【 健康百科 】身體響警號！長期易攰居然關呢個事？ 成日生痱滋可以食呢樣解決！

【 健康百科 】都市人生活忙碌，經常OT捱夜，加上又食無定時，身體好容易出現各種小毛病！大家以為嘅小問題，分分鐘係對你發出求救訊息嘅警號！如果自己或者身體嘅人容易生痱滋、容易覺得攰嘅徵兆，千祈唔可以忽視，一齊睇下可以點解決啦！

圖片來源：網絡圖片｜撰文：Sharon

身體現健康警號1：容易覺得攰

瞓極都覺得唔夠，仲係覺得好攰？如果有以上徵狀好大可能你嘅體內缺乏維生素D，攝取適量嘅維生素D有助攝取鈣，維持骨骼健康。建議大家可以食用維他命D補充劑，或者多曬太陽。另外，除咗以上方法，仲可以攝取富含維他命D嘅食物包括三文魚、菇類或雞蛋等。

建議攝取嘅食物：三文魚、菇類、雞蛋、橙汁等

身體現健康警號2：容易生痱滋

好多人都試過生痱滋，通常係捱夜多，或者食太多上火嘅食物而引致。生痱滋唔單止影響心情，仲影響食慾，有時都幾煎熬！但如果生痱滋嘅次數變得頻密咗，好大機會係缺乏維他命B12，而肉類、魚類、家禽類同奶製品食物則含維生素B12，素食者可以喺大豆類食物如豆類、豆腐、麥皮以及蔬菜如菠菜等攝取～

建議攝取嘅食物：豆腐、麥皮、菠菜等

身體現健康警號3：腿部易抽筋

小腿容易抽筋嘅朋友，除咗做運動因使用肌肉過度而造成之後，身體缺乏鈣、鎂、鉀等礦物質都有關。攝取鎂可以對肌肉有舒緩功能，又能提升睡眠品質；鈣則可以降低肌肉不正常的收縮，並能避免骨質疏鬆！

建議攝取嘅食物：綠色蔬菜、堅果、豆類、牛奶、芝士等。

身體現健康警號4：手臂易起雞皮

手臂生粒粒，以為係起雞皮？但如果感到又紅又癢，有可能患上「毛囊角化症」。身體有可能缺乏鋅同維生素A，維生素A能夠幫助表皮肌膚新陳代謝，促進肌膚再生，避免毛囊堵塞。所以攝取足夠鋅同維生素A，可以抒緩以上問題。另外，日常護理都十分重要，除咗要避免日常過度清潔肌膚、過度使用去角質產品，仲要適度擦保濕乳液。

建議攝取嘅食物：胡蘿蔔、番薯、海鮮，堅果、乳製品等