日清生日啦！香港人最鍾意嘅即食麵日清迎來誕生65週年。為咗隆重慶祝，位於尖沙咀嘅合味道紀念館香港（下稱「紀念館」）都會一連5日同步推出多項慶祝活動，將氣氛推向高峰，重頭戲係請市民免費搭巴士！想知道可以免運搭邊條路線？留意以下詳情啦！
圖片來源：日清食品有限公司｜撰文：Angela
全球第一款即食麵原來係由日清食品創辦人安藤百福先生於1958年發明，並於當年8月25日正式發售，今年已經踏入第65週年啦！為咗同大家一齊慶祝呢個特別日子，日清食品特意安排咗一系列活動，與粉絲一同慶祝！日清食品將於8月25日（星期五）邀請全港市民免費乘搭九巴路線8號，路線由九龍鐵路站或尖沙咀碼頭出發，途經佐敦、油麻地、何文田、紅磡等地方。巴士車身分別有搶眼嘅「8.25即食麵誕生紀念日」慶祝元素，部分座位有貼紙以生動有趣嘅方式呈現即食麵發展歷史，等乘客們可以了解安藤百福先生嘅三大發明之一。
除此之外，日清食品亦趁住即食麵誕生65週年紀念，推出經典元祖雞汁即食麵。元祖雞汁即食麵係最愛日本人喜愛嘅即食麵之一，喺香港發售嘅時候都好快被搶購一空。佢嘅麵條吸滿雞汁及麻油，無須加入調味包，用滾水沖泡就可以食用，麵餅上面有獨嘅的凹陷設計，可以加入雞蛋、蔥等食材配搭食用，更加滋味！
合味道紀念館同步應援 一連5日推出五大慶祝活動及優惠
粉絲參與完巴士應援之後，仲可以順道去埋位於尖沙咀中港城嘅合味道紀念館，參與館內嘅慶祝活動！紀念館將於8月25日至29日，一連五日推出五大慶祝活動；紀念館首席創意總監清仔更會於8月25至27日下午2時至5時驚喜現身，同場內嘅參加者一同狂歡盡興！
| 合味道紀念館香港「8.25即食麵誕生紀念日」慶祝活動 | |
| 1. 工作坊送禮：於推廣期內參加「我的合味道工作坊」、「出前一丁工作坊」或「穀物麥片工作坊」有機會獲得清仔汽球一個或精美消暑紙扇一把。* |  |
| 2. 紀念品店送禮：於紀念品店消費滿$80，可獲贈清仔餐具套裝一套*；消費滿$150，可獲贈清仔摺疊袋一個* |  |
| 3.打卡送禮︰於紀念館內拍照打卡，並上載到社交媒體 (Facebook / Instagram)，標籤「 #合味道紀念香港」，即可獲得清仔或日清雞仔明信片一張。* |  |
| 4. 「日清食品體驗館」打卡賺額外積分︰透過WeChat小程式「日清食品體驗館」，在紀念館內簽到打卡，可額外賺取25積分。 |  |
| 5. 加入「日清食品體驗館」會員送禮︰即場登記成為WeChat小程式「日清食品體驗館」會員，可獲得精美清仔化妝鏡一塊。* |  |
*所有禮品先到先得，送完即止
【INFO】 《日清九巴免費乘車日》 日期：8月25日 路線：九巴8號巴士 官方Facebook：https://bit.ly/3YJVIzE
