找換店推介 | 相信大家去旅行前當然都會唱定啲錢,尤其係最近日元跌到去5算,自然要把握機會唱多啲~小編已經幫大家整合同比較12間找換店,究竟邊間唱日元最抵,即刻睇睇推介啦!咁就可以準備定之後去日本掃貨同食好西!
圖片來源:Facebook@Birdy Exchange、飛鳥找換店、小女孩找換店、激安の両替DonkiFX、多福找換店、啟能國際投資有限公司、堅成找換有限公司、牛記找換有限公司、永恒找換公司、景緻找換、惠捷找換有限公司、匯通找換 | 撰文:Hedy
香港找換店推介 | 1. 發達鳥找換店
位於深水埗嘅發達鳥找換店,為客戶提供最優惠嘅價格,冇手續費之餘,只會直接計算匯率作兌換,所以唔少人都會選擇呢間找換店!再加上唔使walkin都睇到即日匯率,只要每日朝早喺官方Facebook上面留意公佈就搞掂,咁就可以輕鬆同其他找換店格價!發達鳥找換店除咗提供外幣現鈔找換服務之外,亦有旅遊電話卡銷售服務,不過大家就要留意找換店未能提供任何中國或國際滙款服務。無論係walkin定係提早Whatsapp預約都冇問題~
【INFO】 《發達鳥找換店》 營業時間:星期一至六 12:00至20:00(星期日休息) 地址:深水埗長沙灣道261A地鋪 Whatsapp:69906196 匯率查詢:https://bit.ly/3WCr50k
香港找換店推介 | 2. 飛鳥找換店
2018年先成立嘅飛鳥找換店,算係比較新嘅找換店,可以為大家兌換超過20個唔同國家同地區嘅貨幣。除咗冇佣金亦都唔收手續費。不過大家如果想換唔同嘅貨幣,就記得要喺當日WhatsApp預約,只需要發送短信後,就可以為你保留貨幣同鎖定優惠價格,跟住就可以喺當日營業時間入面去攞就得㗎啦!每日匯率將會喺早上11點更新,大家要留意網頁或者Facebook專頁。
【INFO】 《飛鳥找換店》 營業時間:星期一至五 12:00至20:00;星期六 12:00至17:00 (星期日及公眾假期休息) 地址:油麻地彌敦道530號現時點1樓106-107號舖 Whatsapp:69943386 匯率查詢:https://bit.ly/4dK9auK
香港找換店推介 | 3. 小女孩找換店
近期被喻為唱Yen最抵嘅地方絕對係小女孩找換店!不過大家都可以自行再同其他找換店比較下,睇下邊間最平。小女孩找換店同樣都唔收手續費而且唔設兌換最低額,大家都可以透過WhatsApp或者Wechat去即日預留貨幣。再加上星期一至日除咗公眾假期之外都有營業,咁就隨時都可以即日去換啦,超方便!
【INFO】 《小女孩找換店》 營業時間:星期一至五 9:00至19:00;星期六及日10:00至16:00;(公眾假期休息) 地址:上環德輔道中東協商業大廈601室 電話/Whatsapp:29154812 / 67159995 匯率查詢:https://bit.ly/3y6G5sU
香港找換店推介 | 4. 激安の両替DonkiFX
每次唱錢都要出港島同九龍?位於元朗嘅激安の両替DonkiFX就相當適合住附近嘅朋友,咁就使特登出去唱啦。再加上每日都開到夜晚7:30,放工返去唱都冇問題~無論用WhatsApp定係Signal嘅朋友都可以用電話查詢同預約!
【INFO】 《激安の両替DonkiFX》 營業時間:星期一至日 11:00至19:30 地址:元朗教育路15號嘉城廣場3樓3088號舖 電話/Whatsapp:34808099 / 65533448 匯率查詢:https://bit.ly/3UQDhZY
香港找換店推介 | 5. 多福找換店
多福找換店喺全港共有5間分店,分別位於觀塘、尖沙咀、荔枝角、九龍灣以及元朗,咁大家就更容易唱錢啦~除咗提供外幣找換服務之外,亦有各國匯款包括中國、東南亞地區以及歐美等。大概每日早上10:30左右就會更新現鈔匯率和電匯排價,大家都可以預留時間格價!
【INFO】 《多福找換店》 匯率查詢:https://bit.ly/3USG5pi 觀塘店 營業時間:星期一至星期五09:30至18:30;(星期六、日及公眾假期休息) 地址:觀塘巧明街106號冠力工業大廈地下2號舖 電話/ Whatsapp:23279731 / 94359212 尖沙咀店 營業時間:星期一至星期日10:00至19:00 地址:尖沙咀海港城港威商場4樓4010號 電話/ Whatsapp:22423323 / 93132031 荔枝角店 營業時間:星期一至星期五09:30至18:30;(星期六、日及公眾假期休息) 地址:九龍荔枝角青山道676號W668地下6號舖 電話/ Whatsapp:39968703 / 91729611 九龍灣店 營業時間:星期一至星期五09:30至18:30;(星期六、日及公眾假期休息) 地址:九龍灣常悅道19號福康工業大廈地下1A舖 電話/ Whatsapp:25220220 / 94391191 元朗店 營業時間:星期一至星期日09:00至19:00 地址:元朗教育路18一24號 元朗商業中心3號舖 電話/ Whatsapp:21528002 / 56484842
香港找換店推介 | 6. 啟能找換店
啟能國際投資有限公司喺2005年成立,提供大量現鈔外幣供應以及特快外幣匯款服務。只要一早喺電話預約好,過到去就唔洗再排隊,省時又方便。每日留意佢哋嘅Facebook專頁就已經得知最新匯率,現金兌換更係冇手續費!
