利是封回收2025 | 農曆新年結束之後，相信大家屋企都有唔少嘅利是封、桃花、盆菜兜以及賀年食品等，唔想浪費嘅話，都可以攞去回收。即刻入內文睇全港回收點啦！
圖片來源：官方圖片 | 撰文：Hedy
利是封回收 | 1. 綠領行動
綠領行動將會提供近400個地點以便市民回收利是封，包括商場、屋邨、社福機構。由即日起到2025年2月27日都可以回收～
【INFO】 《綠領行動利是封回收》 日期：即日起至2025年2月27日 地點：請按此
利是封回收 | 2. Mil Mill喵坊
【INFO】 《Mil Mill喵坊利是封回收》 時間： 9/2 星期日 富安花園 （11:00-13:00)、穗禾苑（15:00-17:00） 15/2 星期六 綠楊新邨（15:00-17:00） 16/2 星期日 嘉亨灣（11:00-13:00）、東濤苑（15:00-17:00） 22/2 星期六 荃威花園（15:00-17:00) 23/2 星期日 曉麗苑（11:00-13:00)、 龍蟠苑（15:00-17:00) 喵坊地址：新界粉嶺坪輋五洲南路39號
利是封回收 | 3. 天仁茗茶
召集所有鍾意飲手搖嘅朋友～大家由即日起到13號，只要到天仁買茶飲時將完好嘅利是封交畀回收，就可以全單減$3，優惠適用於香港天仁全線分店。回收嘅利是封需確保係完整，沒有明顯損毀！回收得嚟嘅利是封將會全數交畀綠領行動。而12間指定分店於優惠期後會繼續擺放綠領利是箱供回收至2月27日，當中包括秀茂坪、黃大仙、馬鞍山、天水圍T Town、新蒲崗、牛頭角綠景NEO、九龍灣德福、上環、東薈城、香港站、太和、觀塘Apm。
【INFO】 天仁茗茶利是封回收 日期：即日起至2025年2月13日 地點：香港天仁全線分店 *單筆消費只可使用優惠乙次 *單筆消費回收的利是封沒有上限 *優惠不能與其他優惠及現金劵同時使用
利是封回收 | 4. 城景國際
城景國際於即日起至2025年2月21日期間舉辦利是封回收活動，向公眾回收指定款式嘅利是封。收集嘅利是封將會轉送至「綠領行動」作進一步處理、分類及派發。
【INFO】 《城景國際利是封回收活動》 日期：即日起至2025年2月21日 地址：香港油麻地窩打老道23號
利是封回收 | 5. 無印良品
【INFO】 《無印良品利是封回收》 日期：即日起至2025年至2月28日 回收地點：指定無印良品門店舖（MUJI to GO 港鐵香港站及青衣站、萬宜大廈商場期間限定店、澳門威尼斯人店除外）
賀年食品回收 | 1. 共享食物基金
新年收到唔少嘅賀年食品，想避免食物浪費及擔心過度食用，大家都可以將全新嘅賀年食品捐贈畀有需要嘅人！只要係全新未開封且未過最佳食用日期嘅食品，大家都可以在新年前後捐贈！
【INFO】 《共享食物基金賀年食品回收》 收集地點： 共享食物基金（火炭坳背灣街26-28號13樓1312室） 電話：2336 0678 環保基金 食享沙田（沙田新田村42A） 電話：2692 3000 環保基金 食享馬鞍山（馬鞍山利安邨利榮樓地下A翼） 電話：2692 3300 婦女服務聯會 地址：葵芳邨葵安樓5-6號地下 地址：葵涌邨雅葵樓3號地下 地址：青衣長康邨康盛樓地下10-14號地下 電話：2449 0818 **捐贈之前可致電你想捐贈機構了解安排
賀年食品回收 | 2. 食德好
今年食德好，一如往年於全港十八區設立賀年禮盒及食物公眾回收站，回收後將送到基層手中，轉贈予有需要人士！
【INFO】 《食德好賀年食品回收》 日期：即日起至2025年2月20日 地點：請按此
盆菜兜回收 | 1.Mil Mill喵坊盆菜兜回收
大家喺新年食嘅盤菜，原來個兜都可以重用！Mil Mill喵坊將會回收盤菜兜送到有心人嘅手上，交畀動物收容所同暫托動物義工重用；同時將不銹鋼餸隔送到農場，代替CD以避免膠碎化污染泥土同農作物！大家都可以自行到喵坊擺低，又或者到喵巴士回收，喵巴士亦會收新舊利是封！
【INFO】 《Mil Mill喵坊利是封及盆菜兜回收》 時間： 9/2 星期日 富安花園 （11:00-13:00)、穗禾苑（15:00-17:00） 15/2 星期六 綠楊新邨（15:00-17:00） 16/2 星期日 嘉亨灣（11:00-13:00）、東濤苑（15:00-17:00） 22/2 星期六 荃威花園（15:00-17:00) 23/2 星期日 曉麗苑（11:00-13:00)、 龍蟠苑（15:00-17:00) 喵坊地址：新界粉嶺坪輋五洲南路39號
盆菜兜回收 | 2. 綠惜地球盆菜兜回收
綠惜地球繼續支持回收盆菜兜，將轉送收集到嘅盆菜兜至本港狗場同農場，重用成為狗狗飯兜或用於農務及烹飪活動上！源頭減廢之餘同行實踐綠惜生活零浪費。大家記得要清洗乾淨先攞去回收～
【INFO】 《綠惜地球盆菜兜收集活動 》 日期 : 即日起至 2 月 28 日 時間 : 逢星期一至五 10:00 - 18:00 (公眾假期除外) 地點 : 綠惜地球辦公室 (九龍青山道 476 號 PeakCastle 17 樓 1701 室)
盆菜兜回收 | 3. 綠在區區盆菜兜回收
新年期間大家食咗唔少盆菜，個盆菜兜大家都可以攞去唔同嘅綠在區區進行盆菜兜回收！只要洗乾淨後就可以回收，活動所收集之盆菜兜，將會捐贈到非牟利動物收容所，幫助動物～
【INFO】 日期：即日起至2月13日 地點： 綠在路德圍(荃灣青山公路423至427號地下2號舖) 綠在大角咀(大角咀埃華街117至119號C&D舖) 綠在聯和墟(聯和道15-23號嘉宏中心A座地下） 綠在沙田(石門安平街10號) 綠在觀塘(九龍灣常怡道27號) 綠在西貢(將軍澳寶琳里3號)
桃花回收 | 1. 環保署桃花回收
相信有唔少人喺新年期間都會買桃花裝飾屋企，而環境保護署為咗鼓勵社會各界回收及循環再造園林棄置物，減少棄置堆填區，將會透過Y‧PARK [林‧區]承辦商喺指定地點回收桃花，並將當中合適嘅桃花循環再造成再生產品，轉廢為材！桃花回收收集日期由2025年2月5日至13日，地區收集站唔會接收兩米以上及工商機構棄置嘅桃花。如果大家於2025年2月14日至20日期間仍需要回收桃花，請於辦公時間內（星期一至星期六，上午九時至下午六時，公眾假期除外）將桃花直接送往中央收集站回收。
【INFO】 《桃花回收》 收集日期：即刻日至2025年2月13日 收集地點：請按此
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
