排球少年劇場版 |《排球少年》動畫播出四季後，終於迎來劇場版《排球少年!! 垃圾場的決戰》，相信各位動漫迷都相當期待4月11日正式上映，當中更有5大亮點入場前必睇！
圖片來源：官方圖片、X@animehaikyu_com | 撰文：Hedy
排球少年!!垃圾場的決戰 | 1. 劇情簡介
想入場睇電影嘅大家記得要重溫動畫，總共有四季。劇場版《排球少年!!垃圾場的決戰》故事延續動畫嘅第四季。自烏野高中擊敗全國大賽第二輪嘅勁敵稻荷崎高中之後，將會面對宿敵音駒高中，相信將會係充滿熱血同火花嘅一場比賽！
排球少年!!垃圾場的決戰 | 2. 動畫導演回歸！
劇場版《排球少年!! 垃圾場的決戰》再次由第一至第三季嘅滿仲勸導演執導，同時亦都搵嚟前三季嘅作畫監督千葉崇洋合作，相信絕對可以將呢場精彩嘅宿命之戰透過大銀幕好好展現，並將會喺4月11日正式上映！
排球少年!!垃圾場的決戰 | 3. SPYAIR再次演唱主題曲
SPYAIR曾經為《排球少年!!》動畫演唱過多首主題曲包括「Imagination」、「I’m a Believer」、「One Day」等等，陪大家渡過第一至第四季，嚟到劇場版當然都有SPYAIR為大家演唱電影主題曲「Orange」，將排球比賽入面充滿熱情透過強烈嘅節奏帶出～
排球少年!!垃圾場的決戰 | 4. 香港期間限定店
未睇電影之前，大家都可以到訪香港首個《排球少年!!》官方期間限定店，除咗有兩米高嘅日向烏鴉充氣大公仔坐陣之外，更有1：1等身嘅角色立牌。場內有多達200款周邊商品，包括T恤、襟章、枱墊、手機帶、衛衣等等，亦有香港首次公開發售嘅產品，粉絲們絕對唔可以錯過！
【INFO】
排球少年期間限定店
時間：早上11:00至晚上21:00
日期：即日起至4月11日
地址：九龍塘達之路80號又一城LG2層
排球少年!!垃圾場的決戰 | 5. 電影預告
喺烏野高中與東京音駒高中嘅共同訓練營入面，日向認識咗日後嘅宿敵──孤爪研磨，兩人當日嘅相遇產生友誼之外，亦希望能贏過對方。呢一場比賽除咗係日向翔陽同孤爪研磨嘅決鬥之外，同樣都屬於烏鴉同野貓嘅對戰，打出一場精彩嘅宿命之戰！
【INFO】 《排球少年!!垃圾場的決戰》 上映日期：2024年4月11日 電影場次：https://bit.ly/4aBTHdF
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