【INFO】 《啟能找換店》 營業時間:星期一至星期五 11:00至19:00;星期六 11:00 - 18:00(星期日及公眾假期休息) 地址:香港九龍尖沙咀中間道 5-6 號遠東大廈商場地下 11 號舖 電話/Whatsapp:27800120 匯率查詢:https://bit.ly/4bxXMzY
香港找換店推介 | 7. 堅成找換有限公司
堅成找換有限公司位於九龍尖沙咀,擁有超過50年兌換外幣經驗,提供免手續費嘅兌換率。大家都可以透過網頁睇到即日外幣匯率,不過就冇得預留,要親身去到找換店~同時亦有提供AlipayHK、WechatHK錢包增值以及大陸銀行匯款等等。
【INFO】 《堅成找換有限公司》 營業時間:星期一至五 0900至18:00;星期六0900至14:00(星期日及公眾假期休息) 地址:九龍尖沙咀 彌敦道36-44號重慶大廈地下87號舖 電話/Whatsapp:23680084 / 23683712 / 23664952 匯率查詢:https://bit.ly/3wF0vsy
香港找換店推介 | 8. 牛記找換有限公司
牛記找換有限公司應該係比較多人認識嘅找換店,亦都係喺香港歷史悠久嘅找換店,喺1930年成立。只要每朝8:30就會更新匯率,如果一早已經預訂咗嘅朋友仔,唔使排隊只要報上交易編號就有獨立專櫃為你處理,咁就唔怕大排長龍啦~
【INFO】 《牛記找換有限公司》 營業時間:星期一至五 09:00至17:30;星期六09:00至13:00 地址:上環急庇利街1號地下E舖 電話/Whatsapp:25431596 匯率查詢:https://bit.ly/3JWSQsY
香港找換店推介 | 9. 永恆找換店
位於尖沙咀嘅永恆找換店提供多種貨幣兌換,免手續費之餘又接受轉數快(FPS)付款,唔使帶住咁多現金喺身怕唔安全啦。匯率更可以預先喺網站上面睇得一清二楚,朝早9:30就已經營業,返工前都可以去一轉。
【INFO】 《永恆找換店》 營業時間:星期一至星期五09:30至18:00;星期六10:00至14:00(星期日及公眾假期休息) 地址:九龍尖沙咀漢口道17號新聲大廈5樓8室 電話/Whatsapp:23760698 匯率查詢:https://bit.ly/3JYltpz
香港找換店推介 | 10. 景緻找換店
喺港九新界共擁有14間分店嘅景緻找換,絕對方便大家隨時兌換外幣,方便省時之餘又免手續費。只要喺網上預約完就可以喺當日到已選擇嘅分店就完成,咁多分店選擇就唔怕臨時臨急冇得兌換貨幣啦!
【INFO】 《景緻找換店》 營業時間:各分店不同時間 地址:https://bit.ly/4dsGUg5 電話/Whatsapp:23319180 / 68238683 匯率查詢:https://bit.ly/44CTNjj
香港找換店推介 | 11. 惠捷找換有限公司
如果去比較冷門嘅國家旅行,就可以去惠捷找換有限公司,有近30多種唔同嘅貨幣可供兌換。唔需要畀手續費之餘又可以透過Whatsapp以及Wechat等方法預約。
【INFO】 《惠捷找換有限公司》 營業時間:星期一至六 10:00至19:00 地址:香港銅鑼灣蘭芳道2-16號鳳鳴大廈地下6號舖 電話/Whatsapp:21177031 / 21553010 匯率查詢:https://bit.ly/3UTJSCZ
香港找換店推介 | 12. 匯通找換
最近想換多少少日元,但又唔想排隊?只係喺匯通網站或提早以電話預約,約好時間就可以去門市即時攞,夠晒快!就算其他國家嘅貨幣都可以兌換,有興趣嘅大家就可以去網站留意更多詳情。
【INFO】 《匯通找換》 營業時間:星期一至星期五 09:00至19:00;星期六 09:00至17:00(星期日及公眾假期休息) 地址:香港上環永樂街1-3號世瑛大廈地下A1及B鋪 電話/Whatsapp:22950333 / 59339980 匯率查詢:https://bit.ly/3JWV0J
12間找換店兌換價比較
相信介紹咗以上12間找換店,大家都最想知道究竟去邊度唱日元先係最抵?小編已經幫大家準備咗比較表,以5月10日匯率為例子,最推介以下小女孩找換店以及堅成找換有限公司間,匯率都係0.0505!不過由於匯率都會隨時變動,以上嘅內容同匯率都僅供參考,想唱錢不妨當日再留意同比較唔同找換店嘅匯率!
發達鳥找換店 | 0.05085 |
飛鳥找換店 | 0.05085 |
小女孩找換店 | 0.0505 |
激安の両替DonkiFX | 0.05095 |
多福找換店 | 0.0509 |
啟能找換店 | 0.05100 |
堅成找換有限公司 | 0.050500 |
牛記找換有限公司 | 0.050550 |
永恆找換店 | 0.0507 |
景緻找換店 | 0.0511000 |
惠捷找換有限公司 | 0.05095 |
匯通找換 | 5.0600(100) |
——————————————————
Follow 我哋睇更多最新情報!
Facebook – SAUCE – 為生活加一點味道
Instagram – @sauce.media.hk
YouTube – @saucemediahk