色) + 多用途LED 復古營燈(象牙色/磚紅色)
如果同朋友有去開Camping，就可以用60個i-Coins，一次過換領晒不銹鋼把手杯、電動研磨咖啡滴濾杯以及多用途LED 復古營燈返屋企，為Camping增添氣氛！
豐澤i-Coin「賞換之旅」 | Sudio禮品
Sudio係嚟自瑞典嘅音頻技術品牌，品牌以優雅設計同卓越音質聞名，無論係去旅行又或者Camping都可以帶埋藍牙喇叭以及耳機！
1. 16 i-Coin：S2 迷你攜帶式藍牙喇叭(黑色)
藍牙喇叭只有210g重量，超輕身之餘單手亦可以掌握，全方位防水保護，只需要叉2.5小時就可以提供6.5小時嘅電力，去旅行帶啱晒！
2. 30 i-Coin：A1 Pro 真無線藍牙耳機 (經典黑/丁香紫)
A1 Pro藍牙耳機提供主動式降噪，多點藍牙連接，仲可以連續播放近5小時，30小時續航，提升大家嘅音質體驗。再加上丁香紫顏色較為特別，相當推薦大家入手！
3. 60 i-Coin：E3 耳機(黑色/白色) + FLYG 無線藍牙航空轉接器(黑色)
耳機絕對係每個人都需要擁有，無論係做運動、聽歌定係同朋友傾計都需要用到，E3耳機令你嘅聆聽體驗變得更卓越。FLYG無線藍牙航空轉接器可以同飛機娛樂系統兼容，播放時間長達12個鐘，搭飛機途中都唔怕會悶！
【INFO】 《豐澤i-Coin「賞換之旅」》 換領要求：累積2次消費紀錄，當中1次需單一消費滿$1,000，並儲夠指定i-Coin，即可於每個等級兌換其中一件禮品一次 i-Coin派發日期：2024年7月1日起至2025年6月30日 禮品兌換期：2024年7月8日至2025年7月7日 詳情：https://bit.ly/45RPQbk
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
